| Bräute 2013 |
|
|
1 .. 1391 .. 2779 2780 2781 2782 2783 .. 3270 .. 3757
|
Emma13  am 10.09.2013
Re: Bräute 2013
Ja, also ich han sowieso bi allne no d Kopie vode Ehebeschinigung mitgschickt... het eigentli überall glanget... also d Handy-Rechnig chunt mitem neue Name :)
|
|
|
himbeer am 10.09.2013
Re: Bräute 2013
ich ha au scho briefe vorbereitet und wott das nach möglichkeit grad am sunntig nach de hochzit erledige, denn isch offentlich nach de flittis de grossteil scho apasst.
|
ma84ma  am 10.09.2013
Re: Bräute 2013
Hallo liäbi Brüt 2013
Eg wönsche denä wo der schön Tag scho verbi hei aues aues guete zur Hochzit  ...
U die wos no vor sech hei, aues guete, u vorauem gniessit euies Fescht, sgeit leider viu zschneu verbi...
E be etz sit em 4.Mai verhürotet u dänkä immer no gärn a üse gross Tag zrugg...
Anstatt Flitterwuche simer fliessig am Umboue...Aber eg hoffe das mer de so i 2 Johr o no es Reisli chöi mache :-)...
@all: Wie heiters so met de Dankescharte? Mer hei dänkt mer lö üsi zum Haubjärigä use...
Liebi Grüess a aui
ma84ma
|
LucyLu  am 10.09.2013
Re: Bräute 2013
Hallo ma84ma
Uiii, scho vier Mönet verhüratet? Bi mir sind's zwar au scho 2 Mönet, krass wie die Ziit vergaht. Mir sind momentan fliessig dra d'Flittis plane wo am 1.11 los gönd. Hoffe für oi das ihr au mal na es Reisli chönnt mache. Und s'Hochziitalbum bini au am gestallte, sust isch HZ TEchnisch alles erledigt.
Wege de Dankescharte, also normalerwies laht mer die so 2-3 Mönet nach em Hochziit use, ich persönlich find 6 Mönet sehr spat. Mir händ oisi 1,5 Monet nach oisem HZ uselah aber so spötistens 3 Mönet nachem HZ findi grad na okay. Ha bis jetzt immer all Dankeschärtli i dem Rahme becho. Ich has au schnell wellä mache will ich mich unbedingt ha wellä mitem Dankeschärtli bi de Gäst für die Grosszügige Gschänk bedanke und gfunde ha das söt scho bald nachem HZ passiere...
Grüessli
Zuletzt bearbeitet am 10.09.13 21:46
|
LucyLu am 10.09.2013
Re: Bräute 2013
@ Namensänderig: ich ha die wichtigste au grad sofort gmacht, s'meiste isch Online gange und de Rest machi jetzt vorzue (Arzt, Zahnarzt, Chleider-Kataloge etc.). Das mitem STVA isch würkli en riese witz, ha au zerst na müsse so en Fotiautomat sueche, naja, jetzt gits es Verbrecherfoti meh vo mir (schrecklich säg ich euch).
|
ma84ma am 10.09.2013
Re: Bräute 2013
Hoi LucyLu
Ja dasch wahnsinnig wie die Zit vergeit...
Merci för di imput..mer hei die nöchschte 2 Wuche Ferie, de düemer üser Dankeschärtli sicherlich mau bsteue...wett aber jedem e persönlichi wittmig inneschriebe..drum wird eue de glich spöter...
@Namensänderig: Ab und zue chunnt no es Briefli ufe aut Name..aber ergendeinisch klappet de das scho...
U so langsam gwanni mi o a mi neui Name...
Grüessli
|
LucyLu am 10.09.2013
Re: Bräute 2013
@ ma84ma: ich ha au bi allne na öpis persönlichs gschriebe, find das nämli öpis sehr schöns und mer chan sich ebä bi jedem einzel speziel für DAS Gschänk bedanke. Hüt hani na die letzt 4 gschriebe fürd Dienstleister, jetzt isch das au erledigt.
Demfall guets glinge.
@ Name: ich denke das wird's doch immer wieder mal geh, Post mtem alte Name. Ich ha freud wenn amigs min ledig Name doch na noimeds staht
|
Emma13 am 11.09.2013
Re: Bräute 2013
Hallo zäme
Mir sind eus au scho Gedanke am mache weg de Dankeskärtli, ich möchte die eigentli so schnell wie möglich verschicke, gaht mär glich wie dir LucyLu, möchte mich zimli bald für di viele grosszügige Gschenk bedanke und sobald mär d Föteli vom Fotograf überchömet möchti eigentli mite Gstaltig afange, de allgemeini Text hani scho, mir werdet aber au no öpis persönlichs drischriebe...
Wo hend ihr d Dankeskärtli mache lah? Han gseh dass uf de Manor Siite no schöni Layouts zur Verfüegig stönd...
|
Canoa am 11.09.2013
Re: Bräute 2013
Guete Morge zäme
Sorry dassi mi erst mäude ond mi Brecht hani emmer no ned fertig. Es louft grad weder drondert ond dröbert...anderst mühesam...
Also mi Ma hed am Sonntig nochem HZ voller Ärnst gmeint, gäu das längt scho wenn i Zwe Woche t Dankeschärtli usegönd, hani gseid guete Ma erst müemer mou t Föteli ha! =O
Warte auso au no sehnlechst druf. Ha zwar afig paar wenegi vorab becho.
Emma mer wärded eusi öber en Drockerei loh drocke womer t Iladigschärtli hend loh drocke, e Kollegin vo eusem Fotograf tued sie denn weder gstaute! =)
Tue i aller ruhe de no nocheläse...wönsch euch ganz e schöne Tag...
|
apple-pie am 11.09.2013
Re: Bräute 2013
Guten Morgen, Mädels!
@Dankeskarten
Wir haben unsere ja zusammen mit den Einladungskarten bestellt! Die einladungskarten müssen wir neu machen, aber die Dankeskarten können wir aufheben!
|
|
|
1 .. 1391 .. 2779 2780 2781 2782 2783 .. 3270 .. 3757
|
Anmelden
