| Bräute 2013 |
|
|
1 .. 1394 .. 2786 2787 2788 2789 2790 .. 3274 .. 3757
|
Canoa  am 17.09.2013
Re: Bräute 2013
Emma es esch äbe en Kolleg vo minere Schwöster wot Föteli gmacht hed ond es esch kei professionelle, är hed mer eifach vorab es Zöckerli welle schecke darum hani scho paari...
Mer hend ou no öbe 400 Föteli scho öbercho, do mer jo en Kamara ufs HZ becho hend vo de Kollege ond met dere hend sie de ganz tag gfötelet aber ganz ehrlech öbe grad 10 send guet de räschte esch för de rondi Ordner...
Emma chöntisch jo mou schriebe, wenn ehr t Föteli döffed erwarte, wöigsch ehn ned stresse, är könni jo das secher us erfahrig dass mer t föteli chum chöig erwarte! =)
|
|
|
Lilly4  am 17.09.2013
Re: Bräute 2013
danke canoa !! :) uh herzig 
emma, mir händ ja au am 31.08. ghürate und händ
au no nüd! also ich wird hüt mal alüte ... möcht wenigstens
mal es paar fötelis ussueche für dankescharte, mit däne
wotti ebe au nöd z lang warte, möcht mich bi dä gäscht
bedanke !
|
Emma13 am 17.09.2013
Re: Bräute 2013
Ja ich ebe au Lilly... wett d Dankeskarte eigentli so schnell wie möglich useschicke..
Denn glaubi mach ich das au so, dass mär wenigstens vorab scho mal es paar hend
|
Lilly4 am 17.09.2013
Re: Bräute 2013
ja mach das doch emma ... ich wird eusem hüt namittag mal alüte
und fröge weg dä dankeschärtli, machet das ebe au grad über ihn
und dänn frögi eifach wie das gnau lauft etc., ob und wenn mer t fötelis
bechömet zum ussueche für t chärtlis etc.  er chan sich ja dänke
das mer das so schnell wie möglich wend ... bim fotialbum und dvd muess
er dänn nöd stresse, isch ja für eus, aber bi dä dankescharte wotti scho
nöd z lang warte ...
jetzt bini grad am füehreruswies dra, muesch ja so es formular usfülle ...
und en brief hani au scho gschriebe juhu ... schicki dänn allne mit dä kopie
vo dä trauuigsurkunde! wie händ ihr das eigentlich gmacht? dihei im ordner
gluegt was alles über dä alt name lauft und dänn so gänderet? ich weiss gar
nöd was ich alles muess, han zwar scho so e lischte, aber nöd grad so e
ordnig dihei woni dä überblick han  
|
Canoa am 17.09.2013
Re: Bräute 2013
Lilly euse Fotograf macht keis Album för eus, wöu das Gschmakssach esch. Mache das säuber, ha mou metem zivile agfange...=)
Namensändrige: Ech ha eifach mou im Portmonaie inne gluegt was för Chärtli ech ha ond ha die Ändrige grad per Email döregäh. Ond äbe Versicherige etc. hani au alli per Email loh ändere...ond ha sone Liste gha met de wechtigste Sache droffe ond jo thats it...ond wenn denn mou no öbis förechond denn chani das emmer no loh ändere...als Katalög hani no ned loh ändere...
ah ond ech ha e liste gmacht wenn ech was loh ha loh ändere dameti e Öberbleck ha...
Zuletzt bearbeitet am 17.09.13 10:16
|
Emma13 am 17.09.2013
Re: Bräute 2013
@Canoa ja genau so öpis wirdi schriebe... denn weissi au bitz wie lang das mär no öpe müend warte..
Mir hend ebe au no Kollege gah wo am Abig gfötelet hend, aber das sind ehner "Party-Föteli" het zwar scho viel lässigi drunder, aber die chömer sicher nöd fürs Dankeskärtli bruche ihihi
|
Emma13 am 17.09.2013
Re: Bräute 2013
Yeahhh euse Fotograf het grad zruggschriebe, dass d CD mite Föteli hüt ufd Post isch, das heisst morn oder übermorn hemmer sie endlich 
|
Lilly4 am 17.09.2013
Re: Bräute 2013
ou so lässig emma  häsch sicher uh freud !!!
cool ...
ich lüüt nachher au mal eusem a, bin gspannt was er meint!?
|
Lilly4 am 17.09.2013
Re: Bräute 2013
hät öpert vo eu au en videograf gha????
euse wot jetzt das mer ihm 5 langsami lieder und 5 schnelli lieferet
und ich han doch keei ahnig ... han scho am hochziit so mühe gha
mit lieder ussueche und jetzt grad so viel ... viellicht hät ja
öpert vo eu dä eint oder ander guet tipp hihi bin soooo e pumpi 
|
Canoa am 17.09.2013
Re: Bräute 2013
lilly ond wenn scho mal die Lieder wörsch näh woner i de Chele gha hend?
hmmm ech be det döre au kei grossi Höuf...ech ond Lieder...=O
|
|
|
1 .. 1394 .. 2786 2787 2788 2789 2790 .. 3274 .. 3757
|
Anmelden
