| Bräute 2013 |
|
|
1 .. 1398 .. 2794 2795 2796 2797 2798 .. 3278 .. 3757
|
Eve777  am 19.09.2013
Re: Bräute 2013
@Flittis: mir händ ebe vo Afang ah gseit mir würde gärn direkt go wenns möglich esch, eifach zum no es Zyytli au chli i dere Wolke inne bliebe und eifach Zyyt für enand ha  . Bi eus eschs jetzt eso, mir händ ab morn 4 Wuche Ferie, händ jetzt am Samstig s Fest und flüge denn am Mittwoch nächst Wuche und chöme 3 Wuche spöter au amene Mittwuch wieder zrugg. So hämmer easy Zyyt vorhär zum deheime packe und nachhär wieder obe abe cho, Jetlag kuriere etc. freu mi megaaaa  .
Ou Lilly hoffe euchi Fötelis chöme au bald, do vergitzlet me fast gäll wenn me so sehnlichst druf wartet. Hoffe mega dass mir eusi denn bald händ wenn mir us de Flittis zrugg sind .
|
|
|
Lilly4 am 19.09.2013
Re: Bräute 2013
das find ich super so eve 
ich bin wüki au uh froh gsi ... jetzt zwar wieder schaffe,
aber mir händ schön ziit gha !
oh jaaa, cha nüm warte !!!!  hoff wüki die chömet
dänn nöchscht wuche, suscht lüüt ich ihm nomal a
wür ebe au gern bitz vorwerts mache mit dä dankeschartene!
canoa, dass ihr dä liebschte selber eis wend baschtle, dass sie
es scho däng händ findi e schöni idee ...
|
Emma13  am 19.09.2013
Re: Bräute 2013
Sooo hans gschafft 
Han eu allne ä PN gschickt... viel Spass!
|
Eve777 am 19.09.2013
Re: Bräute 2013
Wooooow Emma dir händ eifach traumhaft zäme usgseh, sooooo schöni Föteli  !!! Wörkli super Bilder, do hätti also au Freud dra .
|
Emma13 am 19.09.2013
Re: Bräute 2013
Daaaanke Eve chönt sie immer und immer wieder aluege... debi sötti doch schaffe
|
sonne13 am 19.09.2013
Re: Bräute 2013
wow emma, meeeeeeeeeeeeeeeeega! so hübsch
wenni alle euchi schöne bildli aaluege schämi mi fascht chli... ihr sind alli so wunderschöni traumbrütlis!!!
eve wäg euchne ferie: perfekt so! wenni nomol zrugg chönnt unds möglich wär, ich würds genau so mache!!! ich wär so dankbar gsii eifach chönne uf de wolke bliibe, ohni zwüschedüre härt ufem bode z lande(im gschäft...) geschter hend mer scho d rächnig vom hotel becho - hihi, mir hend eus sogar gfreut herrlich gsii alles dure zgoh und z säge: genau, gin-tonic, dere hed dä und dä glaub eine z viel gha usw
ha grad immer wieder chli warteziite woni für forum und hochziitsbricht nutze
|
Eve777 am 19.09.2013
Re: Bräute 2013
Sonne du bisch sicher au e wunderschöni Brut gsi, finde jedi Brut esch mega schön a ehrem Tag, scho nur die toll Usstrahig wo me denn het loht eim doch strahle .
Wobi mues säge ha amigs au mega Müeh mit Föteli wo ich druf bi, do cha ich no so s Gfühl ha weni i Spiegel luege doch alles ok gseht schön us wie sie mich gstylt händ etc., denn luegi Föteli vo mir ah und finde mi eifach furchtbar unfotogen. Sobald dass es gstellti Föteli sind findi ich gseh immer komisch us, Schnappschüss wärde meistens guet.
Uh was so schnäll scho d Rächnig, wow das esch aber zackzack gange *g*. Ich ha ehrlichgseit jetzt scho chli Schiss vor de Rächnig vo de Seerose, hoffe eifach es sprängt denn euse budgetierti Betrag ned aber findes so schwer zum z.b. s Trinke ischätze  .
|
Emma13 am 19.09.2013
Re: Bräute 2013
Ou sonne, säg so öpis nöd... jedi Brut isch wunderschön a ihrem Hochziitstag... nur scho d Usstrahlig macht de ganzi Unterschied, ich han mich eifach total happy gfühlt adem Tag und ich finds mär gsehts richtig uf de Föteli.. das freut mi natürli umso meh :)
Mir hend au scho alli Rechnige übercho, zum Glück isch alles sehr guet ufgange, bim Apéro hemmer sogar viiiel meh budgetiert gah, bini echt froh gsi :)
|
sonne13 am 19.09.2013
Re: Bräute 2013
eve, mir hend au kei ahnig gha was de am schluss use chunnt! aber weisch, mir hends sooo schön gha, es isch jede einzelni franke wärt gsii
ich ha ebe bim fötele chli gfrohre und buuchweh gha, ich glaub das gseht mer denn sicher...  aber ich bi sehr gspannt, es hed sicher au es par gueti druff ;-) do druff vertrau ich jetzt eifach 
|
elea am 19.09.2013
Re: Bräute 2013
hallo zeme
ui emma, dörf i echt au gügsle?
chorze ego post: be emer no dehai, aber füehl mi zomerstemol bez besser, langsam chani weder hoffe dassi am samschtig weder fit ben ...phu....
|
|
|
1 .. 1398 .. 2794 2795 2796 2797 2798 .. 3278 .. 3757
|
Anmelden
