(zrog vom näegli mache) ;)
interessants thema hender do...
wer vo euch het denn scho ales pille abgsetzt? i wörd si gern nach de hz absetzte, eifach dass mi köper zit het zom sech ipendel etc. aber mi gg het angst dasses de grad chönt ischloh, well mer jez nonid sofort chend wend...

• Zitieren

d negeli send stecklangwilig :) eifach nome manicure und klarlagg droff... (ha ke gel). hesch du öpis speziells gmacht met de negeli?

hesch si grad nach de hz abgsetzt? dönd er jez no zuesetzlich verhüete onder lönd ehr s voll lo druf acho? (sorry weni so öpis privats froge)

• Zitieren

lilly, är chönnt sechs guet ohni chinder vorstelle. ich ha chli angscht dass ichs bereu wenn mir eus gäge chinder entscheided. es isch schwierig z beschriibe. ich ha eifach müeh demit, mich sälber bewusst degäge z entscheide, ich glaub ich chönnts aber guet akzeptiere wenn d natur halt eifach degäge wär. es isch halt schwierig will eusi biologisch uhr tickt... ich wirde nögscht johr scho 35, ewig chönd mer halt nümm warte mit de entscheidig...
mängisch stressts mi, und denn dänki wieder - es chunnt wies muess, me cha jo eh ned alles plane! aber ich findes schön dass ihr so gnau wüssed was ihr wend und dass ihr euch mit euchne männer so einig sind!

• Zitieren

elea und ich müsst hüt mit dä neu packig afange, han aber keini meh dihei
also gahts bi mier ab hüt los ... mir werdet jedoch nöd verhüete, sind ja scho i dä
flittis gsi und scho wieder zrug im alltag, vo eus us chans los gah :) mal luege wie
schnell oder wie lang das es schlussentlich gah wird und vorallem bini gspannt wie
min körper reagiere wird, han au ewigs t pille gnoh und frühe agfange, woni min
zyklus nonig emal regelmässig gha han, scho nöd guet :-/

und ihr? wüsseter scho wienners wend mache, au direkt nach dä flittis oder no bitz
warte?

sonne, es muess schlussentlich für eu beid stimme, das isch ganz wichtig ... isch dänn
din gg nöd so en chinder fan, also allgemein? will bi dä manne isch doch amig au so
dass sie erscht so richtig id vater rolle chömet wenn die chline würmlis dänn da sind:)
aber klar, er + du müend 100% hinter eure entscheidig stah ... vorallem isch es ja
nöd so dass all chind müend ha! du häsch es guet gschriebe, wenns t natur so will,
dänn chunds eineweg und suscht häts halt eifach nöd müesse si ... lönds am beschte
uf eu zuecho! verhüetisch du dänn no? (wenni fröge dörf)

• Zitieren