| Bräute 2013 |
|
|
1 .. 1406 .. 2810 2811 2812 2813 2814 .. 3286 .. 3757
|
Canoa  am 24.09.2013
Re: Bräute 2013
mer merkt scho dass de grossi Tag scho fast be aune döre esch es esch soooo ruhig worde...
ha vori grad no eusi Website updated, am Obig tueni de no paar Föteli vom Zivile ufelade vom kerleche warti nochli...=) zerst müemer eus no för Föteli entscheide wo mer ufs Dankeschärtli wend...=)
|
|
|
LucyLu  am 24.09.2013
Re: Bräute 2013
Huhuuuuu bin au es gwundernäsli, dörfi au luege liebi sonne & eve?!?!
MERCI
|
sonne13 am 24.09.2013
Re: Bräute 2013
huhu zrugg, ha jetzt allne wo gfrogt hend par bildli gschickt  leider hanis ned fertig brocht en nochricht gliichziitig an mehreri persone schicke, aber ich glaub es setted alli öppis übercho ha! ich weiss die bildli sind ned perfekt, aber für eus eifach e tolli erinnerig a dä wunderschön tag mit dene unvergässliche, berüehrende momänt!
|
Canoa am 24.09.2013
Re: Bräute 2013
DANK SCHÖN LIEBI SONNE...
wonderschön...danke vöu mou förs zeige
|
|
Sanis nicht registriert am 25.09.2013
Re: Bräute 2013
Liäbi Mitbrütli
ja äs isch ächt ruhig wordä... wie gsehts us het öppäs sis hochzyt no nid gha vo dä 13äner?
Ha gesch schön öii Brichtä gläsä und haut im stiuä chli mit gfiäbärät...
Wi gsehts mit dä verhüratätä und baud vrhüratätä us mit Kind?
Bi üs het dr Storch bau schnäuer zuägschlagä aus mir erhofft hei. Mir wärdä bereits abäm März 14 z dritt si! MIr u am Buchzwärg geits bishär super. Keini Wehwehchen und o keini Beschwärdä bishär.
|
Ryomo  am 25.09.2013
Re: Bräute 2013
Ja ichh han nonig... xD
Ghöre zum spötere Part vo de Brütlis.Morn gömer ah Blausee und am Fritig ischs de sowit.
I freumi scho über fotene...
|
Lula am 25.09.2013
Re: Bräute 2013
@sanis: Härzlechi Gratulation zum Buchzwärg!!  So schön, es chlises Wunder, im Monet wo ni hürotre, vo re 13ner Brut...
Wünsche Dir witerhin e wunderschöni u beschwärdefreii Schwangerschaft
@all: Was heit dir so für Zytplän gha? Mir si gad so chli am plane, aber i weiss nit so rächt wie ni da mit dr Zyt söu plane?
Wie isch da bi öich gsi mit de Floriste? Hei di am Morge aus is Resti ta u mit am Resti dekoriert, oder heit Dir am vorobe aues is Resti bracht u ghulfe mit dr Deko? Merci
|
|
Sanis nicht registriert am 25.09.2013
Re: Bräute 2013
Bauchzwerg... merci Lula. Ja mir freuä üs unändlich!
Ryomo
So schön hesch no vor dir u ersch no im Blausee! das isch ä ächti Hammer Location! Da chasch di würklich usserordenltich freuä! Da warti uf nächscht week und di Bricht!
Blumen und Deko
Auso ig säubr ha ja kei florischtin gha... mini kollegin het mis strüssli gmacht und mim GG bracht
und d Bluämä im Restaurant het grad d Florischtin vom Hotel gmacht...
Abr bi kollegä ischs so gsi dass si äntwädr am Vorabä das züg si ga holä und scho dr Rum hei chönnä dekoriärä oder de hei si d Florischtä beuftrag das z machä... u meisc htäns isch di zuäsätlziächi Diänschtleischtigä o nid so tür.
Zeitplan
Auso mir hei ja "nur" Zivil ghüratä und üsi Trouig isch o ersch am haubi 4i gsi... darum hei mir am Morgä o nid weiss wiä früäch zum Coiffeur und so müässä ga...für üs isch eifach wichtig gsi dass mir geng wieder so 15 -20 min pousä hei iplanät gha.. dass we mä eis i verzug chunt, dass nid grad dr ganz zytplan übärähufä gheit...und ä wichtigä tipp isch o... mindischten 30 min für azlegä iz planä... we mä äs gschnüärts chleid het und mit ungerwösch und Unterrock und und und brucht mä das effektiv
|
Canoa am 25.09.2013
Re: Bräute 2013
Härzlechi Gratulation Sanis das esch emmer wonderschön zghöre...
Mer hoffed au uf es 14ner Baby...aber zerst no it Flittis...
Lula euse Ziitplan hed gloub öbe niemert brucht, ha de Plan de TM gäh ond die hend ne de abgänderet noch ehrne Infos etc...
13:00 Uhr Besammlung geladene Gäste bei der Kirche
13:30 – 14:30 Uhr / 1h Trauung
14:30 – 18:00 Uhr / 3.5h Apéro
14:30 – 16:45 Uhr / 2h 15 min Gratulationen und Fotos mit den Gästen
Ca.16:45 – 18:30 Uhr / 1h 45 min Fotoshooting Brautpaar
17:45 – 18:15 Uhr / 30 min Fahrt der geladenen Gäste von der Kirche zum Restaurant
18:15 – 19:00 Uhr / 45 min Apéro im Weinkeller und Portrait-Fotos der geladenen Gäste
Ca. 18.30 Uhr Eintreffen des Brautpaares und TZ
19:15 Uhr Vorstellen der Gäste
19:45 Uhr 1er Gang
20:15 Uhr 2er Gang
21:00 Uhr 3er Gang
21.30 Uhr 4er Gang
22.00 Uhr 5er Gang
23.00 Uhr 6er Gang
03.00 Uhr Ende
Schlossäntlech esch es so gseh dass die glatne Gäscht nämlech send för eus go ichoufe ond darum au scho am 16.45 gange send...
T Portrais hemer zwöschem Gang 5 ond 6 gmacht
Florestin: Sie esch am Morge zo mine Eltere hei cho t Strüss brenge, s Auto dekoriere ond esch witer it Chele wo sie die gschmöckt hed ond denn is Resti, am Vorobig hed mer ned is Resti chönne. Ond denn hed sie noch de Chele t Chele abgrumet ond nos Altargsteck is Resti to.
Zuletzt bearbeitet am 25.09.13 13:24
|
Canoa am 25.09.2013
Re: Bräute 2013
Ryomo gniess de Tag ganz ganz fest, du wersch gseh dä werd in Liechtgschwendigkeit verbi goh!
Benide dech dass du dine/euche Tag no vor euch hesch! =)
|
|
|
1 .. 1406 .. 2810 2811 2812 2813 2814 .. 3286 .. 3757
|
Anmelden
