| Bräute 2013 |
|
|
1 .. 1415 .. 2827 2828 2829 2830 2831 .. 3294 .. 3757
|
Canoa  am 07.10.2013
Re: Bräute 2013
genau das hani mer höt au dänkt, be eifach nöme so motiviert...
Aber das lit au dra dasses Mäntig esch...
Es goht mer schöscht guet ond der?
Hey Australie chond emmer nöcher... =)
|
|
|
Emma13 am 07.10.2013
Re: Bräute 2013
Ja, de Mäntig isch leider eifach Horror.... 
Säg nüd... d Flittis nöcheret sich, freu mi riesig... ihr gönd scho im November gäll?
|
Canoa am 07.10.2013
Re: Bräute 2013
Ändi Novämber...25.ischte ond ehr?
Müender no vöu vorbereite?
Mer müend no Koffere ha, Visum beaträge, Gschänkli för mini Verwandte bsorge
|
Emma13 am 07.10.2013
Re: Bräute 2013
Oh wow, das isch scho bald :)
Mir flüget am 20. Dezember... fast en Monet nach eu...
Mir müend au no s Visum beaträge und no es Hotel in Sydney bueche, aber mir hend ja nochli Ziit.
|
Canoa am 07.10.2013
Re: Bräute 2013
Es esch gli Weihnachte ond de chömed ehr au noche...
Gäu 4 Woche und 1 Woche Fiji hend ehr planet?
Weisch du das grad, ab wenn brucht mer es Visum? Ech nehme a för 6 Woche bruchemer secher eis oder?
Ha grad en Plan gmacht, wo mer jetzt jede Tag chönd abhögle...mi Ma esch jetzt au rächt a sini Gränze cho, är mag au nöme so...
Am Wocheänd hani grächnet ond gmerkt, yes ha alli Ferie zäme muess kei Unbezhalt näh...ha sooo vöu Öberzit und no Ferie das längt grad...be no froh...
Euse Setzleiter vom Gschäft esch am Fritig för zwe Woche noch Australie abgfloge...hanehm gseid är selli de t Kängurus ned verrockt mache ech ging jo de au no, heder nome glachet...
Hender scho es Hotel in Sydney gseh? Mer chönd in Sydney be minere Cousine si, sie wohnt i de Nöchi vom taronga zoo...
|
Emma13 am 07.10.2013
Re: Bräute 2013
So luschtig, mir hend au en Plan gmacht und an Küehlschrank ghänkt, jede Abig höcklemer en Tag ab, es tuet u guet... denn merksch wie d Ziit lauft :)
Eus het s Reisebüro gseit dass mär es Visum bruchet (sind 4 Wuche unterwegs, 3 Australie / 1 Fiji) darum denki scho, das ihr au eis bruchet für 6 Wuche
Oh das isch super, dass kei zusätzlichi Ferie muesch hergeh, ich muess zum Glück nur 4 Täg anegeh vo 21, bin au uu froh, aber ja... han halt defür suscht praktisch kei Ferie gah das Jahr...
Nei, leider hemmer gar kei Vorstellig für es Hotel in Sydney, aber ich glaub das wird nöd sones Problem, het ja gnueg Hotels det, das werdemer denn glaubs vo Perth us bueche... das isch mega praktisch mit dinere Cousine und denn no a somene guete Standort :)
|
Canoa am 07.10.2013
Re: Bräute 2013
jo de dänki au dass mer müend es Visum ha, mer hend äbe de Flog online buechet darum muessi mi säuber ums Visum kömmere...
Ech ha no 15 Täg Ferie vo dem Johr ond 10 Täg chani uf Öberziit näh, wenni jetzt nochli Öberzit änebrenge chani vellecht mou no de eint oder anderi Tag mou no Frei näh...aber wenn ned esch au glich...
wies mi Ma macht met de Ferie weissi au ned, är hed mou gmeint, sovöu wie är emmer gschaffet heig, do chöned sini Eltere ehm die 6 Woche locker gäh! =)
Hmm weiss äbe ned wie ech das sell fende met minere Cousine sie hend en 2 1/2 Zemmerwohnig...aber för die paar Täg goht das secher...hoffi mou...
|
Emma13 am 07.10.2013
Re: Bräute 2013
Das isch doch super, luegsch wie's chunt, vilicht gitts denn meh Arbet und für dich wird's eifacher Überstunde z'leiste, wenn nöd, isches ja au ok, Hauptsach machsch nöd rückwärts :)
Ich chan d Überstunde ebe nöd als Ferie izieh, bi eus chan mär eifach mal frühener gah oder so, darum bringts mär idem Sinn nüd. Min Ma het defür soviel Ferie, bi ihm isch das eh keis Thema, hoffemer doch dases bi dim au klappet :)
Ach so, ja du... isch au en Erfahrig wert mit dinere Cousine :) aber ich glaub für es paar Täg isch das machbar, ihr werdets sicher lustig ha :)
|
Canoa am 07.10.2013
Re: Bräute 2013
ou nei Röckwärts weti werklech ned mache...wär dömmer...
Und hesch dis Chleid scho it Reinigung brocht? Ech no ned, wet ergendwie no emmer es Trash the Dress Shooting mache...also ned das mis Kaput goht aber so imene Maisfäud enne oder so oder kei Ahnig...=)
|
Emma13 am 07.10.2013
Re: Bräute 2013
Schön, das isch ä mega cooli Idee :)
Nei, ich hans au nonig bracht... liit schön verpackt im Keller, ehrlichgseit weissi gar nöd öbis überhaupt söll bringe, schliessli wirdis ja nie meh träge und darum muesses au nöd suuber si, chan mär das Geld erspare :) weisses nonig...
|
|
|
1 .. 1415 .. 2827 2828 2829 2830 2831 .. 3294 .. 3757
|
Anmelden
