ufff chume eifach kei berichtigunge meh über :((

bi mer alles guet
be soo sehnlichst fotis am warte vom fotograf zum eu zeige :))
freumi scho ufs treff im November...

lilly hesch dankeskarte scho?
well au endli macheee hehehe

• Zitieren

hey fraue!

ich bi tatsächlich au no unter de läbige... die letzte 4 wuche sind eifach grased und ich weiss gar nüm wo mer de chopf staht. gester sind mer us de flittis zruggcho wo mer ja grad 2 täg nach de hochzit hii verreist sind... und eusi föteli sind i de zwüscheziit au acho. ich ha also einiges zum mache und verzelle... was wänder zerst ghöre? :-)

• Zitieren

Welcome baaaack :)

Verzell mal zerst vode Hochziit, isch alles so cho wie ihr eu das vorgstellt hend? Het alles klappt?

Wie sind d Flittis gsi? Wo sind d Föteli?

• Zitieren

Also ich fang vo vorne ah. euses zivile am 13.9. isch sehr entspannt gsi. kollegin hät eus mitere limousine abgholt (also nöd e stretch-limo, eifach en krasse lexus) und hät eus grad mal es glas prosecco id hand druckt, zum d nerve beruhige. trauig isch mega herzig gsi, mitere mega junge zivilstandsbeamtin wo meeega langsam greded hät, ich ha mer voll s lache müesse verkneife. s telefon vo eusem trauzüge hät no gschälled, das isch de hammer gsi. nachher händ mer fein gesse und ich ha mi echt müesse zrugghalte mitem rootwii, haha.

• Zitieren

mer hend eusi Dankeschärtli au no ned...send erst no am Entstoh...
euses Ziel esch es eifach die vor de Flittis usezschecke...Hoffe das klappet, do ech gärn no persönlechi Sache wörd dri schriebe...ond das brucht haut scho chli ziit...

• Zitieren

d hochzit ein tag später isch echt de absoluti wahnsinn gsi. ich ha würkli nüt, woni anders würd mache. s einzig wo mi chli nervt isch das mer kei föteli mit eusne thank you schilder gmacht händ, voll vergässe, haha :-)

am morge isch d make up tante cho und hät eus all gschminkt, mini mädels händ fantastisch usgseh. au d frisure sind super worde, mega schön. min mah (hihi) hät i de zwüschezit bim nachber sich parat gmacht. mir händ es first look shooting gmacht im park vor eusem hus, die bilder sind au super worde! nachher sind mer uf züri in belvoirpark gfahre fürs paarshooting, min papi und en kolleg händ eus miteme uralte fürwehrauto gfahre.

und aschlüssend isches scho id stadt gange... mir händ no es paar bilder mit eusne bridesmaids und groomsmen gmacht und denn händ mir zwei eus für e halb stund devogschliche, nöd mal d fotografin hät gwüsst wo mer ane sind... mir isnd i de altstadt ine beiz ineghocked und händ no eis gno zum beruhige, haha. d lüt händ all klatsched wo mer inecho sind und händ sich nachher drum grisse eus izlade. es glas rose händ mer zwei älteri dame no geh und gseit das helfi gäg s nerveflattere. mega lässig isch das gsi.

denn isches los gange... mir sind id location und all fründe und familie sind scho det gsi. mir sind durch de gang inegloffe (zu paradise vo coldplay) und es isch eifach fantastisch gsi. euse trauzüg hät die best zeremonie ever gmacht... mega persönlich, mega lustig und glich berüehrend, ich ha nur ghüüled. er hät au eusi gäst es ja-wort zu eus lah säge, mir händ ballön stiige lah, mir händ anstatt stand whiskey zämegleert ines alts fässli, d ring tuusched und eus es eheverspreche geh. es isnd sehr viel lüt zu eus cho nachher und händ gseit es seg super gsi, mega persönlich und vo herze und sie würded selber au so mache wenns namal chönnted (händ vorallem die gseit wo i de chile ghürate händ :-))

nachher isch s feste losgange... mir händ no gästeföteli gmacht und agstosse mit allne. s flying dinner hät sich mega bewährt, all sind umegloffe und händ mitenand chöne rede, s esse isch mega fein gsi (viel hani zwar nöd gha, oder besser gseit nöd möge). öpis vom beste isch crew vom resti gsi, die händ echt alles geh. die händ selber no mitgfiired, mega iisatz zeigt, voll spass gha a eus und am schluss no mitgshöttled, haha :-)

dj bazillus isch de hammer gsi. mir händ en bruttanz gmacht miteme iibaute flashmob, mega guet acho. de mix hät sie für eus gmacht und all sind mega überrascht gsi. kolleginne vo mir händ e chlini präsentation gmacht, sooo lustig gsi... min ma hät müesse frage beantworte über mich und hät so geld chöne günne. e supercooli candybar händs au gmacht für eus. mini eltere händ en lustige kellner organisiert gha wo au zum schreie gsi isch. euse chueche isch au mega guet acho, händ ja eher en moderne gha mit star wars tortefigure, de hammer isches gsi :-) fotobooth händ mer au no gha, die bilder sind eifach zum schreie. de brutstruss hani zmitzt uf de bahnhoffstrass grüehrt gha, sind no fast unters tram cho, haha.ja und denn isch eifach nur no party gsi, bis mer am morge am halbi vieri als letzti hei is bett gheit sind.

i de flitterwuche händ mer es paar mal drüber gredt gha... wie super dasses gsi isch, so mit allne chöne z fiire, dass mer mega guets feedback übercho händ für alles, das s restaurant echt super gsi isch und eifach alles super funktioniert hät. hät sich de ufwand doch glohnt :-)

• Zitieren