nei, ich has nöd selber gmacht.
bi eus händs d'fotografe gmacht. sie händs eus aber praktisch gratis gmacht (sie sind ja noni soooo erfahre), händ aber es ehrlichs feedback welä. ich han also demit grechnet, dass ich denn selber no eis wirde mache... muesi aber definitiv nöd!! es isch wunderschön worde. sie händ eus zwei album gmacht. eis isch nur mit bilder vom brutpaarshooting und s'andere isch mit de bilder vom ganze tag/fest. mir händ ja s'thema puzzle gha und sogar das händs no drin ufgno. händ zwei föteli mitemene puzzle-rahme gmacht, mega herzig.
au wie sies gstaltet händ, eifach super!
ich han ihne aber als kritik abracht, dass ichs besser wür finde, wenn mer vorher selber chan e uswahl treffe vode bilder. klar isch de platz i somene album beschränkt, mir händ ja 1400 bilder gha und das chasch ja nöd alles ines album inequetsche. deshalb fänd ichs guet, wenn mer bilder chan vorher checke und denn wechsle. mir händ jetzt 2 fotene drin, wo mir andersch gwählt hettet, vo lüt wo eus nöcher stönd oder so.
sie händ denn mega freud gha dass ich so ehrlich gsie bin und werded das in zuekunft denn au so mache.

• Zitieren

ech warte no emmer uft Voschläg vo de Dankeschärtli vo de Polygrafin!
Hoffe die chömed gli...

s Fotialbum weti au no mache ond au do 2 Chline för eusi Eltere för uf Wiehnachte ond das muessi jo no vor de Flittis gmacht ha domer jo öber Wiehnachte wäg send...

Euse TZ hed im März zivil ghürote gha ond tued jetzt nöchst Johr am 30.8 hürote, ergendwie chli komisch so ei Tag ondersched zo eus...mi Ma hed natürlech grad gmerkt dass mer das ned ganz so pässlet hed, aber jäno...

• Zitieren

vielicht wirdi ja denn gliech nomal eis mache. die sind jetzt hald scho riesig. möcht gern mal no chlineri mache mit weniger bilder, woni denn de eltere und schwieltere chan ufd wienachte schenke.
das isch denn nach de chärtli und nachem fotibuech vode flitterwuche s'nächste projekt...

aso s'thema hz wird sich bestimmt no es wieli durezie bi mir

han scho mim mami gseit: weisch mami, ich han ja mega viel für das hz selber gmach und investierrt, aber ich has uf 1,5 jahr chöne verteile. jetzt wos dure isch hani viel meh ztue, willi alles möcht schnell erledigt ha. vor allem dankeschärtli isch mir mega wichtig gsie, dasi die so schnell wie möglich chan usegä.
ich find ich han nachem hz meh ztue als vorher. aber das findi au schön, so hani nöd so extrem s'gfühl dass alles eifach so verbie isch.

• Zitieren

ohh ehr send so gueti dasser t Album ond t Dankeschärtli scho hend,...fühl mi grad schlächt, ha no gar nüt vo allem! =(

• Zitieren

aber du hesch t Dankeschärtli scho!!!!
wet werklech das Weekend mou chli försi mache aber am Obig onder de Woche magi alle nöme a PC zhocke ond Fotibüechli mache...

• Zitieren

@dandi: ja das stimmt. sie händ das echt megamässig gmacht!! bilder sind de wahnsinn worde und au de video wos mit de bilder und de hinterleite musik gmacht händ. eifach mega!!! mir sind total begeistered, au wie sie all eusi emotione ufgno händ ide bilder udn all die scchnappschüss vode gäst wos gmacht händ, eifach topp! mir chönd sie echt nume wieter empfehle!!
mir händ vo jedem gast e super foti unter all dene bilder. alles schnappschüss, aber sie lached sooo herzlich uf dene bilder, eifach traumhaft!!

• Zitieren