saerli da metem compiüterli esch en gueti Idee. well i hamer scho chli gedanke gmacht wimer den wörde welle verhüete ohni d pille. Kondom send doch eifach or doof...
funktioniert denn das met de temparatur au wenn me denn no kei ipendlete Zyklus hetti?

• Zitieren

hmmm compüterli würdi glaub glich nur mache wenns nöd so "schlimm" wär wenns glich ischlaht. aber ich sött weg de ferie nächst jahr echt nöd schwanger werde bis denn. ich würd also glaub so oder so immer zuesätzlich gümmele

• Zitieren

Himbi was hend ehr denn för e Reis planet? *Wundernase Canoa*

hmm ech muess ganz ehrlech säge, das met dem Compüterli met dem Gedanke chani mi ergendwie gar ned afrönde...darum gehts be eus au nome eis...Rägemänteli!

• Zitieren

Ja, find das irgendwie au sicherer himbeer... und ebe, bi eus gahts ja würkli nüm lang...

Wohi gönder denn? Isches ä langi Reis?

Mir flüget ja en Monet uf Australie und wett eifach nöd riskiere dasi det in Spital müesst, und de langi Flug etc. nei nei muess nöd si, mir wend d Flittis no in Ruhe gnüsse :)

• Zitieren

mir gönd nächst jahr im oktober 3 wuche uf d philippine mit mine eltere, minere schwö und ihrem fründ. und da s mami vo mim schatz vo det chunnt würded mer halt no sini verwandtschaft bsueche etc... da würdi würkli gern gah. vorallem würded mer natürli au go tauche und das gaht schwanger halt gar nöd.

danke dandi

• Zitieren

wow fraue, euch schiints jo wirkli langwiilig z sii oder euchi motivation isch öppe so gross wie mini
spannend euchi "diskussion", jetzt bini doch die einzig wo sech no ned konkret met de familieplanig usenand setzt, dandi hed sich jo schnell "umentschiede" freut mi für euch dandi, ech hoffe s pilleabsetze klappt ohni problem!
be mer "chindelets" wahnsinnig im umfäld im momänt, duurend seid wieder öppert sie seig schwanger. ich freu mich uf all die chliine pföpf und druuf, bald wieder tante z wärde, einisch no e dem johr, und denn no einisch nögscht johr...

mir sind no ned so wiit wir ihr alli. no voreme johr hani ned gwösst obi überhaupt chinder wett. irgendwie hed sich das aber veränderet und ich merke halt, dass es mir alle scho en stich ged wenni die freudige nochrichte bechume und wenni gseh wie alli am familie gründe sind... ich glaub, so schliichend gids halt jetzt doch au be mer en chinderwunsch, und do mi gg ned unbedingt chind wott isch das irgendwie chli verzwickt, au wenn er sehr verständnisvoll isch und mech verstoht... aber ich be überzügt dass mir en lösig finded! leider lohn ich mich mängisch chli stresse, willi jo nümm die jüngscht be und mer eus nümm ewig chönd ziit loh...

• Zitieren