haha canoa, wenn me sechs so öberleid eschs wörkli en wetz
aber denke so bald me sech gedanke macht wege Baby de chöme halt au die Idee..

aso i hamer au scho vor de verlobig amigs em chopf usgmolet wies de wird si ond so denke dasch do s gliche

• Zitieren

Finde hesch guet reagiert Canoa... mich frögt zum Glück no niemert, wüsst ehrlichgseit gar nöd was antworte, findes ja schön dass mär Interesse zeigt, aber irgendwie ischs öpis sehr privats... Bi mir weiss au no fast niemert das ich d Pille absetzt han.

Was sind denn für Babytäfeli? :) kenni gar nöd...

Zuletzt bearbeitet am 14.11.13 11:45

• Zitieren

mich frogt zum glück au niemert denoch. vieli wüssed ebe dass mi gg ned unbedingt dä isch wo dringendscht chind wott, und so schniidet das thema chuum öppert aa, bzw. es erwartets niemert so wirklich wies be andere früschverhürotete paar viellicht de fall isch.
ich glaube es isch normal dass mer sich allimögliche gedanke macht wenn mer sech met em thema usenand setzt. ech glaube aber au, dass de meischte fraue (und männer...) bewusst esch dass es es grosses gschänk esch schlussändli es gsonds chend dörfe e de arme halte und dass es e lange wäg esch bis es sowiit esch. wenns be eus de mol sowiit setti cho wetti mer glaub au ned z vöu gedanke mache sondern das ganze eifach näh wies denn esch. aber ech fendes gliich härzig wenn mine maa sech so züüg öberleid. vellecht au eifach nur deshalb, wöu mer das zeigt dass är sech au gedanke macht.
ech findes drumm au schön em forum chli chönne "spinne", wenni öber das wörd met kolleginne rede wörded die 1. dänke ech seig ned ganz bache und 2. wär denn de druck und d erwartige ebe do, und das wetti ned.

• Zitieren

himbeer, mir hend en bekannte, dä hed mol usegloh, die wo hüroted ohni dass es chind undewägs isch seiged jo eh all ned bache... mir hend do halt ganz en anderi aasicht... ich finds au doof dass vieli s gfühl hend wenn hürotisch sind automatisch scho chind underwägs...

• Zitieren

Das het sich leider mite Ziit veränderet... vor X Jahre isch das ja niemals de Fall gsi... finds eifach nöd schön, dass mär das unbedingt sofort verbindet, mär chan au eifach hürate will mär sich liebt und de Schritt möchte mache. S beschte Bispiel sind ja mir alli vo nonig schwanger sind :)

• Zitieren

also ich ha selber immer gseit, ich will erst hürate, wenn chind langsam es thema werded, aber das heisst ja nöd dasi am tag vo de hochzit sofort pille absetze. oh gester händ mer scho s zweimonatige gha, haha.

• Zitieren