hihi elea, so witzig mim maa gohts alle gliich - das "theater" umd die babys cha är ned nochvollzieh, er findets immer chli närvig wenn me mit kollege nur no über das thema cha rede. es isch ned so dass ihn das grundsätzlich stört, hilft au gern kollege wenns froge hend wägem baby (gsundheit, was mache gäge... usw - er kennt sich det vom job här chli uus), gid au gern tipps wenn me ihn frogt usw aber wenn öppert wirklich usschliesslich nur no vo chind redet, de löschts ihm amig au ab. mir ehrlichgseid jo au, ech underhalt mi au gern über das thema, aber ebe au über anders "erwachsnigs" zügs

de bini jo froh han ned nur ich so gedanke, chumm mer mängisch chli doof vor wenni so zügs überlegge. aber gäll, es isch doch eifach spannend wenn me sich überleid, was ächt imene johr so isch!

wenni nor so dänke - vor eme johr hend mer euse gross tag no vor eus gha, mer hend s gfühl gha es goht no ewig - und jetzt isch er scho lang verbii! und ich ha mich voreme johr au gfrogt, wie das alles ächt wird, und ich muess säge, es hed all mini erwartige oder wünsch übertroffe

chürzlich bini jo mit minere tz wieder mol eis goh zieh, und denn hend mer wieder vom hochziit gred, und de seid sie so, für sie seig das so speziell gsii, immer wenn sie draa dänki müess sie wieder hüüle, und eusi eheverspräche seiged sooo schön gsii und heiged so guet zu eus passet - und am schluss hend mer beidi ghült

so, ich muess no de friitig z tod schloh happy samichlaus euch allne!

• Zitieren

jo i cha mi ma verstoh dass es ehn bez nervt. wel ebe si koleg kennt jez nomeno das Thema. ond manne send no weniger a Babys interessiert wenns e si ned selber betrefft. guet i rede au gern dröber, aber wet au ned dass das s einzige thema esch.

jo stemmt esch loschtig. vor emne johr semmer alli no verlobt gsi ond jez semmer ehefraue
i weiss no wini a silvester (ke ahnig wiso i so züg Emmer a silvester öberlegge, i fende silvester eigentli doof) öberleit han, dass das mini letschte fiirtäg as unverhüroteti esch. ond de gedanke hani so wahnsennig verrockt gfonde ergendwie... aber ebe es esch so spannend sech z öberlegge was imene johr echt werde si... schlossentli chonts jo eh emmer so wime ned denkt ;P

oh jö sonne dasch denn herzig vo dinere tz. schön het sis so berühert! dasch lässig wenn me no so Kompliment förs fest bechont. bewondere de dass ehr ehegeülbte hend chöne spreche. i ha chum es "jo" usebrucht :)vor allem fendis au schön, wennd em nochhinein mreksch das di rechtig Person as tz gno hesch. esch so schad wenn me ghört wie teil entüscht send vode trauzüge. i ha emmerno sgfüehl i ha minere tz nonid gnueg oft danke gseit för alles wosi gmahct het för eus!

so hoffe ehr hend alli euche gritibänze becho ;) und wönsche euch es schöns Weekend!!!!!

• Zitieren

Guete Morge mitenand

ich melde mich wieder zrugg, sit gester Namittag simer wieder die Heime. Mir händ foif tolli Wuchene dörfe erlebe und sind natürlich trutig sind d'Ferie bereits verbi. Jetzt hani aber die Wuche na Ferie die Heim zum mich wieder ahklimatisiere, mich graust dävo nachher use gah zum go poste, bbrrrrr...

Voll herzig gsi, wo mer Hei cho sind hämer vo oisere Eltere (min Pa und Fründin und Schwigis) en Adventskranz, en Adventskalender und für de ersti Znacht öpis becho. Sooooo lieb vo ihne.

Wie gahts oi so?

@ elea, cool wege de Gschänkli, ich oder mir händ natürlich na kei. Zum Glück tümer wichtle, muss also nur öpis für mini SchwiMu ha und i minere Familie weiss ich's nanig will sich det na ä Kriese ihgschobe hät zwüschet minere Elter (wo Trennt sind). Eigentlich tümer immer all mitenand fiere aber das Jahr gsehts nöd dana us und ich ha nanig mitbecho was d'Idee wär...

@ Sonne; hasch din Termin für d'Impfig chöne mache?

@ Emma: baaaald dörfsch i d'Ferie!!!!!


Schick oi liebi Grüessli und en guete Wuchestart
LucyLu

Zuletzt bearbeitet am 09.12.13 08:54

• Zitieren

Liäbi 2013 Brüüt

Mir wärde im Juni 2014 hürate u ig würd gärn ad Hochziitsmäss im Januar z Züri gah. Isch öpert vo öich o dert gsi? Wüsset dir, öbs evtl. Guetschiin vo Chez Janine git? z Merys tuet ja anschienend Guetschiin vrschänke. Ig würd is Chez Janine äbe gärn wäge Chleider gah luege u bi grad gar nid sicher öbi vor de Hochziitsmäss scho wett gah.

Danke für öii Hieuf

• Zitieren

Hallo Elea

Super, Danke für dini Tipps. Denn tueni mer mau e Mässe-Strategie überlegge. Mir wei houptsächlich wäge Ring und em Chleid gah luege. Mi GG mag de wahrschienli o nid eso lang dürehebä

• Zitieren

15% isch ja würkli mega vieu. Vo wo heiter de öii Ring?

• Zitieren