jo i ha mega freud dass er sech jez au chli met dem afoht befasse. well di letschte johr esch das för en jo nie es Thema gsi. i ha d pille gno ond fertig. erst jez hani gmertk wie wenig dass er eigentli weiss öber da. aber ebe es esch schön dass er so Interesse zeigt!
nei aso neumet anderst as em muul hetti d temp au ned welle messe ond eso fendis ebe no agnehm. jede morge rasch em bett messe und de esch das erledigt. i vetroue dem compüterli halt au me as mine reche-könscht
i gsehs halt au chli förd zuekunft. ebe es hilft denn au bide planig, dass bez gezielter chasch üebe und de för spöter au weder. well ebe i wet au nöm zrog zode pille eigentli!
hoffe es klappet bi euch rasch, dass der weder öber frochtbari täg no öberd täg musch gedanke mache

• Zitieren

danke elea ech versueches glasse z gseh und easy z bliibe, aber ech cha mer vorstelle dassi de scho fascht dore treie wenns drumm goht, ob d mens chunnt oder ebe ned
uf die blöd mens chönnti problemlos es ziitli verzichte - met jedem zyklus wärded d beschwärde wieder grösser und ech weiss jetzt wieder sehr genau, wieso ech damals mit de pille aagfange ha aber es isch scho krass, bezüglich schmerze heds es johr duurt noch absetze vo de pille bis es wirkli wieder so gsii isch wie vorhär. d mens hani grad wieder gha, meh oder weniger regelmässig (min zyklus schwankt immer so zwüsche 28 und 32 täg...) do gseht mer was mer für hormon-lager ufbaut hed. mi fa isch emu au erstunnt gsii dass pille no so lang "nochewirkt" was mens-beschwärde aabelangt... für mich isch de fall au klar, kei hormon meh zur verhüetig!
mine gg weiss rächt guet bscheid - hed au chli mitem job z tue. und gliich merki jo sälber wie schlächt me eigentli de eiget körper kennt und über die verschiedene signal bscheid weiss...

• Zitieren

hallo zäme!

ich ha mi für de klassiker mit thermometer entschiede, ha i de apothek de cyclotest kauft, de zeigt temperatur mit 2 stelle nachem komma ah. iiträge tueni ines app. und es super buech hani au dezue kauft, natürlich und sicher heisst das. da wird ebe au alles gnau erklärt, warum gaht temperatur ufe und abe, wenn isch ungefähr de eisprung etc. kombiniert wird die methode mit de zervixschleimbeobachtig, nur temperatur messe elei seg schins weniger sicher. ich finds chli komisch dass de computer dir nur mit tempi cha grüeni täg geh, wenns nämli selber inere kurve iitreisch merksch erst im nachhinein, dass de eisprung gha häsch, elea. drum seg sex ohni verhüetig grad am afang erst nach de fruchtbare täg sicher. mit nfp chani zb jetz als afänger nur die erste 5 täg vom zyklus (also während de periode und evtl. churz nachher) sex ohni verhüetig ha, nachher erst wieder, wenn de eisprung dure isch. ich finds uf jede fall super interessant.

öb schwanger bisch chasch au mitem normale thermometer feststelle. normalerwiis gaht nämli temperaturkurve nachem eisprung ufe und sinkt denn mit de periode wieder ab. temperatur isch also so 12-16 täg erhöht. wenn mer au nachem 18 tag no e kurve nach obe hät, denn isch mer ziemlich sicher schwanger.

natürli muess mer vorher schochli gmesse ha, demit mer überhaupt weiss, was für eim persönlich erhöhti temperatur isch und was nöd. ich finds jetz uf jede fall mega spannend und freu mi ab jedem punkt, wo uf de kurve meh erschiint. und ich hoff, dass sich das alles trotz frisch abgsetzter pille schnell ipendlet.

• Zitieren

haha also gell ich ha am sunntig agfange, vo profi bini no mega wiit entfernt :-)

ich miss bisher im muul unter de zunge, au am morge eifach wenn de wecker schälled. ich ha scho ghört dass e vaginali mässig genauer seg, aber ich mach jetz mal so wiiter und cha immerno im nächste zyklus mal anders messe. me sött im zyklus nöd wechsle wills scho unterschiedlich cha sii.

s app heisst iNFP und choschtet 6 franke. es git aber glaub au no anderi, das isch eifach das wo grad zum buech dezueghört.

bisher machi eigentli usser dene 2 minute messe und iträge am morge nix. isch halt am afang vom zyklus au nonig so spannend :-) vo ufwändig cha da nöd so d red sii, haha. halt iiläse am afang chli. und s erste blättere hät mi chli abgschreckt, aber so schlimm isches glaub glich nöd. ich mach eifach step by step learning by doing, denn chunnt mer schnell ine.

• Zitieren

hahaha elea... jaaa da häsch natürli recht ;-)

ich hett nöd denkt das es scho nach 3 wuche cha grüen azeige, wills gar no kei verglichsmöglichkeite hät. aber wahrschinli häsch din eisprung gha und chochsch innerlich, hahaha

• Zitieren

zeigts der denn au e kurve ah? temperatur stiigt nachem eisprung recht dütlich ah und blibt erhöht bis zu de periode. also dütlich, das sind so 0.2 - 0.5 grad

• Zitieren