| Bräute 2013 |
|
|
1 .. 1501 .. 3000 3001 3002 3003 3004 .. 3381 .. 3757
|
Emma13  am 24.01.2014
Re: Bräute 2013
Guete morge mitenand :)
@LucyLu & sanis danke viel mal für eui Glückwünsch, bis jetzt gahts eus tiptop :) sanis, dir wünschi en guete Endspurt und alles Gueti für die letzte Wuche...
@elea so schön, gnüss d Ferie!
@Lilly mir gahts genau glich, Motivation = 0 ... vorallem jetz woni sowieso so müed bin, würi am liebste dihei blibe und schlöfele  ou nei, tönt müehsam mit dinere Neurodermitis, hoffentli besserets bald...
|
|
|
Lilly4  am 24.01.2014
Re: Bräute 2013
es isch au uh mühesam, vorallem will ich vorher nie so öpis gha han 
vermuete das hät mit dä hormon z tue, stress für min körper gsi und jetzt
das usbroche ... aber gaht au wieder verbi 
bisch dämfall müed? hihi
ich han i dä 6te wuche no nüd gha, han mi mega guet gfühlt und ab dä 7te
häts dänn agfange mit apetitlosigkeit und schlecht si etc. ... aber zum glück
ohni erbreche ... das isch aber mittlerwilä wieder weg und ich iss wie en welt
meischter   muess chli luege, suscht gahni no uf wie es weggli!
|
Emma13 am 24.01.2014
Re: Bräute 2013
ihihihi Reserve für dis Baby sind doch guet! 
Ja, bin scho chli müed, vor allem am Abig gspüris sehr, aber weiss jetz halt nöd öbs no vom Jetlag isch (han sooo müeh gah mich überhaupt z'erhole) oder öbs scho mite SS ztue het. Suscht fühl ich mich eigentli sehr guet, bi mir ischs ehner chli so das ich überhaupt kei Hunger han, muess mi z.T. zwinge öpis z'esse, aber das änderet sich sicher au wieder
|
sonne13 am 27.01.2014
Re: Bräute 2013
hallo zäme! isch no öppert do?!? all i de ferie oder flissig am schaffe? ich ha grad gar kei luscht - und de hani mi grad no soooo ufgregt! eine vom gschäft hed mer viel arbeit gmacht, für nüt!!! hanem jetzt müesse d meinig giige isch doch wohr! duurend die spezialwünschli, ich trottel erfüll ehm die au no, und denn chunnt uus, alles für d chatz, es goht ihm jetzt doch ned... ich chönnt chotze... ich weiss, es lohnt sich ned sich ufzrege, aber das isch alle eifach z viel!!!
wie sind ihr id wuche gstartet?!? wünsch euch allne no e schöne nomittag - hoffemer es isch bald wieder friitig
|
Lilly4 am 27.01.2014
Re: Bräute 2013
hallo sonne 
oh nei, das isch ärgerlich! aber ich kenns leider zuu guet, immer so en stress
und dänn für NÜD schlussentlich! reg mich au jedes mal mega uf ...
bin froh wenn dä tag hüt ume isch, blöde mentig das!
|
Emma13 am 29.01.2014
Re: Bräute 2013
Hallooo wo sinder denn alli blibe? 
Muessi jetz au afange Selbstgspröch füehre...? :)
Ich hoffe eu gahts allne guet, mir hend eus vom Jetlag erholt und de Alltag isch wieder ikehrt, scho schlimm wie schnell das amigs gaht, vor weniger als 2 Wuche simmer no am Strand gläge :)
Das Wuchenend gömmer wahrschinli go brunche und denn is Thermalbad, han de Guetschii mal mim Schatz gschenkt gah und mir henden nonig iglöst...
Und mir hend vode HZ vomene guete Kollegepäärli erfahre, aber wahrschinli werdemer nöd chöne gah will euses Schätzeli denn sött cho, mmmh findi uu Schad, aber irgendwie müemmer ihne das no mitteile
|
sonne13 am 29.01.2014
Re: Bräute 2013
hallo emma! ich güxle scho zwüschedüre alle ine und lueg obs be euch öppis neus ged. aber ich weiss sälber gar nüd z brichte und ha au rächt viel z tue - leider...
dini wucheänd-plän töned jo super! ich hätt meega luscht es par täg z verreise, aber mir chönd jo gar ned frei näh, das wird also leider nüd...
so, ich chlemm mi wieder hinder mini arbeit! ganz e schöne nomittag euch allne!
|
Lilly4 am 29.01.2014
Re: Bräute 2013
hey zäme ;)
isch wüki mega ruhig worde :-/ ich han leider au recht viel z tue wie t sonne,
aber mini motivation isch immer no im cheller une ... drum bini amig uh froh
vo eu z lesä hihi
oh schön emma, uf relaxe im thermalbad hätti jetzt au grad luscht  mir
händ ebe au no so en guetschii, sogar mit übernachtig, aber min schatz isch
jetzt voll im endspurt mit sim studium, mal luege wenn mer das mal chönd ine
quetsche :)
hihi gaht eus imfall genau glich, sind au ame hochziit iglade im auguscht und
die hüratet 2 täg vorem geburtstermin und dänn no in italie!! wird also eher
schwierig das mer gah chönd :-( han aber au no nüd gseit hmmm ... weiss voll
nöd ob mer söllet warte bis t iladig chund oder scho vorher bscheid gäh! was
meinet ihr?
emma, wenn häsch din erschte schwangerschaftsuntersuech? ich sött i
dä nöchschte 2 wuche dä gross untersuech mache (nackefaltemessig) bin scho
mega ufgregt !!
|
Emma13 am 29.01.2014
Re: Bräute 2013
oooh schön schriebeder zrugg
ich hett ja eigentli au ztue, aber ja... ihr wüsset ja wie's so isch...
Lilly, verstahni wäg dim Schatz, mine isch letzt Jahr drah gsi mitem Studium und denn isches halt scho schwierig öpis z'unterneh, darum han ich au chli müesse Geduld ha letzt Jahr, aber zum Glück isch ja bi eu au bald verbi...
Ja isch bi eus ähnlich, sie hüratet 3 Täg nachem Geburtstermin und wo sie's eus verkündet hend, hend mir nur schnell leer gschluckt. Mir hends ja bis jetzt nur de Eltere / Gschwüsterti gseit. Aber mir hends eh devo gah, dass mär eus mal treffet zum eus chli ustusche bez. Hochziit und ich wird luege dass mär de Termin im März abmachet, denn bini au im 3. Monet und chans verzelle, also ich glaub mir sägets vor de Iladig, sie rechnet ja eigentli fest mit eus. Aber bi eu ischs ja no komplizierter wenns sogar z'Italie isch
Mini erst Untersuechig isch nöchst Wuche am Fritig, bin scho ganz kribelig und freu mi mega, min Ma het extra frei gno zum mich begleite, mega herzig
Ohh schön hesch au bald di nöchst, isch d Nackefaltemessig ä üblichi Untersuechig oder hesch du entschiede dass sie wetsch mache?
|
himbeer am 29.01.2014
Re: Bräute 2013
mir händ au öpper gha wo schwanger gsi isch a de hochzit und drum nöd hät chöne cho, ihre isches det nöd so guet gange und sie hett elei müesse cho ohni partner, de hät nöd frei übercho... das isch halt so, hauptsach allne gahts guet.
e anderi kollegin isch grad 3 wuche vor eusem termin mami worde und det sind mer sehr froh gsi dass sie glich rasch cho isch go luege. isch halt au nöd eifach miteme chlinne denn wenn no stillsch.
|
|
|
1 .. 1501 .. 3000 3001 3002 3003 3004 .. 3381 .. 3757
|
Anmelden
