| Bräute 2013 |
|
|
1 .. 1502 .. 3001 3002 3003 3004 3005 .. 3381 .. 3757
|
Emma13  am 29.01.2014
Re: Bräute 2013
Jöö das isch herzig, dass di eint Kollegin trotzdem verbigluegt het...
As Standesamt oder falls en Apéro gitt würi scho versueche z'gah aber s ganze Fäscht isch denn scho chli astrengend.
|
|
|
himbeer am 31.01.2014
Re: Bräute 2013
ja das isch ja verständlich. grad wenn mer au no stillt umso meh.
|
elea am 04.02.2014
Re: Bräute 2013
guete morge zeme! so send zrog und munter zrog us de skiferie!
oh do hets aber ned vell zom nohlese ge... :(
wie gohts euch allne so? fit und munter?
mini Motivation nach de ferie esch weniger as under noll 
|
Emma13 am 04.02.2014
Re: Bräute 2013
Hoooi elea 
Freut mi das ihr schöni Ferie gah hend, isch s Wetter guet gsi?
Oh ja das mite Motivation kenni, mir gahts eso sit mer zrugg cho sind und es sind au scho 3 Wuche her 
Schad gäll dass da nüm viel lauft, also ich chume täglich go inegüggsle
|
elea am 04.02.2014
Re: Bräute 2013
jo mer hend bombe wetter gha. und endi Woche hets soo vel gschneit, dassi hani set minere chendheit nöme gseh! aber mer hends u lässig gfonde. mer hend so fest ghofft dass mer igschneit werde und nöm hai chöned
jo i chome au regelmäsig go gügsle aber ebe s lauft halt so wenig.... schad send es paari ganz weg :(
jo wend länger ferie hesch esch no schlemmer met em weder avo nachetene..... gopf mengisch denki, i set of 80% abefahre met schaffe so fuhl wini be
|
Emma13 am 04.02.2014
Re: Bräute 2013
Ohh so schön, isch halt scho viel agnehmer Schönwetter-Skifahre
Ja säg nüd, das hani scho sooo viel mal denkt... aber gäll, s macht grad en riese Unterschied uf de Lohn und denn denki wieder, ok machi trotzdem nöd
|
Canoa am 04.02.2014
Re: Bräute 2013
Hallo zäme
Ohhh Elea ech wörd jo au sooo gärn it Skiferie aber mi Ma hed leider t Fröid ganz verlohre am Skifahre...aber ech gebe ned uf vellecht chonds no ergendeinisch weder...
Sorry dass ech mech im Momänt so wenig mäude im Momänt hani rächt e schweregi Phase ond weiss ned so rächt wie dasses witergoht...ond de hani leider no sooo vöu Arbet...
Das met 80 % hani mer au scho öberleid, aber ech könne mech wenn wörd 80 % schaffe wärs fast e verlohrne Tag, wörd bis am Mettag pfuse ond de chli ome trödle..darum löhmer das gschider...
|
elea am 04.02.2014
Re: Bräute 2013
jo Emma, gelld es esch halt ebe en 5te wo weg fallt vom lohn. :( denke amigs, so lang i no cha so vell verdiene settis usnötze...
mi maa ond i hend scho öberleit obi sell 80% schaffe ond de a dem freie tag di ganz huushaltig mache. so ala er verdient denn meh und em gegezog machi meh em huushalt. so hette mer am wochenend zb au meh zit för anders anstat dass mer botze und wösche und so... aber ebe ernst esch di diskusion nonid gsi...
canoa, di maa fahrt nöm so gern ski? so schad!!!! :/
ou nei, dud mer leid wennd momentan e chli e schwerigi Phase hesch... :( wegem Autounfall no?
|
Canoa am 04.02.2014
Re: Bräute 2013
Das hani mer au scho öberleid Elea, aber ech könne mech wörd werklech nome de ganz Tag omeplämperle...ond ergendwie ging das au gar ned werklech be mim Job, ech merke scho weni mou chrank be oder so, das alles öbers Rueder louft, aber eigentlech set jo das ned mis Problem si...
Aber 20 % esch haut scho vöu...
Är heds s Skifahre als Jugendliche äbe total öbertrebe, emmer nome ufe abe ufe abe ohni Zmettagässe etc. ond darum heder jetzt kei Fröid meh. Vellecht chonds jo weder einisch...ech set de no neui Skischuhe ha, zom Glöck esch gli Usverchouf! =)
Hmm nei metem Rögge esch alles okay...deför esch jetzt es anders Problem ume, sorry wet jetzt do ned usführlech wärde... 
|
elea am 04.02.2014
Re: Bräute 2013
jo da stemmt, wegem schaffe. mage jez au scho chum noche met 100% froge mi Emmer wis wird si wenni mol wörkli wet reduziere. aber wi du seisch, das set de eiegntkli no ned euses Problem si....
haha sone rechtige hardcore skifahrer jo das chont secher mol weder denki....
ou jo jez send de gli alli tolle skisache reduiziert... wet au gern neui ski ha... aber cha ned Emmer so vell Geld useloh
esch oke, verstohni wend do ned wetsch rede dröber. hoffe emo dass sech alles zom guete wendet för de, egal om was es goht!!!!
|
|
|
1 .. 1502 .. 3001 3002 3003 3004 3005 .. 3381 .. 3757
|
Anmelden
