hallo zäme!

chorz zu de fotoalbe: mir hend eis vom fotograf becho, das isch superschön. ech wett aber no es zwöits, wo d föteli vom obe no drinn sind, die hed jo en kollegin gmacht. das hani aber noni gmacht *schäm*... für d eltere hend mer au no es album gmacht be ifolor, so es spezialding, esch sehr schön usecho, und dank em guetschiincode vo de nemo au no bezahlbar gsii es esch vom druck här ähnlich wie das vom fotograf, vo det här wähli denn für euses zweite wahrschiinli de gliich aabieter, au wenni die box vo de dandi mega finde!

• Zitieren

ich mach mini eventuell mit smartphoto. mir händ det eusi dankescharte gmacht und ich bi sehr zfriede gsi.

• Zitieren

Saluti ladies!!!
ja ja, au ich bin no ume..kei angst. und ich liese au immer fliessig mit, also zumindest meistens.
es sind hald ide letschte ziit immer themene gsie woni nüt dezue zum säge han. cyklus, computerli usw...
Klar, ich mags allne gönne wo schwanger sind und gratuliere au ganz herzlich!!!
eifach bitte nöd falsch verstah, chind sind es wunderschöns thema, aber für mich / eus nöd und drum hani da au nüt zum säge.
ich hoffe für eu alli wo am pröble sind dasses schnell klappet und eue traum vom chind in erfüllig gaht.
ich hoffe ihr verstönd das. ich meld mich gern immer mal wieder, aber vo dem thema tueni mi hald bitz distanziere.

@fotialbum: mir händ ja eis vode fotografe übercho, das isch au sehr schön gsie, aber leider händ mir bide fotiuswahl nöd chöne mitrede und das hani sehr schad gfunde.
ich han denn no eis bi ifolor gmacht. es sind am schluss zwei büecher worde, da ich s'ganze fäst, trauig, brutpaarshooting und fotobooth drigno han. so hani alles binenand. es sind wükli mega schöni album worde, han uuu freud!
mir händ denn die selbe albe no eusne eltere gschänkt ufd wienachte. im glieche hani denn au grad no das vode flittis dehte gmacht.
die box vo smartphoto isch wükli schön! gfallt mer au sehr guet.
ich han ebe no vor so bilderrähme zmache. weiss nöd ob ihr die kenned, die sind so vertüft, denn isch hinde d'foti womer wot und vorne chammer no so sache drilegge wie ebe diadem, es stuck stoff vom chleid oder oder oder.. und denn chunt vorne e glasschiebe.
ich finde die rähme wunderschön und mir händ im gang e langi wiessi wand und dehte würded die sich sehr guet mache

• Zitieren

Hey Nemo...

Nei also ech verstoh dech ned falsch! Ech fends au guet tuesch es offe ond ehrlech säge!
Es geht jo alles Platz do im Forum...! =)

Emma muesch doch ned...ech ha au no anderi Ferieföteli woni mou no set es Album mache, aber im Momänt magi eifach ned am Obig au nomou a PC zhocke...

Fotialbum...dänke scho au dass die meiste gueti Abieter send, aber äbe ech ha eifach no ned de rechtig fonde... =O

• Zitieren