hallo mitenand! eues dümli drucke hät also gnützt gester - euse alass isch en volle erfolg gsi! vorher hät sich sogar no es konzernleitigsmitglied per mail gmeldet und eus globt, isch mer grad abe wie öl. jetz isch hüt abig namal sonen alass, aber det bini nur garderobiere :-) tue flissig überstunde sammle die wuche, das git e mindestens 60 stunde-wuche... haha.

ou ich würd au gern mal gotti werde. momentan sind zwei kolleginne schwanger und sie händ sich beid nonig entschiede, aber ich rechne mir da kei allzugrossi chance us ;-)

• Zitieren

Hey Sonne härzlechi gratulation zum zwöite Gottali!
Es esch secher es mega gfühu...

Dandi fiired schön morn...Härzelchi Gratulation jetzt scho a dine GG...

Hey super Himbi...gratuliere...well done! =)

Hmm Gotti wärde, chas au chum erwarte aber es werd wohl no ewig goh...mini Schwöstere hend beidi kei Frönd ond mim Ma sini Schwöster esch erst frösch met ehrem zäme...be Kolleginne gehts au grad kei Chend...bzw. die lueged sälber i de Familie...das wet ech eigentlech au mou so handhabe...mi Ma gseht das ned so sträng...är hed letscht mou e Person erwähnt wo är als potenzielle Götti chönt vorstelle aber ech gseh das aber ganz und gar ned so...

Me & Snet...schöne Obig gseh...schlossäntlech hed sie mech no öberredt ehre t Negeli azmole! =)
Hebts no snet? Oder esch scho alles ab? Zknallig gseh?
Sorry Snet mi Ma redt eifach zvöu...=O

• Zitieren

danke eu allne! mir isch au grad chi en stei vom herze gfalle. de alass planed mer jetz scho sitem oktober und es isch en grosse teil vo mim jahresziel, isch also sehr wichtig gsi au für mich persönlich. hoffentlich kehrt jetz wieder es bitzli rueh ii. ich ha defür ab nächst wuche 6 wuche lang e viertagewuche, das isch ja au schomal öpis ;-)

hmm bi eus wär bimene erste chind sicher mini schwöster gotti. götti müested mer luege, mir händ susch kei manne meh i de familie usser min cousin, aber de isch selber au no sehr jung. min maa hät kei gschwüsterti und au kei cousin (bzw er hät zwei aber läbed beid imene pflegeheim). das heisst es würdi sicher en kolleg vo ihm. bimene zweite würdi eignentlich mini cousine gern neh als gotti und halt au wieder en kolleg, oder such denn de cousin wenn er chli älter isch bis denn. aber das sind so überleggige, das müesst mer denn ja im detail aluege wenns denn sowiit isch.

• Zitieren

sonne, gratuliere au zom 2te gottichend! das esch soo schön! :) vorllem weld jez es meiteli ond es büebli hesch :)
canoa mer hend do au scho gredet drber wie mers wend handha, aber da i ke gwöschterti ha, beni die wo das bez locker gseht und ned öber us de fam muess ha.... :)
i ha aber minere beschte fröndin vor 15johr scho versproche dass si denn gotti wird, also esch das eh scho gsetzt förs erste chend

• Zitieren

Ah Elea du besch es Einzuchend, das hani no gar ned gmerkt! =)=)=)
De gsehts natürlech anderst us...

Mi Ma tendiert emmer druf das mi Brüeder mou Götti chönt wärde bem erste Chend, aber mi Brüeder werd jo erst 15ni! Fende das chli sehr jong...gloube eher, dass mi Ma nöchst Johr öbe be mim Brüeder Fermgötti werd! =) Wär jedefaus mega schön!

Snet eigentlech hätsch du mer mini Negeli au chönne amole! =)

• Zitieren

Ha grad googlet mer beidi hend rächt! =)
Es esch beides...

Aufgaben des Taufpaten
Die Taufpaten haben die Aufgabe, die menschliche und religiöse Entwicklung des Patenkindes zu begleiten und die Eltern moralisch und in allen Erziehungsfragen zu unterstützen. Dabei bürgt der Pate für den Glauben des Täuflings (ursprünglich des erwachsenen Katechumenen). In früheren Zeiten hatten die Taufpaten im Falle des frühen Todes der Eltern eine Fürsorgepflicht für das Kind. Dies wird auch heute noch manchmal gewünscht, aber das Patenamt an sich berechtigt nicht zur Übernahme der Vormundschaft; ggf. muss hier durch ein Testament vorgesorgt werden.

Heute sind diese Aufgaben teilweise in den Hintergrund getreten. Manchmal beschränkt sich die Taufpatenschaft auf das Beschenken bei festlichen Anlässen, wie zum Beispiel der Konfirmation oder Firmung. Viele Paten bemühen sich jedoch eine persönliche Beziehung zu ihrem Patenkind aufzubauen und ihm ein Gesprächspartner zu werden. Besonders im katholischen Glauben haben sich einige Traditionen, wie beispielsweise der Palmstock herausgebildet.

• Zitieren