Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Personenkreise    ›   Braut- & Bräutigamtalk    ›   Bräute 2013
Bräute 2013
 1 .. 1543 .. 3084 3085 3086 3087 3088 .. 3423 .. 3757
Canoa  am 11.04.2014

Re: Bräute 2013

es geht jo schlemmers, mi Ma zieht mi emmer uf und seid denn ech seg sini Teenie! =)

wörd am liebste hei go, hät zwar hufe tzue...sogar no es Vorstelligsgspröch hemer höt!
Mou luege öb das öbis esch! =)



LucyLu  am 11.04.2014

Re: Bräute 2013

Hihi… das seit min Maa au immer, er zieht mich amigs au dämit uf und seit ich seg ja immerna en Teenie.

Ja das glaubi das lieber hei wetsch… es Vorstelligsgspröch? Sinder Lüt am sueche? Mir händ au meh als es Halbsjahr gsuecht und endlich öper gschieds gfunde, jetzt heisst halt ihschaffe, findi amigs fast strenger als wenn mer unterbsetzt sind.



Canoa  am 11.04.2014

Re: Bräute 2013

Es esch äbe so dass ech muess go operiere ond öbe för ca 1 Mt werde usfalle ond ech ha kei Stv. Mer hend aber im September e Studäntin igstellt gha för 40 % ond jetzt zum Öberbröcke tüemer nomou en Studänt istelle för nomou 40 %.

Es send aber alles Studänte ufem zwöite Böudigswäg also die hend schos KV gmacht das esch einiges eifacher. Ond mi Chef fendt die Idee super! =)

Jo ischaffe esch emmer sträng...das esch leider so! Vorallem äbe wenn hufe Arbet hätsch ond de muesch alles Schrett för Schrett zeige aber das chond scho guet...



LucyLu  am 11.04.2014

Re: Bräute 2013

ahja klar, wennt en Monet usfallsch bruchts scho öper. Bi ois isch jetzt au scho eini sit drü Mönet Krankgschriebe (nachere Hüft OP) und ich hoffe sie chunnt den bald wieder mal, es isch halt scho einiges strenger. Wobi bi ois (Arztpraxis) isch d'Hochsaison au langsam verbi und nüm so streng.



Canoa  am 11.04.2014

Re: Bräute 2013

Also ech hoffe es esch "nome" ei Monet, mou luege, noch de erste Not-Op beni jo 2 Woche krankgschrebe gseh ond noch dere grosse werds vellecht no länger si. T OP besprächig hani nämli no ned gha...



LucyLu  am 11.04.2014

Re: Bräute 2013

Ah okay, denn hoffi für dich das d'Genesig nach de OP schnell und guet verlauft und du nöd allzu lang krankgschriebe wirsch. Wenn häsch den die Besprechig? Direkt den im Hirslande?



Canoa  am 11.04.2014

Re: Bräute 2013

T Besprächig esch am 30.4. ond t Op am 21.5. jo beides in Zöri i de Hirslande es goht also no es Ziitli chas aber chum erwarte, jede Tag die Medis znäh damet mer kei Schmärze hed esch au ned lostig!
Aber äbe ech cha jo ned stärbe dra, das esch jo scho mou guet



LucyLu  am 11.04.2014

Re: Bräute 2013

ah okay, das gaht ja nüm ssooo lang… chunt alles guet!



Canoa  am 11.04.2014

Re: Bräute 2013

So mer hend de Studänt grad igstöut am nöchste Mettwoch foder ah! =)

Ech gloubs gar ned ech ha vor 2 Woche mini HZ Chleider (zivil und kerchleche) it Reinigung brocht metere Winterjage zäme, mis Mami esch es gester go hole, es hed NOME 160.00 CHF kostet alles zäme! I de erste Reinigung woni agfrogt ha heds gheisse 220 CHF elei förs HZ Chleid!

Zuletzt bearbeitet am 11.04.14 10:51



himbeer  am 11.04.2014

Re: Bräute 2013

ui ich bring der mis chleid demfall au no verbi... vor dem graut mer nämli au scho ;-)

ja zum glück isch fritig. freu mi sehr uf das weekend. nd bald isch ostere



 1 .. 1543 .. 3084 3085 3086 3087 3088 .. 3423 .. 3757

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.

 

 

SERVICE

Werbung platzieren
Kontaktformular
Impressum

WICHTIGE LINKS

Login
Registrierung
Datenschutz