| Bräute 2013 |
|
|
1 .. 1550 .. 3097 3098 3099 3100 3101 .. 3429 .. 3757
|
himbeer  am 25.04.2014
Re: Bräute 2013
guete morge!
das tönt ja fantastisch... mis weekend isch zwar nur 2 täg, defür hani de mäntig namittag wieder frei und denn ja de 1. mai. und die beide wuche druf sind au namal beid nur 4-tägig... und denn gahts hoffentlich bald id ferie ;-)
|
|
|
LucyLu  am 25.04.2014
Re: Bräute 2013
bi mir isch es au so, am Mentig frei wegem Sächsilüte, Dunnstig wegem 1. Mai, yeeeaahh!
|
novia_mayo  am 25.04.2014
Re: Bräute 2013
liebi 2013-brüt
ich wände mich wider mal a euch mitere frag, da ier ja scho ghürate hend und mier sicher guet chönd hälfe 
mier sind grad a de planig vom abig, jetz simer chli unsicher wäge torte aschnide, dessertbuffet und hochzitstanz. hend ier zerscht d torte agschnitte und denn tanzt? oder umgekehrt?
mier hend eigentlich dänkt gha zersch d torte aschnide und denn tanze und denn wird s desserbuffet eröffnet. aber d torte ghört ja eigentli au zum dessertbuffet, isch denn das ned chli doof wenn das mitem tanz unterbroche wird? und nachdem mier de tanzed hend wänd d gäscht vilicht au chli tanze und denn muess mers wägem dessertbuffet wider unterbräche.
oder würded ier eifach zersch de tanz mache, denn torte und denn s buffet?
danke für eui hilf
|
LucyLu am 25.04.2014
Re: Bräute 2013
Hallo novia-mayo
Mir händ's folgendermasse gmacht: am 23i isch Torte cho und somit hämer au grad s'Dessertbuffet eröffnet. Danach, so ca am 24i hämer de HZ-Tanz gmacht und denn isch Tanzflächi eröffnet gsi. Mir händ das so gmacht will ich gfunde han nachem Tanz Dessertbuffet eröffnet sich ächli doof, will denn all wieder münd anesitze und ich ha angst kah dass den stimmig futsch isch… mir sind nämli nachem Tanz bis am morge am 4 nüm weg vo de Tanzflächi  ich würs wieder so mache 
Grüessli
LucyLu
|
dandi78 am 25.04.2014
Re: Bräute 2013
Liebi Novia_Mayo
Mir hei nachem Hauptgang der Eröffnigstanz gmacht und erscht nachhär Torte agschnitte und Dessertbuffet eröffnet. Nach eusem Tanz esch Tanzflächi frei gse und alli Lüt hei tanzet. Das esch sicher e halb Stund oder no länger so gange. Irgendwenn hei de d'Lüt wieder gnue gha vom tanze und nacheme Zitli hei mer de Torte agschnitte. Das esch bi de Lüt sehr guet acho, da si froh gsi sind, sich chli chönne z'bewege. So hei si de au wieder Dessert möge  . Spöter am Obe esch de wieder tanzet worde. Dä "Bruch" derzwüsche het überhaupt nid gstört, im Gegeteil, es esch sogar optimal gse. Eg würds au wieder so mache
Jetz hesch zwöi Meinige, und beidi hends andersch gmacht. Trotzdem hets für beidi gstumme. Du gsehsch, es chunt so oder so guet
Grüessli
Dandi78
|
LucyLu am 25.04.2014
Re: Bräute 2013
hihi… das stimmt dandi, mer muss halt leider (wie meistens) selber usefinde wies eim besser passt.
|
dandi78 am 25.04.2014
Re: Bräute 2013
genau vieles ergit sich au eifach währendem plane. das esch mängisch au nid schlächt. so entstoht schritt für schritt jedem sini traumhochzit
|
novia_mayo am 25.04.2014
Re: Bräute 2013
danke eu villmal
aso es hend beidi variante ihri vorteil und schlussändlich chunnt beides guet use
bi eus ischs so, das det wo s dessertbuffet staht nacher au d tanzflächi isch. drum werded mers glaub eher so mache wie d lucy lu, damit ned immer alles muess abgrumt und wider ufgstellt werde
|
himbeer am 25.04.2014
Re: Bräute 2013
mir händ es flying dinner gha, drum isch das mitem absitze zum esse sowieso keis thema gsi. mir händ also de eröffnigstanz gmacht und denn isch s grosse getanze losgange. ca. 1-5 stund später isch denn unter grossem tamtam de chueche inegrollt worde. da isch eigentlich no e gueti unterbrechig gsi. nachem aschniide isch de cheuche zu de restliche sächeli ufs buffet gstellt worde und all händ wiitertanzt. es hät ja jede eifach chöne go hole.
|
dandi78 am 25.04.2014
Re: Bräute 2013
dir glückliche, dir heit aui frei am 1. mai. eg mues denne schaffe... sniff.
evtl. goni morn wieder einisch chli go shoppe. das hani jetz scho lang nümme gmacht, eifach so e shoppingtag für me ganz elei. hach, das fendi immer s'gröschte!
|
|
|
1 .. 1550 .. 3097 3098 3099 3100 3101 .. 3429 .. 3757
|
Anmelden
