Ah würkli elea? Nei, das isch bi eus nöd so gsi... isch demfall würkli ganz verschiede greglet..

Ich wür gern bis im April ä Babypause mache und denn wieder mit 40% istiege, aber es liit alles no ide Sterne, min Arbetgeber laht sich Ziit mitem definitive Bscheid

• Zitieren

das esch immer sone sach mit teilzit schaffe gäu emma. do hei die meischte arbeitgeber leider nid so freud. be mir wirds wahrschinlich sogar ufene kündigung uselaufe. mini vorgängerin het uf jede fau müesse go nachdem dass si s'chind übercho het. aso goni dervo us, dass eg de au wirde müesse go, falls mir mou chind hei

• Zitieren

Ja dandi s isch würkli so, debi wär das doch viel eifacher für es Mami wieder dörfe teilziit istiege. Schad dass mär muess chünde... Ich bin eigentli positiv igstimmt, mir hend viel teilziitschaffendi Mamis bi eus und ich erhoffe mir en positive Entscheid, aber ja... dörf kei Druck mache und muess mi halt eifach gedulde.

elea s Bébé chunt vorussichtlich im September, wür denn nach de 3 Mönet Muetterschaftsurlaub gern nomal 3 Mönet unbezahlt ahänke und drum erst im April wieder zruggcho... das wär mini ideali Vorstellig :)

• Zitieren

uiii das mit de Stüre isch demfall sogar kantonal verschiede, unglaublich! Mir händ d'Stüre online usgfüllt und det hät mer chöne ahwähel: heirate vor 2013 oder im 2013 und händs separat müsse usfülle. Bin also gspanne wie die erst gemeinsam rechnig usgseht. Da mir nur na eis gmeinsams Konto händ wird das bi ois keis Problem sih wer viewil zahlt, mer zahlets den eifach

@ Teilziit: also bi ois schaffet praktisch all 100 oder 90%, Teilziit hämer nur 2 vo insgesamt 9 Lüüt. Ja okay, vo 8 Aerzt schaffet dafür nur eibi 100% die andere dafür zw. 50-80%.

• Zitieren

Unglaublich mit dere "nette" Bemerkig elea... mär chönt würkli meine dass das öpis tragischs wär, debi würs vielne Familie vieles erliechtere, nöd nur finanziell, sondern au d Ziit womer mitem Chind verbringt, aber ja, da chan mär nur hoffe dass sich mite Ziit d Istellig echli änderet. Au dass Papis vermehrt chöntet teilziit schaffe, aber bide Männer isches no viel schwieriger!

Aber wenn ja bi eu soviel teilziit schaffet elea, wärs ja sehr unfair wenn märs eu mal wür verweigere, oder??

Ich sötti im Juni Bscheid übercho, nimmt mi Wunder... und suscht wirdi eifach nomal nahfröge, wett schliessli au langsam wüsse wie's wiitergaht...

• Zitieren

ich han ä Arbeitskollegin wo ihres dritte Chind erwartet und bi de letzte zwei SS hät sie die reguläre 14 Wuche plus 3 Mönet unbezahlt chöne näh plus schafft sie jetzt 40%, hoffe das ich den das au mal so chönnt mache, das wäri super. S'einzig Problem isch: mir sind ja en reine Fraue "Verein" und bi drüne wird's wohl nüm so lang gah mit Nachwuchs, ich denke all chönnt ja denn nöd Teilziit schaffe, das gächt ja denn irgendwen gar nüm uf oder? naja, mal luege, bin gspanne wie denn das mal isch wenn sowiet isch.

• Zitieren