Ja Emma, hät mer guet gfalle, mir händ au scho oft wellä det go Esse, so a Jubiläe oder so aber leider isch den immer scho usbuecht gsi und jetzt hämers irgendwie au vergesse.

Gell, dandi, mega herzigi Idee vo oisne Nachbere, drum wüsset mer nanig was mer a oise 1. HZ-Tag werdet mache.
uiiiii… erst sitem letzte Mai aktiv im Forum? Ich dörf fast nöd säge sit wenn ich däbi bin

• Zitieren

Echt dandi??? Ich han s Gfühl du schriebsch scho ewigs mit...

Isch würkli toll gsi, dass mär au immer no schriebet bedütet wohl au dass mär ä cools Trüppli sind

• Zitieren

das hani im fau au scho dänkt. mir si scho uf über 3000 site. das esch e wahri meischterleistig fendi!
eigentlich sötte mer ame pro tuusig site es chlises jubiläum fiire

gäu emma, mir chunts au vor, als wäri scho viel länger derbi. es esch würklech cool das forum. ihr sind cool!

• Zitieren

ihihi dandi ä chlises Jubiläum fiire müesstemer also scho fast

himbeer verzell der denn wie's gsi isch... chasch 3 Mönet im Vorus reserviere, ich hans mär au terminiert gah, han uf kein Fall wele dases denn kei Platz het, die sind ja immer so guet usbuecht

• Zitieren

haha ich has mer au 3 mönet vorher terminiert emma :-)
bi zwar nonig sicher öb mer nöd glich lieber wänd is maison manesse. cha mi ja no entscheide. euse hochzitstag isch ja erst im september.

euse trauzüge hät sich übrigens a de ostere au verlobt, ich freu mi mega!

• Zitieren

s Maison Manesse kenni gar nöd... gahn grad go luege :)

jöö herzig, denn gits bald wieder ä Hochziit

• Zitieren