| Bräute 2013 |
|
|
1 .. 1569 .. 3136 3137 3138 3139 3140 .. 3449 .. 3757
|
elea  am 02.05.2014
Re: Bräute 2013
jo höt esch wörkli e tag wome het selle leggeblibe..
be höt no weniger motiviert wi gester...:)
|
|
|
Emma13 am 02.05.2014
Re: Bräute 2013
Ich glaub das Wetter hilft au nöd würkli... isch scho di ganzi Wuche so grau und grusig, richtigs Kuschelwetter dihei... aaach aber ich bin eh scho länger nüm motiviert, bin gar kei guets Vorbild 
|
dandi78 am 02.05.2014
Re: Bräute 2013
Läääääängwiiiiiliiiiiiig....
|
Emma13 am 02.05.2014
Re: Bräute 2013
Was hender für Plän am Weekend?
.. oder nöchsti Ferieplän?
|
dandi78 am 02.05.2014
Re: Bräute 2013
Ah, du besch jo au no do  . Hmm, mir hei no keini grosse Plän fürs Weekend. Evtl. göi mer morn wieder einisch i Usgang ane Ü25. Mou luege. Und dir?
Ferieplän hei mer au keni grosse me, da mer das Johr jo bereits i de Skiferie und uf de Maledive gse si. Aber im September göi mer no e Wuche ufd Riederalp mit mim Ma sim Mami. Das esch es Gschänk vo ihre ufs Hochzit
|
Emma13 am 02.05.2014
Re: Bräute 2013
Ich bin immer da dandi 
Oh cool, in Usgang gömmer scho länger nüm, aber ich passe au nüm so imene Klub mit mim dicke Buuch
Morn chunt ebe min Ma wieder hei, aber erst am Abig, also wird ich wohl am Morge nochli d Wohnig zrecht mache, am Namittag go poschte und ihn denn am Abig go abhole, am Sunntig hämmer nüd vor, ich glaub ich gnüss min Ma denn eifach wieder echli 
Ah ja klar, ihr sind ja erst chürzlich ide Maledive gsi, so schön!!! Mir hend im Juni 2 Wuche Ferie und eini devo gömmer id Toscana, echli fein esse, shoppe und s schöne Wetter gnüsse (hoffentli) freu mi scho mega, ich bruche dringend Ferie.
So lässig mitem HZ Gschänk vo GG's Mami, wird sicher schön :)
|
dandi78 am 02.05.2014
Re: Bräute 2013
Hi hi, mitem dicke Buch i Usgang. Velich würd de s'Bebe im Buch au no afo shake 
Dir heit rächt, eg würd au nüt speziells mache wenn mi Ma wieder würd hei cho. De eschs ame schön wenn me eifach Zit fürenand het
Oh so schön dass der id Toscana göit. Eg würd au sehr gärn wieder einisch uf Italie id Ferie go, aber mi Ma esch leider gar ke Italie Fan. Na ja, es git au veli anderi schöni Plätz uf dere Welt. Toscana esch für me so der Inbegriff vo gmüetliche Ferie, fein Ässe, e guete Wi trinke und eifach "la dolce fare niente" gniesse.
Esch scho no cool wägem Gschenk. Das esch vom Ballonwettbewerb wo mer am Apéro gmacht hei. Ihres Chärtli esch zrugg cho und dört esch ebe druffe gstande, dass sie eus e Wuche Ferie uf der Riederalp schenkt. Freue mi scho mega. Mir si drum alli drü so richtigi Spielifüdle. Wenn mir zäme si, si mer durend am Spieli mache und das esch immer sehr witzig. Und ufs wandere freui mi au.
|
Emma13 am 02.05.2014
Re: Bräute 2013
ihihi dandi, säg nüd, mir sind vor 2 Wuche amene Konzert gsi und denn hani s Baby de ganzi Abig no gspürt wies wild umezappelet isch, also glaubi wers au mega uftreit nachem Usgangabig 
Genau so stell ich mir d Ferie ide Toscana ebe au vor, mir hend eus extra für en Ort entschiede wo s feine Esse im Vordergrund staht und eifach nüd mache, gnüsse und di "letzte" Ferie z'zweite gnüsse, findi scho no wichtig und ich freu mi mega druf.
Wow so cool dass ihres Chärtli wieder zrugg cho isch, so herzig! Hender viel Chärtli zruggübercho? Mir hend au Ballön stiege lah, aber ufem Chärtli het jede en Wunsch fürs Bruutpaar dörfe schriebe, also erwartet mär kei Gschenk :)
Isch super das ihr eu so guet verstönd und gmeinsam öpis unternehmet, isch ja leider nöd selbstverständlich bide Schwiegermüettere
|
snet am 02.05.2014
Re: Bräute 2013
Oh in der Toscana war ich noch nie. Ich muss ehrlich gestehen, dass das Essen bei mir ein grosser Parameter ist um eine Feriendestination auszuwählen. Von dem her ist Italien sicher super (und lecker!)
@Dandi: Warst nicht du das, die ihrem Mann noch einen Überraschungsgeburtstagstrip schenkt?
@Ferien: Wir möchten gerne noch für etwa 2 Wochen nach Griechenland im August/September. Ich war nämlich noch nie dort und ich habe auch gehört, dass es feines Essen gibt
@Wochenende: Am Sa muss ich noch mit meinem Kater zum Tierarzt (Nachkontrolle) und am allermeisten freue ich mich auf die Luuuuuuuuuuuuuugaaaaaaaaaaaaaaaa! Ziel ist es auch möglichst viel zu schlemmen
|
dandi78 am 02.05.2014
Re: Bräute 2013
Es si extrem vöu Chärtli zrugg cho, sicher öppe 20-25 Stück!  Mir si sehr überrascht gse dass soviel zrugg cho si. Die letschte si sogar no gäge Wiehnachte zrugg cho. Hi hi. Mir hei veli tolli Sache übercho, oft e Iladig zumene Ässe. Dört hei mer sogar immer no es paar zguet. Oder au e Guetschin für is Aqua Basilea oder Kino Guetschine... würklech cooli Sache. 
Jo das esch leider so, dass me mit de Schwiegermüetere nid immer guet uschunt. Mini Kollegin hets z.B. nid immer eifach. Wie esch das be euch? Hesch dus guet mit sine Eltere?
|
|
|
1 .. 1569 .. 3136 3137 3138 3139 3140 .. 3449 .. 3757
|
Anmelden
