Ächt himbeer? Eg finde ne nid so guet. Hi hi, so si Gschmäcker verschiede.

• Zitieren

Das isch so, s zweite Trimester isch unbeschrieblich schön, jede Tag chunt öpis schöners dezue. Ich bin zwar scho im dritte und gnüsses immerno sehr... hoffentli blibts nochli so :)

Was hesch denn für Beschwerde sonne?

• Zitieren

allerdings. ich ha mal amene geburtstag öpper känneglernt wo die hyperemesis gravidarum gha hät, die extrem schwangerschaftsübelkeit. sie hät 9 mönet lang müesse jede tag bis zu 15 mal erbreche und häts schins a gwüsse täg nur vom bett is wc gschafft, und zum teil sogar am bode gschlafe... und s schlimmste: nachher bim zweite chind grad namal 9 mönet lang. bi beidne schwangerschafte hät sie je zweimal müesse 2 wuche is spital, will sie so uströchned und schwach gsi isch. das isch echt extrem gsi.

• Zitieren

omg krass himbeer... isch ja mega heftig so en Übelkeit


rasch en chlini frog a de Mädels wo schwanger sind... henders denn bevor ehrs def. gwüsst hend dass ehr schwanger sind scho chli g ahnt? oder hender irgendwelchi Beschwerde gha?

nemmt mi no wunder ob me so was scho vorher merkt

• Zitieren

ah ich find es dörf doch jede jammere, au wenn so öpis wie bi minere bekanntschaft natürli no schlimmer isch. aber es isch ja au sehr selte und au wenns eim "weniger" schlecht isch, gahts eim ja immer no nöd guet.

• Zitieren

Ou himbeer, das isch ja sonen armi... so öpis wünscht mär echt niemertem... ganz ganz übel

valey, mis erste Azeiche sind d Brüst gsi... sie hend mega gspanne und zum Teil richtig weh tah, churz drufabe hani mega Müeh gah mite Grüch, han alles mega penetrant gfunde, weiss no.. mir sind in Dubai gsi imene Lift und ich han mim Schatz gseit "ui nei, sit wenn duschet all die Lüüt nöd?" und er het mich nur agluegt und gfunde "ich schmöck gar nüd, du bisch schwanger" Am nöchste Tag dihei hemmer de Test gmacht und so isches gsi

• Zitieren