sonne esch das denn speziell en kors för zwiling gsi oder besch di einzig gsi?

• Zitieren

Hallöchen Zäme

Ich bi au immer no öppedie am umeschneugge im Forum aber ha amigs ned so Zyyt zum mitschriebe, drum lesi mängisch eifach still paar Iträg noche .

Allne Schwangere wett ich no vo Härze gratuliere, soooo schön wow das goht jo vorwärts ! Ich bi ned sicher öbs bi mir ev. au igschlage het, eigentli wärs no so früeh dasi gar kei Azeiche cha ha, s esch eifach chli komisch. Aber ich loh mi jetzt mol überrasche, nächst Wuche weisi denn allwäg meh.

@Canoa: Hei ich ha ich das richtig gläse, jetzt hesch du glich müesse go operiere wäge Endometriose ? Ha gmeint gha me heg das scho mol abklärt gha und nüt gseh zu dem Zyytpunkt, hei das tuet mir so mega leid für dich !

@Sonne: woooow hei und bi dir geht's grad Zwilling, krass so schön ! E Kollegin vo mir het au Zwillingsmeitli übercho und sie het also im 6 Monet e Buuch gha wie anderi im 9. .

• Zitieren

elea, be die einzig gseh. so kürs för zwillingseltere geds glaub ned... was ech no speziell gfunde ha (und immer wieder erläbe...) isch, dass mech/eus all gfrogt hend ob mer denn kei angscht hend usw... ich be glaub absolut naiv aber ich be öberzügt dass mer das schaffed met dene zwei und mer freued eus so fescht uf die beide - das wird sicher dopplet sträng aber au dopplet schön... nur d schwangerschaft hängt langsam wirklich aa, das chunnt halt alles chli früehner...

hoi eve, schön bisch au wieder mol do! demfall gohts der guet! so spannend - hihi, schriibsch denn inere woche wieder ? be mir verschricked au vieli wenn sie froged wenns denn sowiit esch, und ich säge "im oktober" und jedem riibi denn natürli ned under d nase dass es zwei sind - hihi, die selled sech nur chli wundere !

• Zitieren

Hihi jo hüt hanis jetzt ebe grad gar ned sträng drum chani au chli mitschriebe, usserdem haltet sich mini Motivation schweeer in Gränze .

Ich schriebe denn uf jede Fall wieder, bi irgendwie total närvös. Usserdem ganz ehrlich, ich bi eh total verpeilt im Momänt, mini Gfühl schwanke im Momänt zwüsche Freud und Panik weni jetzt wörkli söt schwanger sii und zwüsche enttüscht wenis ned wär, total schräg. Ha ebe erst letscht Monet d Pille abgsetzt und dänke mir die ganz Zyyt das cha doch ned sii dass das grad ischloht. Mir händ au überhaupt ned bewusst gluegt oder plant, s esch wörkli eifach per Zuefall uf mini fruchtbare Täg gheit. Die letscht Wuche hani denn megaaaa Buchchrämpf gha (nehme mol ah, dasi allwäg mi Eisprung gspürt ha?) und sit denn sones komisches Flattere im Buuch, eifach ganz schräg. Debii meine wenn jetzt wörkli letscht Wuche d Befruchtig stattgfunde hätti, chönti doch eigentli gar no nüt merke will sich s Ei gar nonig ignistet hätti. Ahhhhh ich weiss au ned, ich loh mi jetzt eifach überrasche und so wie's denn esch esch's guet, Schicksahl nimm deinen Lauf .

Aso ich dänke wenns s erste Chind esch denn eschs eh sträng, öb's jetzt eis esch oder zwöi, will me mues sich zerst mol anenand gwöhne und chli e Rhythmus finde etc.. Und ich dänke dir händ jo sicher au no Unterstützig vo de Familie etc., dänke s esch doch tiptop wenn dir's eifach mol uf euch zuecho lönd. Aso ich glaube mini Kollegin het eigentli am asträngendste die erste paar Woche gfunde (will halt oft beidi mitenand Hunger gha händ und so) und wo sie denn händ welle afange laufe, willd denn halt immer es Aug uf beidi Chinder muesch ha. Aber deför händ sie vo Afang ah glehrt teile und grad öper gha zum spiele, das findi total toll .

• Zitieren

@sonne: Schade, dass du nicht am Brauttreff bist, dann hätte ich deinen Bauch gesehen. Ich finde für meine Verhältnisse habe ich ziemlich viel Bauch (sonst immer ganz flach der Bauch), aber gegen aussen finde ich den jetzt nicht riiiiiiesig. Ja, wir überlegen uns das noch mit dem Vorbereitungskurs. Aber die Zeit läuft ja noch nicht davon. Ich fände halt so einen Säuglingspflegekurs irgendwie spannender.

Ich bin gespannt auf nächste Woche: Vielleicht erfahren wir dann das Geschlecht!

@Eve: Hmm, vielleicht ist auch das was du wahrnimmst einfach dein normaler Zyklus ohne Hormone? Ich drück dir auf jeden Fall die Daumen. Und unverhofft kommt ja bekanntlich oft.

@Brauttreff: Hat jemand Interesse an Ovu's und SS-Tests? Ich habe mir so eine Riiiesen Kombipackung auf ricardo bestellt und nur einen Zyklus gebraucht. Sonst würde ich sie mitnehmen, falls sie jemand haben möchte.

Ui, bei uns ist gerade Weltuntergangsstimmung... Der Himmel ist meeega dunkel! Jetzt kracht es bestimmt bald.

• Zitieren

eve, ech glaube dini schwankende gfühl sind ganz normal. einersiits freut me sich, anderersiits weiss me dass sich alles wird verändere usw, dass eim das verunsicheret oder mängisch au angscht macht isch doch ganz natürlich! mir hend eus jo bewusst defür entschiede und au ich ha mängisch so "attacke" gha. aber ich cha der säge, irgendwenn bisch so vernarrt i das gschöpfli e dim buuch, do sind alli zwiifel wäg!!!

elea, super übrigens dass ihr en tolle erschte gmeinsame undersuech gha hend ! meega, freu mi sehr für euch! es isch sooo öppis bsundrigs, eifach unglaublich! warteds ab bis ehr das chliine vo usse gsähnd "aachlopfe", oder wenns denn zruggchlopft wenn chli drucksch, das isch eifach nur unglaublich! ganz ehrlich, ich cha jetzt no mängisch gar ned glaube dass do zwei mönschli e mer inne wachsed!

hihi, d hebamme wo de kurs gleitet hed hed au gfunde das seig ned naiv sondern e gueti iistellig! kei ahnig wo ech das vertraue här ha, ech be halt au öppert wo findet es macht kei sinn sich über sache de chopf zerbräche wo viellicht mol iiträffed... ich find, es länget de sech gedanke z mache, wenn problem tatsächlich iiträffed

• Zitieren