@Eve: So weit ich weiss, hat man unter der Pille gar keinen Eisprung und dementsprechend konntest du da auch nichts spüren. Direkt nach dem Eisprung hatte ich immer Schmerzen in der Brust bis zur Periode. Das kann auch am erhöhten Progesteronlevel liegen (beim Eisprung bleibt der Gelbkörper zurück). Da musst du wohl oder übel noch bis zum nächsten Mo warten

Uiiii, jetzt ist es losgegangen - die Welt geht unter

• Zitieren

Sonne das beruhigt mi jetzt grad dass du das amigs au gha hesch, chume mir nämli amigs total denäbe vor, aber ich ha scho sehr fest Respäkt defor. Aso dass mir Chinder wänd esch klar, aber ebe denn z wüsse hei ok wenns sowit esch denn chasch nüm zrugg, das macht mir scho chli Angst amigs. Vorallem muesi au säge dass ich irgendwie chli Schiss ha vorem Schwanger sii (vorallem wäge möglichem Erbräche und so), chas ned so rächt erkläre. Vor 3-4 Johr hani so Gedanke überhaupt ned gha weni über das nochedänkt ha und jetzt plötzlich hani sie, mues mi eifach immer wieder bewusst abrege und mir säge s chunt alles guet egal was jetzt esch.

Ich finde dini Istellig übrigens au super, ich glaube wörkli so Useforderige klappe doch wörkli eifach am beste wenn me's cha gelasse nä und sich ned sälber s Läbe schwer macht (ebe ned wie ich im Momänt *g* ).

• Zitieren

@Snet: Gott bi ich doof, jo klar stimmt, jo denn chöntis demfall wörkli sehr guet eifach nur vo dem sii. Esch ev. alles eifach jetzt grad chli sehr intensiv will ich sehr lang d Pille gno ha, aso ich loh mi eifach mol überrasche öbi mini Periode überchume oder ned, wie gseit mir händ gar kei Stress au wenns no es Johr wörd go oder länger wär's keis Thema.

Bi eus macht de Himmel au langsam zue, glaube chunt no es heftigs Gwitter hüt zobe.

• Zitieren

jö elea, das isch härzig wägem lache! schön gohts euch au so! ich fühl mich alle so dämlich wenn ich det ligge und merke dass ich eifach vor mich änegrins

eve, ich find ebe eigentlich ischs doch au es guets zeiche wenn mer sich gedanke macht und au respekt vor dere ufgab hed! schliesslich ischs e grossi verantwortig und das zeigt jo au, dass du dir bewusst besch was das bedüütet und dass das ned nur alles friede-freude-eierkuchen isch... wäge de schwangerschaft würdi mir ned zviel gedanke mache. es isch so underschiedlich und wenns der de ned guet goht cha mer hüttzutags jo einiges mache! und es goht verbii ! aber ebe - öppe en attacke, das hani also am aafang au gha

• Zitieren

i gleb jedi cha dini ängst nohvollzieh. me het plötzli en mega verantwortig. vorher chasch mache wasd wetsch es betrefft nor de, ond plötzli beiflosst alles au no öper 2... das esch scho speziell... aber weisch am afang geltet jo so oder so s "alles oder nüt" Prinzip. ond au wenn mes chum glaubt aber die chline gschöpfli send robuster as me meint... vell (ich jo au) wösse di erste Woche jo no gar nüt vode Schwangerschaft und verhalte sech au nonid dementsprechend und glich werde das tiptop gsondi chender....
loschtig esch, bi mer esch s genau gegeteil gsi, i hami Emmer ofs schwanger si gfreut und ha denkt das sig supetoll und superschön und em Moment beni jo nor am liide musch luege es chont so oder so anderst asd denksch! ond au dini ängst werde sech ändeer! mini angst esch Emmer gsi wegem Geld ond ob das chend d bezihig belaschtet etc. ond jez send mini einzige sorge die wege de gsondheit. alles andere chunt scho guet :)
eifach so wid sonne, probiere positiv zdenke ;)

• Zitieren

In meinem Umfeld ist jetzt auch noch jemand ganz frisch schwanger (7. Woche) und ich finde sie übertreiben es irgendwie mega... Planen jetzt schon alles (Kinderbetreuung, etc.) und gleichzeitig werden mir Vorwürfe gemacht, warum wir noch nichts gemacht haben. Diese Woche fängt gerade mal der 5. Monat bei mir an und ich finde wir haben noch viel Zeit...

Es hat mich vor allem aufgeregt, dass man mir sagt, ich würde die Schwangerschaft komplett ausblenden, nur weil ich noch nicht dem Umfeld davon erzählt habe. Auch für das bleibt noch massenhaft Zeit!

So, die Welt hat aufgehört unterzugehen

• Zitieren