@Hebamme: Das ist mir so ziemlich komplett egal. Es darf nur eine einzelne Person nicht sein: Die Exfreundin meines Mannes (arbeitet als Hebamme im Spital, wo wir entbinden möchten). Ich finde das ist ein äusserst intimer Moment, an dem die Exfreundin nichts zu suchen hat. Kann man das wohl so anbringen oder ist das daneben?

@FA: Naja, wir haben uns "zusammengerauft". Unser Puffer ist mein Mann und sonst zicken wir uns an. Sie findet ich bin mühsam und ich finde, dass sie mir zu wenig und zu unprofessionell Auskunft gibt. Aber da diese Schwangerschaft ja zu schnell wieder eingetreten ist um den Arzt zu wechseln, hab ichs gelassen. Auch dem neuen FA (habe ja vorher schon 3x gewechselt) wieder alles zu erklären, hätte ich keine Lust gehabt.

@Infoabend: Prima, dann melde ich mich dann mal für August an.

@Geburtshaus: Keine Option für mich, da ich ja diverse Medikamente einnehme (wie Blutverdünner). Da kann ich nicht einfach so reinspazieren damit.

• Zitieren

Ich kenne au ä Kollegin wo im Geburtshuus het wele gebäre, s sind denn aber Komplikatione uftrette und sie isch automatisch ines Spital verleit worde, im Spital isch mär halt glich umgebe vo Ärzt und das beruhigt mi falls würkli öpis wür passiere... und au fürs Chind isches sicher optimal wenn grad vor Ort ä Neonatologie hesch, das isch de Grund warum ich ines Spital wird gebäre.

Chan aber nöd beurteile öb das so isch, dass mär im Spital d Geburt wett verchürze und vieli Dammriss entstönd, isch das so? Ich glaub d Dammriss sind nöd abhängig öb mär jetz im Spital gebärt oder neumets andesch, was ich halt scho ghört han isch z.B. dass mär im Spital früehner ileitet, was im Geburtshuus allefalls natürlicher wür passiere und mär länger wür warte, aber au da, chunts ganz ufd Situation druf a, amigs chan mär nöd länger warte und Ileite isch s beschti, uf de andere Siite seit mär dass mär da amigs echli voreilig isch und ruhig uf de natürlichi Verlauf der Dinge chönti warte...

Ich han au zimli Respekt vomene Dammriss, aber im Kurs het sie eus vo Massage verzellt und Möglichkeite wie mär das chan verhindere, ich wird das ganz sicher usprobiere und fest hoffe dases guet chunt...

• Zitieren

aso ebe i ha vorher nie öber es geburtshuus nohdenkt welli Emmer sgfüehl de chömes do met röicherstäbli ond so züg womi de nome hässig macht

i weiss ebe ned ob das stemmt met de dammress, ebe esch mer so verzellt worde, ke ahnig aber vo wo die Infos chöme...
nei ebe i wet au liebes is Spital, speziell bim erste woni ned weiss wami erwartet ond di send of alles vorbereitet!
aso i werde secher au alles versueche zom e dammress zverhendere, well weni mer das vorstelle de zieht sech bi mer alles zeme :/ de puri Horror!!!!!


ou nei snet hesch so Trouble met dinere FA? hmmm wechsle esch Emmer doof, aber wetsch wörkli jez di restlich Schwangerschaft bi einere si wod ned magsch? meine wend wördsch wechsle de muessi si jo eifach d chrankeakte witer ge und de nöchst muss sech do selber drilese!?!?!

• Zitieren

ich ha e dem kurs em geburtshuus irgendwie alle scho s gfühl gha, spital usw wird zum teil sehr schlächt gmacht. ich finde die eisiitig haltig echli störend, will für mich s spital au vorteil hed und ebe - au es geburtshuus isch ufs spital aagwiese wenns problem gid. mich dunkt eifach, vieles sind au vorurteil! ebe, s gebärzimmer e dem spital woni am mäntig gseh ha isch grad so schön wenn ned schöner als im geburtshuus! me cha ebefalls musig mitbringe usw, nur cherzli aazünde isch verbote wägem füüralarm (isch jo iilüchtend...). au det wird mit alternativ-methode gschafft usw, also soooooooo schlimm wies zum teil tönt hed ischs also wirklich ned. es hed alles vor- und nochteil und ich findes wichtig dass eim wohl isch mit de entscheidig wo mer trifft! elea, ich würd dir empfehle dir es eigets bild z mache und denn z entscheide, was für dich am beschte stimmt!

• Zitieren