| Bräute 2013 |
|
|
1 .. 167 .. 331 332 333 334 335 .. 2046 .. 3757
|
|
toluwu nicht registriert am 29.06.2012
Re: Bräute 2013
Valeria01:
ach Määdels seid froh ich habe gar keinen Antrag erhalten... es wurde einfach irgendwie entschieden... 
Bei uns auch! 
Meine Signatur geht nicht.  Da sollte nämlich stehen: 22.06.2013
Zuletzt bearbeitet am 29.06.12 13:43
|
|
|
MaLu  am 29.06.2012
Re: Bräute 2013
herzlich willkomme schneehäsli
und reebee und toluwu, ganz viel spass bim chleid probiere... i "vermisse" mis o scho!! 
|
Lula  am 29.06.2012
Re: Bräute 2013
Hoi zämä
@Valeria: U das kenni, has mit mire ou no nie guet gha...
Isch aber abartig, säge wenn dKind dusse si, chani umi läbe (für was het si de Kind welle? Sorry, isch nit gad so ne liebi Frag.)
Inwiefern het de Di Brüetsch Dräck am Stecke? I würd ihn vo sim Trouzüge Amt löse u ne gueti Fründin frage, chas ja wou nit si!! Är het Di aus Trouzüüge zunterstütze, Dr zhälfe u Di sicher nit abezmache!!
U wenn de dr Kontakt zu Dine Eutere eifach lasch lah si? I mäude mi bi mire Muetter quasi nie. Si lütet gäng mau wieder a, u zwüschedüre löh mrs de haut eifach lah schälle... Ja i weiss, isch nit gad lieb, aber zwüschedüre hani dNärve für si haut eifach ou nit.
Ha mit mire Stiefmutter e rege Kontakt, u das isch es de ou gad umi. Wüu mi Per u i hei nang aube nit viu zsäge...
U vo mim Brüetsch hani nit mau ä aktuelli Adresse.
Has zwar mit mine zuekünftige Schwigis merheitlech guet, aber si mischlesech viu zviu i üses Läbe inne, daher isch dr Kontakt doch sehr oberflächlech aber immerhin fründschaftlech, ämu meistens... 
Bi mir chunnt hinzu das i Zöliakie ha, u mini Mer wott u cha das nit verstah, "so chli Brot isch nit schlimm, tue nit so blöd!" Hallo?? U a ihrem Hochzyt im Ougust muessi, wenn i Apero wott, säuber mitnäh...
@lolo: Das hani ou gseit, u spätischtens wenn Kiddis da si, gits einisch ä Whynachte mit sire Site u einisch mit mire Site , wie si de das löse, isch mir glich (mini Eutere chöi gäng no nit normau mit nand rede!) Wüu i ha de kei Luscht mit Kiddis gäng aune hingernache zsekle... Mir wärde scho für das Jahr wärde luege, het letscht Jahr gnue Theater gäh.
@Valerie und lolo: Wäris de nit ou e Lösig, dr Kontakt komplett abzbräche? U wie machet ihr das am Hochzyt, trotz Ärger aui ilade u gueti Mine zum böse Spiel, oder gits Familiemitglieder wo nit Iglade wärde, oder "nume" zum Apero?
@reebee und toluwu: viu Spass bim Kleid probiere!!!
@Schneehaesli: Härzlech Wiukomme!! Vorsicht das Forum macht süchtig
@toluwu: Unter Dim Profil bi de Istellige, muesch es Häckli ga mache, das es dr Signatur umi azeigt...
|
Valeria01  am 29.06.2012
Re: Bräute 2013
Ja mier hend es oberfläächlichs verhältniss… mini eltere interessieet sich nöd für mich also meldet sich viellich 1 mal i de Wuche per sms wenns ööpis wenns… mir hend so en Familie SMS CHAT und dete erfahrsch mal chli ööpis vonenad… suscht nöd…
Ich gsehn eifach die ander siite wies chan sie wenn sich es mami um dich kümmeret… mis schwiegermami isch so… gester isch sie go poschte und hett chips gseh woni gern ha und hett sie mier kauft…
Also min Brüeder isch schwul was für e Italo fam halt nöd eifach isch will mier mit dem Ufwachsed das das nöd normal isch… ich akzeptierts.. mier isch glich aber wos usecho isch hett mier mini Mum terror ect gmacht und ich bin für sie da gsii und jetzt vor de andere isch er de Best und hine motzt sie wieder über mich..
Ich muss mi halt zruggzieh und mich selte melde.. mal luege!
De Kontakt ganz abbreche wotti nöd es schisst mich eifach ah dass sie kei Muettergfühl mier cha zeige …wüsseder wasi meine?
|
nini am 29.06.2012
Re: Bräute 2013
@schneehäsli, mir hürated chirchlich am 17.8. (uf dä Tag gnau 9Jahr nach dem mit zämä cho sind). S Zivile möcht ich gärn im Winter mache, mir händ aber na keis Datum.
Bi üs hät nöd er dä Atrag gmacht sondern ich.  Ich han ihn für es Wellness-Wucheendi entfüehrt und ihm am erste Abig im Hotel mit Chärzli etc dä Atrag gmacht!
|
Valeria01 am 29.06.2012
Re: Bräute 2013
es ist einfach schwer ich bin ein mensch der viel Liebe braucht und noch mehr gibt!
Leider gibt sie mir keine und ich kann es nicht ändern.. ic bin immer traurig wenn ich dann mal meiner Schwägerin zbsp etwas gutes mache und dann nur ein einfaches Danke kommt und nicht mehr...aber das hängt alles zusammen. Es ist einfach so das ich versuche mir die Liebe anderswo zu holen... 
schaut mal ich habe meinen Bruder der Trauzeuge über die Zältli informier die ich gekauft habe und von denen ich erzählt habe und er hat mir zuerst so Fragezeichen geschickt und geschriben du hesch ja noo sooo viel ziit was sölll das?
Ich: ja ich org. halt vorher
und er: Fühl dich nid immer grad agriffe Valeria, ich weiss du hüratisch aber es chunnt amigs so inne als würdsch du en komplette Lebenswandel mache und alli muesstet informiert sie.
supper oder ? 
|
|
toluwu nicht registriert am 29.06.2012
Re: Bräute 2013
Lula:
@toluwu: Unter Dim Profil bi de Istellige, muesch es Häckli ga mache, das es dr Signatur umi azeigt...
Ah, danke Lula! 
|
Lula am 29.06.2012
Re: Bräute 2013
@valeria: jöö, isch ja mega süess. Bi üs isch es ender so, dass mir sine Eutere mau öbis mitbringe, drfür müesse si aube fahre.
Ah ok.
Aber wotsch ihn de würkli mit däm ganze Gstürm no aus TZ?
Aber i weiss was de meinsch, u verstah Di ou. Ha mir ou lang überleit, wieso mini Muetter isch wie si isch, ha aber irgendwenn gür mi müesse sägä, i lahs la si... Geit mr besser so.
@snet: autsch, isch ou no heavy, so öbis müesse zghöre!
@valeria: Krass, so ne Unterhaltig. Chasch dr de dLiebi nit bi Dim Schatz hole?! I weiss, es tönt jtzt blöd, aber Huustierli gäh eim ou enorm viu...
|
Valeria01 am 29.06.2012
Re: Bräute 2013
Min schatz git mer viel isch aber nöd de romantisch Typ... und ich wott scho es huustier aber er nöd
zum mich vo allem Ablenke machi suscht mega viel sache und nacher bini immer gstresst und und und es isch eifach en mega Tüfelskreis wo nie ufhört...
iTZ ich weiss nöd ... wennen nacher nöd würd neh gebtis es huere gschiss i minere ganze Fam... ich han ja nebedbii nomal 3
mier hend ebe 2 ufem Standesamt sini Schwöö udn min Brüeder und i de Chile 4 sie 2 nomal und denn mini bes Kollegin udn en Kolleg vo ihm... sini Schwöö interessiert sich mega für eusi Hochziit... mini best Kollegin wird i 2 wuche mami also hett sich nonig so chöne interessiere aber das chumt no... sin Kolleg weiss no nüüüt vo sim Glück und min Brüeder wüsseder ja...
|
LucyLu am 29.06.2012
Re: Bräute 2013
Juhuiiiii mir händ hüt bereits d'Bestätigung i de Post kah vom Standsamt. De Termin für de 28.06.2013 isch reserviert Münd nur na s'Formular usfülle und den retourniere uiuiuiuuu bin grad ächli nervös freui mi meeega.
Herzlich Willkomme Schneehaesli und Achtung s'Forum macht würklich süchtig.
@ Eltere: ich ha zum Glück zu allne usert zu mim Mami es sehr guets Verhältnis. So wie ich das au i mim Fründeschreis so gseh händ recht viel Problem mit ihrem Mami. Bi minere chunnt leider na däzue das sie Starki Depressionen hät und momentan wieder sehr es tüf hät. Ich ha sie jetzt endlich chönne motiviere ä ambulante Therapie z'mache will euisi Beziehig lieted sehr drunter. Trotz allem wet sie mich so guets gaht mitem HZ unterstütze und helfe Deko mache, ich ha ihre jetzt de Uftrag gäh es Ringchüssi mache, das hät sie Mega gfreut. Ich hoffe sehr die Therapie Chan ihre helfe. Und es wird wieder besser zwüschet euis. Ich Chan eui also all verstah wo Problem händ mitem Mami. Bin uuuh froh hani min Papi, er isch de Best und immer für mich da, eifach en Super Daddy
Grüessli
LucyLu
|
|
|
1 .. 167 .. 331 332 333 334 335 .. 2046 .. 3757
|
Anmelden
