| Bräute 2013 |
|
|
1 .. 1670 .. 3338 3339 3340 3341 3342 .. 3550 .. 3757
|
LucyLu  am 02.07.2014
Re: Bräute 2013
dandi, ich ha au Chopfweh aber das liet dra dass ich 1. na vercheltet bin und 2. vom Wetter  Dir au gueti Besserig!
Jaa, meeeeega meeeeeeeega schad das Schwiizer Nati usekeit isch! Sie händ so hammer guet gspielt! Sie hettets also verdient wieter z'cho. Würkli sehr sehr schad! Mini Nerve sind echt blank gsi, ha nüm gwüsst wie vorem TV hocke, bin so nervös gsi...
|
|
|
himbeer  am 02.07.2014
Re: Bräute 2013
ich bi übrigens tschuld dass das goal passiert isch. ich ha nämli 4 sekunde vorher gseit gha "jetz kassiereds sicher no eis so churz vorem endi". tuet mer leid 
|
dandi78 am 02.07.2014
Re: Bräute 2013
lucylu, de chöi mer hüt zäme chli liide. wie seit me so schön: geteiltes leid ist halbes leid. 
eg ha geschter aso au glitte, ha afe fasch nümme chönne zueluege. ha so ghofft dass es penalty schiesse git. dört hätte d'schwizer gueti chance gha. aber jetze, me chas leider nid ändere. sniff...
|
elea am 02.07.2014
Re: Bräute 2013
dandi, mega komisch dass der NACH em esse schwummerig esch. normalerwiss sets doch denn guet go...  musch wörkli mol bez beobachte gell....
himbi, i sege gaar nüt. wenn sis wel verzelle denn dud sis de selber schribe. wi gseit hauptsach ehre gohts guet met em Resultat ond das esch emo secher positiv :)
segts ned, i ha fascht es herzchriesi becho vorem tv gester. schad sends doss, aber si hets sech super gschlage. hett nie met somene spannede match grechnet und wer hetti denkt dass d schwiz es de grosse Argentinier so schwer cha mache :D
|
himbeer am 02.07.2014
Re: Bräute 2013
das stimmt elea, das hani au super gfunde. ich ha ja heimlich scho demit grechnet dass eusi jungs 5:0 ufs dach überchömed, wenni ehrlich bi.
|
dandi78 am 02.07.2014
Re: Bräute 2013
jo gäu elea, das fendi ebe au chli komisch. na ja, mues es mol chli beobachte.
si hei würklech toll gspielt geschter. d'argentinier hei aso grad müesse zittere. he he. mi ma het sogar gfunde, dass bis jetz no ke mannschaft a dere wm sone clevere match gspielt het wie d'schwizer geschter
|
LucyLu am 02.07.2014
Re: Bräute 2013
himbeer:
ich bi übrigens tschuld dass das goal passiert isch. ich ha nämli 4 sekunde vorher gseit gha "jetz kassiereds sicher no eis so churz vorem endi". tuet mer leid
Ääääähh... himbeer, ich han öber genau denn au gseit, juhuuu es gseht nach Penalty us, mir gwünnet will mir händ de Best Goalie und min Maa luegt mi ah und seit, freui dich nöd z'früeh und denn isch es leider passiert
dandi78:
lucylu, de chöi mer hüt zäme chli liide. wie seit me so schön: geteiltes leid ist halbes leid.
eg ha geschter aso au glitte, ha afe fasch nümme chönne zueluege. ha so ghofft dass es penalty schiesse git. dört hätte d'schwizer gueti chance gha. aber jetze, me chas leider nid ändere. sniff...
Ja das stimmt dandi, geteiltes leid ist halbes leid, guete Deal 
Ich ha au sooo ghofft das es Penalty git, het das de Jungs nach 120min kämpfe so gwünscht!
|
himbeer am 02.07.2014
Re: Bräute 2013
haha lucy, demfall sind din maa und ich beid tschuld 
so ich muess no rasch uf zalando mini goldige schueh bstelle 
ich ha ja jetz a die hochzit vom letzte samstig s schwarze agleit, aber für die hochzit im august wotti definitiv goldigi. und en huet oder en chopfschmuck bruchi au no...
|
snet am 02.07.2014
Re: Bräute 2013
@Dandi: Hmm, schon komisch, dass bei dir immer dieser Schwindel einsetzt. Du hast doch sowieso bald einen Termin beim Hausarzt wegen der Schilddrüse? Vielleicht kannst du gerade ein grosses Blutbild anlegen.
Ich habe Glück, so etwas wie Kreislaufbeschwerden hatte ich schon sehr lange nicht mehr.
@LucyLu: Jep, da bin ich wirklich ein wenig daneben gelegen, aber mir ist schon mal ein Stein vom Herzen gefallen, als es hiess, dass er komplett gesund ist.
@Match: Hihi, wir alle haben schuld - schliesslich haben die Argentinier wie wild drauf losgebetet.
@himpi: Oh, so schön, also gibt es doch noch goldige Schuhe? Ich habe mir ein festliches Umstandskleid bestellt, schliesslich will ich noch ein wenig Party machen im Sommer.
@me: Mir geht es leider nicht besser, aber dafür ist es auch nicht schlimmer geworden. Jetzt will mich die Ärztin heute Morgen wieder sehen. Was einfach nicht für mich in Frage kommt, ist wieder krankgeschrieben zu werden. Dafür habe ich einfach zu viel zu tun und auch keine Lust daheim zu hocken.
|
elea am 02.07.2014
Re: Bräute 2013
himbeer i ha ebe au denkt das geht e Blamage wie gege frankriich, aber so eschs echt super gsi zom zueluege! aber s glöck het halt no bezli gfehlt...
dandi, wend i 2 Woche gosch go abkläre zom Arzt de chasch ehm das jo au grad sege wegem schwendel...
|
|
|
1 .. 1670 .. 3338 3339 3340 3341 3342 .. 3550 .. 3757
|
Anmelden
