bitte dandi. i bruche de au, i has cool gfonde dass me so vell cha itrege und de Emmer au grad seit wenn de Eisprung esch und d mens etc... temp und s gwecht chasch au itrege....

nei jez hends ne ned a lager? Frechheit so öpis! vorallem, hender jo ned no ewig zit bes ehr de bruchet! aber ebe di send mengisch so habasche, met so leferige! mer hend vor 3 johr es neus Sofa bstellt ond hend extra 200.- extra zahlt dass si eus liefere (es esch sone Monster eggsofa. de esch me maa dehai blebe extra zom die in empfang ne. de hends es eifach ofem Trottoir usgalde und gseit si liefer nor bes Trottoir und ned bes ed wohnig. de hends es vom lastwage gno und mi maa esch mueterseele elei det gstande met dem Monster Sofa (by the way, mer hend de no em 3te stock gwohnt, nor met emne monzige Baby lift). zom glöck esch de nochber ome gsi wonem degholfe het. aber so öpis esch e souerei. vorallem das Geld hemmer zahlt damet mer ke chrampf hend... easy, i ha dene de es bsüechli abgstattet ond be go usrüefe :)
egal, esch lang her, aber ha nor weel sege dass es Emmer weder so gschechte geht met lieferige und züg ond Sache.... das esch sooo müesam! hoffe echt Emma dass sech das möglichst schnell erledigt!

• Zitieren

@dandi: ich ha au sones app, es heisst ovia. bisher gfallts mer sehr guet. de geburtstermin gits nöd ah, aber me cha sehr viel iiträge... natürlich periode, temperatur, stimmige, körperlichi azeiche, zervixschliim, ovulationstests, gwicht und so wiiter und so fort. und denn zeigts eim s fruchtbare fenster ah plus für jede tag sonen "fruchtbarkeitsfaktor", de gaht denn halt vo 1.0 bis 10 wenn de eisprung ungefähr sött sii. und die nächst periode zeigts eim au grad ah. bi mir häts de monet uf de tag genau gstumme.

denn chunsch jede tag es mail über (cha mer au abstelle) und artikel zum thema, plus tips wie mer d fruchtbarkeit cha erhöhe... ich bruch momentan d helfti vo dem zügs nöd, bruchs eifach zum de zyklus tracke und täg zelle etc.

• Zitieren

Ui elea das gaht ja gar nöd!!! Da hetti also au usgrüeft und die sind eu nöd entgegecho mit dene 200.-? Isch ä mega Frechheit so öpis.. unglaublich

Bi eus isches ja so gsi, dass s Chinderzimmer (Wickeltisch / Schrank / Regal) am 23.6. glieferet worde isch, bim montiere isch dene Herre ufgfalle dass de Schrank Riss drin het also halbe kaputt isch und de hends nöd montiert und im Chinderzimmer glah und mir gseit, dass sie das meldet und bestimmt öper no idere Wuche chämi das go ersetze. Letzt Wuche isch kein Mensch cho, de Termin isch hüt gsi, aber ich bin devo usgange dass sie de kaputti Schrank mitnehmet und glichziitig de neu montieret aber sie hend nur de kaputti mitgno und de Typ het mir gseit er wüssi nüd vonere neue Lieferig, sin Uftrag segi nur de defekti mitzneh. Jetzt hani det aglüte und die Frau het au kei Ahnig gah, sie gsechi nur dass de nöd a Lager isch, aber de Schrank hend mir voremene Monet komplett zahlt!!! Das ganze hin und her und dass niemert Bscheid weiss macht mi so hässig... und ich chan doch nöd 3 mal frei neh nur will die so inkompetent sind und das nöd uf 1mal herebringet

• Zitieren

Das mitem Guetschi hends eus au abote und ich han genau s glich antgwortet

Hans ebe au komisch gfunde dass sie de defekti nöd mitgno hend, aber die wo's montiert hend, hend gmeint gah es chämi sicher bald en Ersatz also löndses det.. wenigstens staht jetzt de nüme ume, immerhin. So jetzt het mär öper aglüte und gseit dass d Lieferig i ca. 3 Wuche bi ihne itrifft, er chan mir jetzt kein Liefertermin ageh will sie müend warte bis sie de Schrank im Huus hend, WENN ALLES GUET GAHT, wird's Endi Juli glieferet, mir chönd jetzt nur warte.

Han eifach müesse säge das ichs total unfähig finde und überhaupt nöd zfriede bin und niemeh det öpis wird chaufe, s isch unglaublich dass mär so chundeunfründlich isch und eifach nüd chan mache!!!

• Zitieren