huhu zäme!

lilly, sit ere wuche wüssed mer was es gid, aber mer bhalteds für eus. ganz 100%ig isch es jo eh nie "nur" mit ultraschall.

wägem schaffe: ich glaube es ged do kei regle oder so. me luegt halt eifach wies de frau goht. es gid jo fraue die chönd ganz lang beschwerdefrei schaffe, anderi merkeds scho früehner. ich muess säge, mir hängts langsam ziehmli aa, halt vor allem au de arbeitswäg... mini arbeitstäg sind denn halt sehr läng und wenn mer de no schlächt schloft dezue... fühl mi oft erschöpft. aber bald sind ferie, und nochhär lueged mers wieder neu aa. ich lohs eifach uf mich zue cho...

wow himpi, das mitem tatoo tönt jo toll! mached ihr all s gliiche? wieviel sind ihr denn? dass ihr euch einig sind!?!

• Zitieren

himbi das tönt mega cool met de chrone! vorallem d gschecht dehender und d bedütig för euch esch schön! wohe wetsch si denn lo steche?

sonne, hender de 2 vom gliche gschecht oder es mix? guet das döf me auä au nonid verrote oder? :)

• Zitieren

@elea: ich weisses nonig mal gnau. aber ich ha scho es paar tattoos und eis recht grosses ufem rugge, drum chunnt d chrone wahrschinli au det ane, demit sie nöd so "elei" staht ;-)

• Zitieren

guete morge zäme

wow, dir heit jo geschter wieder gas geh. eg be leider nid zum schribe cho, ha so vöu ztue gha. weiss noni wies hüt usgseht aber äuä au nid vöu besser.

@sonne: jöö so schön dass dir jetz wüsset was es git

@himbeer: eg be jo eigentlich nid sone tattoo fan, aber die idee mit dem gmeinsame tattoo fendi sehr schön. vor allem au der hintergrund. würklech e tolli idee!

@canoa: immerhin muesch jetz eis medi weniger neh. es goht zum glück i chline schritt vorwärts. wie gohts dir süsch so? hesch immer no so problem?

@schaffe wenn me schwanger esch: aso e arbeitskollegin vo mir het bis zum letschte tag gschaffet. ihre esch es prima gange. sie esch de vor drü wuche am samschtig zobe anes fescht gange und am sonntig am morge esch ihres meiteli uf d'welt cho. wow, wenns doch nur allne so guet und "eifach" würd go!

@name und gschlecht: aso eg wünschti mir es meiteli und mi ma e bueb. es esch öppe die glich situation wie bi der elea . und eg wüsst au scho e meitliname wo mir scho immer gfaue het und mi ma findet ne zum glück au schön.

@träffe: eg freue mi aso au sehr uf eusers träffe. be extrem gspannt uf euch aui. danke no einisch emma, fürs organisiere!

@me: mir hei jetz de gli alli agebot vo de banke für d'finanzierig vom hus igholt. jetz müesse mer eus de nur no für eini entscheide. das esch gar nid so eifach, da alli vor- und nachteil hei.

Zuletzt bearbeitet am 09.07.14 08:04

• Zitieren

Guten Morgen Miteinander

@himpi: Bin schon gespannt wie dein Tattoo aussehen wird. Du machst doch dann sicherlich ein Foto und stellst es hier rein?

@dandi: Phu, ich kann mir vorstellen, dass so Finanzierungsangebote einholen ziemlich mühsam ist. Vor allem will man da ja noch den Überblick behalten. Wir haben uns gestern auch wegen UVG/KVG/BVG mit jemandem getroffen. Müssen auch noch entscheiden, wen wir da beauftragen. Am liebsten hätten wir eine rundum-Lösung.

@Name: Wir fanden Bubennamen viel einfacher! Bei den Mädchennamen sind wir uns nicht mal einig geworden.

@Treffen: Freu mich auf SA! Nur noch 4 Tage

• Zitieren

Guete Morge zäme

Ohhh ech ha höt so de Läckmer, erstens beni no mega müed, ha mi gester fast chli öbernoh met de Husarbet...ond zwöitens de einti Studänt schaffet höt weder ond das esch eifach ned so ganz mini Wàllelängi, zom Glöck esch sine Arbetsvertrag befrestet...

Ech hät gärn zerst en Bueb ond denn es Meitli aber zom Glöck chamer jo ned usläse...=)

• Zitieren