Oh reebee und Valeria, das duet mir leid für euch. Isch mengmol scho nöd eifach.

• Zitieren

gar nöd nei... darum schribi ihm jetzt au nöd... ich denke ich gsehn ihn nöd bevor ich id Ferie gange und das heisst ich gsehnen jetzt bis endi august nöd... sobald ich us de Ferie zrugg bin schribenim mal es Mail ich wott mitem zemehokke... mal luege..

• Zitieren

Liebi Valeria

Wer wie über wer dänkt und wer unriif esch oder ned, das chan ich ned beurteile Ich han die Gschicht au ned ganz metbecho do im Forum.

Eifach allgemein:

Ich bin di jüngst vo 3 Chind, i ha zwoi älteri Brüedere (3 ond 6 Johr älter) I ha mer vo ihne au öpedie müesse säge loh, wie sie öber mi dänke (i ha zwar nie sGfühl gha, dasi ned rächt be Aber mer lehrt nie us und wird halt riifer met em erwachse werde). Im Moment beni amig rächt hässig gsi, ha aber nie Strit met ihne gha. Nacheme Zitli esch mer den meistens es Lichtli uf und sie händ ebe meistens scho recht gha ond vorallem händ sis emmer nor guet gmeint met mer.

Ich möcht der met dem ned säge, dass din Brüeder rächt het, absolut ned, will das chani jo ned beurteile. I fende nor, mer set settig Wort überdänke und ernst neh. Will din Brüeder esch sehr ehrlich zu der und seit der wie er dänkt. Ich fende das zeigt, dass ihm viel a der liit, au wenn das i euchere aktuelle Situation ned so gspürsch.

Es get so viel "besti Fründe" und au Familie, wo sich nie säged, was sie würklich dänke. Was bringt das? Wie oft han ich mer frühener vo mine Brüedere Sache säge loh, wo mich verletzt händ. Im Nachhinein händ mi aber genau die Sache witerbrocht.
Mini best Fründin und ich säged enand wenn mer öpis ned guet fende. I ha ere au scho Sache über sie gseit, wo sie vellecht mol muess überdenke, damit sie endlich chan glücklich werde. Wäge dem esch sie mer ned bös, au wenn mini Gedanke ere gägüber im erste Moment vellecht härt überecho send. Aber im Gägeteil, sie esch dankbar für settig inputs. Will wer dAuge verschlüsst und nie seit was er dänkt, sondern nur das, wo anderi gern wette ghöre, den esch kei richtige Fründ oder Brüeder.

Und was au muesch dra dänke: Die wenigste Manne mached sech gross Gedanke om dPlanig vo de Hochzit und sie druckes au ned emmer so us, wie mer Brütli das gärn hätte. I ha mi fang demit abgfonde
Euse TZ het no ned einisch gfroget wie wiit mer send oder so. Mer gspüred au ned, ob er sich för eus richtig freut, er möcht au de Polterobe vo GG ned organisiere... I nerv mi nöm. I ha jetz zwoi anderi Jungs beuftreit das zmache . Aber mer ziehnd das jetz so dore met em als TZ (i hät en zwar gern usgwächslet, aber GG ned). Eusi Trauzügin und mini Cousine wärde das alles super ohni ihn mache, denn muess de TZ nur go unterschriibe und nachher sell er eifach nüt me säge oder mötzle. Er hät jo schliesslich chönne hälfe, het er aber ned welle.... Also wehe es chonnt ade HZ en blöde Spruch vo wäge: Da Fleisch verträgi aber ned oder soo... Lappi das

• Zitieren

@valeria: ich hab gerade gesehen, dass ihr auch noch sehr jung seit (wie ich ). Ist es richtig, dass dein Bruder 22 ist (wie ich)? Ich denke das ganze HZ Thema interssiert ihn vielleicht auch noch nicht so, klar das ist keine Entschuldigung um sich so davor zu drücken, er hätte es ja ablehnen können. Aber ich meine, wenn wir irgendjemandem in meinem Alter erzählen (vor allem den Jungs) dann können die nicht wirklich viel damit anfangen. Sie sagen "schön" und das ist es dann, sie können sich nicht vorstellen jetzt zu heiraten...Meine Schwester (TZ) ist auch erst 18 und ehrlich gesagt, weiss ich nicht wie sie über das Ganze denkt, ich glaub sie freut sich aber es ist halt noch so weit weg, dass sie logischerweise auch nicht täglich fragt ob noch was zu tun ist. Was sie aber immer mal wieder sagt, dass sie sich freut mit mir ein TZ-Kleid auszuwählen.....

• Zitieren