| Bräute 2013 |
|
|
1 .. 1694 .. 3386 3387 3388 3389 3390 .. 3574 .. 3757
|
elea  am 16.07.2014
Re: Bräute 2013
ja weiss wad meinsch. es wörd sech besser lebe wenn me gar ned zvell wösst gell... :/
|
|
|
Eve777  am 16.07.2014
Re: Bräute 2013
Jo voll  . Dänke am beste versuecht me's eifach i sim eigene Läbe besser z mache und sich uf die positive Sache z fokussiere, sust drüllt me irgendwenn allwäg dure.
Phu bi so froh weni ändlich Ferie ha, ich merke richtig dasi dringend e Pause bruche. Am Wocheändi goni mit mine Schwöstere und mine Cousine as Moon and Stars, freu mi mega und schiins söll s Wätter super wärde  .
|
snet am 16.07.2014
Re: Bräute 2013
Guten Morgen Miteinander
Oh, solche Dokumentationen sind wirklich nicht schön. Ich muss aber auch gestehen, dass ich meine Kleider immer in die Kleidersammlung, etc. gebe - einfach aus Bequemlichkeit, obwohl ich weiss, dass diese Firmen die Rohstoffe weiterverkaufen.
@Eve: So schön, dass du bald Ferien hast. Bei uns dauert es noch 1.5 Monate bis wir irgendwo hin gehen. Wir gehen wahrscheinlich zuerst ins Wallis, dann ins Wellness und dann auf Italien - juhuuuu.
|
dandi78 am 16.07.2014
Re: Bräute 2013
Guete Morge zäme
Hey Eve, so guet si dini Teschts alli ir Ornig. Jetz chasch erliechteret ufatme. Das freut mi für de!
Eg be de gspannt was bi mir usechont. Lüte de morn a, evtl. si d'Ergäbnis de scho dört.
Eg ha gar nid gwüsst dass die Chleider nid as richtige Ort chöme  . Dass si sogar verchauft wärde fendi e absoluti Frächheit. Gohts dene eigentlich no? Unglaublich! Eg ha mini Chleider immer id Chleidersammlig brocht und ha immer es guets Gfühl derbi gha, so nachem Motto: so, jetz hei wieder es paar armi Lüt Chleider zum azieh. Aber jetz woni das weiss, muesi mer aso guet überlegge, obi d'Chleider nid lieber nöime andersch häne gibe. D'Frog esch nur wo?
|
snet am 16.07.2014
Re: Bräute 2013
H&M nimmt auch noch Kleider zurück. Aber anstatt, dass sie sie weiterverkaufen, recyceln sie die Materialien und verwenden sie wieder...
|
dandi78 am 16.07.2014
Re: Bräute 2013
Ah danke Snet. Das tönt doch scho vöu besser.
|
elea am 16.07.2014
Re: Bräute 2013
stemmt eve wegem moon and stars hesch verzellt! wer gönder denn go luege?
i wer jo letscht johr so gern de neil Young go luege, ha aber ke Billet me becho :(
jo da met de ferie verstohni voll! gell so die letscht zit vor de ferie hänkt so a ond me wartet nomeno druf bes me alles cha he rüehre!
dandi, wer cool wenn si der morn scho s Resultat chönte sege vom test!
gell das esch en Frechheit! set i das weiss gebis nöme det ab. velecht hender die nöchi en Heilsarmee. die schaffe vell met sozial benochteiligte zeme wosis chöne witer ge (so eschs emo bi eus do).
es blibt zwar die schwiiz, aber au do gehst lüüt wo das chöne bruche. die letschte Sache het mis mami enre flöchtlichsfamilie witer ge, die hend e 15jährigi tochter ond mis mami het gseit si het so freud gha a allem. ond wenn me weiss dass es wörkli öper GRATIS öberchont wos brucht esch super. ebe veelchtmol bide heislarmee froge ob si das chöne bruche...?
ah da vom h+m hani ned gwösst! tönt aber au guet! esch emo au e suberi Sache!!!
|
dandi78 am 16.07.2014
Re: Bräute 2013
Elea, das esch au no e guet Hiwis. Be eus hets e Heilsarmee. E chönt jo mou go froge, ob sie Chleider chönte bruche. Mir hei drum grad wieder e volle Sack deheime zum abgeh. D'Idee fendi ebe scho, dass es de öpper überchont wos au würklech cha bruche und vor allem ebe GRATIS.
Eve, Moon and Stars, so cool. Eg be leider no nie gse würd aber sehr gärn mou go. Das mues e tolli Atmosphäre si uf dem Platz. Sowieso möchti unbedingt wieder mou is Tessin. Mir si vor vier Johr s'letschte Mou gse. Hei in Ascona eusers 1-jährige gfiiret 
E freue mi so ufe Europapark. Mir göi jo am Sunntig zäme miteme Kollegepäärli und ihrere Tochter und übernachte de dört. Am Mäntig si mer de elei dört. Au schön :-). Jetz mues nume no s'Wätter mitspiele.
|
Eve777 am 16.07.2014
Re: Bräute 2013
Mir gönd am Samstig go Sunrise Avenue luege und sind aber vom Friitig Obe bis Sunntig in Locarno, denn chöne mir nochli am See öpis mache am Samstig dure Tag etc. . Ich finde d Stimmig am Moon and Stars eifach hammer, s esch irgendwie trotz viele Lüüt so ganz gmüetlich und eifach schön, freu mi ächt extrem  .
Dandi Europapark tönt au cool, ha no nie übernachtet aber mues glaub au es cools Erläbnis sii hani scho vo paarne ghört .
|
himbeer am 16.07.2014
Re: Bräute 2013
guete morge zäme!
ich bi gester am live at sunset gsi und ha de james arthur gluegt, isch au sehr schön gsi!
weg de chleider: ich verchauf sie no oft am flohmi für sehr wenig geld, es paar franke für e jeans oder so. so ha ich no öpis devo und anderi lüt chömed au günstig zu neue sache. bi de heilsarmee, caritas etc. wirds ja au verchauft. oder aber ich gibs andere kollegin.
|
|
|
1 .. 1694 .. 3386 3387 3388 3389 3390 .. 3574 .. 3757
|
Anmelden
