Hallo zäme

Sorry das ich mich ide letzte Täg nüm so gmolde han, ich schaffe aber neuerdings nur halbtags, merke langsam wie's astrengender wird und de ganzi Tag im Büro sitze gaht eifach nüme, drum muessi amigs am morge zimli Gas geh :)

Jöö elea, gahts der immernonig guet? Also du weisch ja, mis Büebli het mi au zimli lang plaget, aber sitem 4. Monet isch d SS wunderschön, also muesses nüd heisse ihihi

Ich gahn is SS-Yoga und finds super, bi mir ischs überhaupt nüd esotherischs, mir machet eigentli nur Üebige zum d Körperteil zstärke wo bide Schwangerschaft/Geburt am meiste beasprucht werdet (Rugge, Bei, Chrüz) Atemtechnike hemmer au scho gah, aber nüd wo nöd au suscht dihei chöntisch mache und Entspannigsüebige zum echli abefahre oder besser chöne ischlafe (vorallem im 3. Trimester) sind z.T. recht nützlich.. also ich gahn sehr gern und da ich suscht gar kei Sport mache isch das für mich ä gueti Alternative

• Zitieren

also ich bi gester s erste mal im yoga gsi und es hät mer sehr guet gfalle. es isch nur am rand chli esoterisch gsi, mir händ am afang müesse drümal das Ooommmmm singe, aber eigentlich hät mer das guet gfalle so als iistig. yoga isch ja ursprünglich meh als eifach nur turne, drum findi hät chli esoterik scho au e berechtigung :D

nachher isches brutal astrengend worde, läck han ich gschwitzt... de schweiss isch mer richtig vom körper tropfed, unglaublich. schnuufe isch tatsächlich sehr wichtig und macht en grossteil us... ich find aber, es tuet sehr guet sich mal ufs schnuufe so z konzentriere. am schluss namal entspanne und namal ooommmm... und denn hani richtig es guets gfühl gha. ich gang jetz drümal und überlegg mer denn, öbi wiiterhin regelmässig will gah.

vilciht isches au nur zuefall gsi mitem tee. chrüüzschmerze hani immerno, de buuch isch besser, obwohl ich nur gester ei tasse trunke ha. aber isch ja glich warum, hauptsach besser :-)

• Zitieren

huhu dandi!
oh ja bi mir isches aber nöd so schlimm gsi. und bi mir häts au erst ein tag nachem eisprung agfange, defür würkli fast vo hüt uf morn. demfall chan ich dir au de frauemanteltee empfehle :-D ich finds nur lustig dasi i de letzte 6 monet brustschmerze gha ha nachem eisprung und defür de rest nöd, und jetz tuet mer alles andere weh usser brüst. naja, öfter mal was neues

• Zitieren

elea, ja halbtags schaffe isch Gold wert... bin so froh würkli! Ich schlafe halt uu schlecht ide Nacht und jetzt chani würkli amigs am Mittag hei und meistens schlafi no 1-2 Stündli am Namittag und im Büro isches halt glich mega astrengend wenn mär de ganzi Tag muess sitze, irgendwenn weiss mär gar nüm was für ä Position izneh, s druckt und zwickt überall. Aber suscht gahts eus zum Glück guet...

Ich bin vorher is normale Yoga und scho det isch nüd mit Räucherstäbli gsi ihihi aber ja, amigs tüend mir au das OOOOMMMM summe, aber das isch öpe s einzig.. und das hani au no wele schriebe, je nach Üebig chan ä Yogastund mega astrengend si, also s isch scho Sport und nöd nur umehöckle :) im Verglich zum SS-Yoga isches eifach ä Stufe relaxter, s isch immerno astrengend aber nüme so dass mär mega is Schwitze chunt, mär mag halt au nüm würkli mite Ziit :)

Ou dandi is Pilates bini au immer so gern gange, muess denn mal luege öbi wieder i sonere Stund chönti gah...

• Zitieren

also es "biz" astrengend wär e krassi untertriibig, haha. ich bi fasch zämeklappt. es gseht so eifach us und me bewegt sich gfühlt ja gar nöd stark, aber es brucht viel körperspannig, balance und scho au chraft... also ich has sehr astrengend gfunde. und es isch au recht schwül und füecht gsi gester, vilicht hani au drum so gschwitzt.

mini arbetskollegin gaht hüt am gliche ort is schwangerschaftsyoga. bi gspannt was sie morn verzellt.

• Zitieren

bi eus gits mini-probleabos im yoga, elea. 3 mal für 75.- wo mer eifach innert 4 wuche muess ilöse. vilicht gits das bi dir au? und einzelni probelektione gits praktisch überall.

@lilly: wünsch dir ganz en guete schlussspurt!

• Zitieren