| Bräute 2013 |
|
|
1 .. 1699 .. 3396 3397 3398 3399 3400 .. 3579 .. 3757
|
dandi78  am 23.07.2014
Re: Bräute 2013
finde aso s'pilates au sehr astränged. es brucht genau wie yoga sehr viel chraft und körperspannig. zum teil chomi aso ame au rächt is schwitze. und mängisch mache mer unglaublichi körperverränkige. de muesi ame grad luege, dasi nid plötzlech e chnopf im körper ha 
|
|
|
elea am 23.07.2014
Re: Bräute 2013
himbi, i ha rasch gluegt aber das gihts leider ned. bi eus choschte 12lektione 192.-
s guete esch, es esch die Migros clubschuel ond die esch direkt nebe mim Büro...
ebe be mer eifach unsecher, wennis de doof fende muesi 12mol go :D
dandi, i be früehner mol is pilates, has au super gfonde. me macht mega wenig aber es esch abartig astrengend. me gspührt moskel wome vorher nonie gspührt het. aber det hani ufgört well mer au d Lehrerin nöm passt het. die esch de sehr esotherisch worde. be traumatisiert vo dere
|
Lilly4  am 23.07.2014
Re: Bräute 2013
oh ja, so schlöflis sind wüki gold wert  bruch das am namittag amig au ...
hmm nei imfall, also nervös bini nöd wüki, mir freuet eus eifach mega uf euses
chline würmli und nimmt eus uh wunder wienner usgseh wird, wienner so si wird
etc. etc. ... also meh vorfreud :)) jetzt müemer die ziit z zweite no bitz gnüsse /
usnütze und dänn ischer scho da 
gäll? gaht mer ebe glich, ghör viel guets über s yoga, aber weiss voll nöd wie ich
das dänn find, muess es glaubs eifach mal usprobiere :) neinei, bin nöd inere gruppe,
gahn eifach für mich go schwümme, also mit mim mami zäme :o) han das vo ihre !
mir sind genau glich gsi wie ihr imfall, händs ja zerscht nöd welle wüsse, aber t neugier
isch dänn glich z gross gsi, vorallem bi mim ma :) und euse chli häts sich aber au mega
präsentiert, händs wie scho selber usegfunde gha  und schlussentlich bini froh
wüssemers ... isch viel eifacher alles !
danke viel mal himbeer, das isch uh lieb !!!! :-*
|
Emma13 am 23.07.2014
Re: Bräute 2013
Jöö Lilly das glaubi das ihr eu jetzt mega freuet und nur no wend das eue chli endli da isch gaht eus au so... di letzte paar Mönet sind eifach nur no puri Vorfreud :)
mmh blöd elea, ich bin au zerscht ine Probelektion, die sind halt amigs scho no guet zum echli abschätze öbs überhaupt öpis isch...wenns eim nöd passt sind 12 Lektione scho no viel 
|
dandi78 am 23.07.2014
Re: Bräute 2013
lilly, eg wünsche dir alles gueti für die räschtlichi schwangerschaft. huiii, jetz gohts würklech nümme lang. so schön!
|
elea am 23.07.2014
Re: Bräute 2013
oh lilly, du schribsch so herzig :) esch mega schön wie ehr euch freued ofe chlii!! verstoh dini neugiir absolut, wetsch doch wösse wie es gmesch us der ond em maa usgseht gell :D
cool, chasch met dim mami go schwemme, z 2te eschs vell luschtiger. elei fendi das Emmer total öde :)
mer gohts momentan bez wie bide hochzitsvorbereitige, es esch mega schön wenn me gshet wie sech d lüt för eim freued (vorallem die womes ned denkt het). mer sends jez öberall vorzue am sege wege de ss. ond de eint koleg het mi sooo öberrascht. womer ehm gseit hend wege de hochzit send spröch cho vo wege, "ehr spennet doch! hürote esch wie es gfängnis" blablabla döfi Männer sprüch halt. ond de hani scho denkt, wenn mers ehm jez wege de ss sege de chöme weder so spröch. aber nei, er het soooo freud gha und glachet und Emmer weder d Ultraschall belder wele aluege und scho gseit wass er de alles metem Baby wird mache. unglaublech, ha so freud gha :)
ebe de esch mer i senn cho dasses bez esch wie wenn me de lüt verzellt dass me hürotet, det hets mi au Emmer so glöcklech gmahct wenni gseh wie wie fest sech d lüt freued :)
|
himbeer am 23.07.2014
Re: Bräute 2013
ah ja migros clubschuel isch doof, da gits würkli kei probelektione... und 12 mal gah wenns di agurkt isch au doof.
ou das tönt super bi eu lilly. ich ha chürzlich mini eltere gfröged öb sie gwüsst händ wases git, ich ha immer gmeint sie hegeds gwüsst. aber sie händ bi mir und bi minere schwöster erst bi de geburt erfahre, wases git :-D min papi hät gmeint, me chas ja eh nöd ändere und es chäm drum eh nöd drufah, ha gar nöd gwüsst dass die zwei so locker gsi sind, haha
|
himbeer am 23.07.2014
Re: Bräute 2013
ou ja elea... e kollegin vo eus hät sogar agfange brüele vor freud wo mer ihre gseit händ das mer hürated. und mini cousine isch au voll usgflippt. ich freu mi au scho uf d reaktione wenn mir mal sone nachricht chönd verbreite
|
Emma13 am 23.07.2014
Re: Bräute 2013
das isch würkli öpis schöns wenn mär sone freudigi Nachricht chan mitteile oder erfahrt, find d Reaktione au immer so herzig und zum Teil richtig unerwartet, würkli süess mit dem Kolleg elea :) Henders eigentli im Gschäft scho gseit? Wie hends reagiert?
himbeer mini Eltere hends au bi beidne nöd gwüsst, vorher isch das anschinend gar nöd so eifach gsi mitem Ultraschall und es segi jedes Mal en wunderschöne Moment gsi, aber ich muess ganz ehrlich säge ich hets glaubs nöd usghalte, obwohl mär nüd dra chan ändere aber es vereifacht halt scho di ganzi Vorbereitig 
|
elea am 23.07.2014
Re: Bräute 2013
himbeer:
ou ja elea... e kollegin vo eus hät sogar agfange brüele vor freud wo mer ihre gseit händ das mer hürated.
nei secher ned????? das esch jo hammer hey!! vorallem wenns unerwartet chont! jösses stell der vor wie er usflippt wenn ehr ehm de mol die nöchst frohi Botschaft chönet verhconde! das mönder felme :)
|
|
|
1 .. 1699 .. 3396 3397 3398 3399 3400 .. 3579 .. 3757
|
Anmelden
