ou nei d öbelkeit het weder agfange bi der? so en seich! a was cha das denn legge? send das au eifach d Hormon oder wie?
ja i neme set emne monet Magnesium, vorher eschs no schlemmer gsi, aso s Magnesium het scho gholfe, aber i be mer halt au Emmer bez onsecher wie fest dass "normal" esch :)
ja das stemmt, wend hochschwanger besch de eschs secher agnehmer so. obwohls mi donkt es esch gich no rect schwühl ergendwie. ou jo stell der vor wenns e schöne lange warme herbst geht ond ehr de scho vell use chönet metem chline
het eigentli d lilly mol öpis gschrebe? ehre Termin müsst jo jetzt mol si oder?

• Zitieren

@Emma: Genau, es wird ein Bugaboo werden Ich glaube dir, dass es langsam beschwerlich wird für dich. Bei mir ist es noch ziemlich ok, bis auf die Rückenschmerzen. Ahja, diese Schlafsäcke, Wintersäcke, etc. haben wir auch schon alle bekommen

@elea: Ui, da musstet ihr ja einiges an Wetterbedingungen mitmachen! Hattet ihr denn keine speziellen Schlafsäcke dabei? Ich wäre wahrscheinlich bei der Flussüberquerung überhaupt nicht ruhig geblieben. Da hätte ich mega Angst gehabt stecken zu bleiben!

Wir mussten das Kinderzimmer schon letzte Woche abholen, da die Vorbesitzer 1 Monat früher als geplant ausgezogen sind. Wegen dem Kinderzimmer habe ich ja etwa in der 17. Woche mal besichtigt und all die anderen Sachen, habe ich mich erst letzte Woche (22. Woche) mal angefangen auseinander zu setzen. Wir hatten jetzt einfach nur so Glück, dass wir gleich alles gefunden/bekommen haben. Der nächste Posten wird bei mir die Kinderbörse sein, am 13. September. Übrigens sind fast überall Kinderbörsen im September in der Schweiz. Und wegen der Wickelkommode schau ich jetzt rum.

• Zitieren

Kei Ahnig a was das chönt ligge dases mir wieder übel isch... aber ebe, no lang nöd so schlimm wie am Afang, wenns so blibt isches eigentli ganz erträglich, hoffe eifach wird nöd schlimmer.

Ah du nimmsch scho Magnesium elea, guet ä gwüsses zieh und zwicke isch normal, hani au... sind halt d Bänder wo sich dehnet und es ghört scho chli dezue.

D Lilly het ihres Büebli letzt Wuche übercho Termin wär ja eigentli hüt gsi... isch zum Glück alles guet gange!

S Chinderzimmer hend mir im Juni organisiert, also ca. 3 Mönet vorem Termin, de Chinderwage au öpe denn, mär muess halt mit Lieferfriste rechne und was gmacht isch, isch gmacht :)

Zuletzt bearbeitet am 11.08.14 09:44

• Zitieren

ihihi niemert seit eim wie's isch elea also ich dörf mi ja gar nöd beklage, han soooone schöni Schwangerschaft, bis uf die erste paar Mönet isches mir ja so guet gange und ich gnüsses mega. Gäg de Schluss wird's astrengender klar, aber alles ide Norm und bald isches ja sowiit

Bin au mega froh fürd Lilly :) beidne gahts tiptop.. sind wieder dihei und gnüsset ihres Glück vilicht meldet sie sich ja irgendwenn mal mit Baby-News :)

Jaja, ihr hend ja no Ziit.. ich wür eifach chli drahblibe und immer wieder Usschau halte, nöd dass denn glich unter Ziitdruck chunsch, ebe wie gseit die letzte 2 Mönet sind recht astrengend und ich han mir eifach vorgno gah dasi im letzte Monet gar nüd sottigs wett mache und bin eigentli mega froh, will jetz würi definitiv nüme möge ide Läde umenand seckle und no Züüg organisiere, isch halt glich nöd z'unterschätze :) ja.. die Chinderwäge sind mega tüür, mir hend zum Glück vieles a Chleidli übercho, aber de Rest sammlet sich halt scho... defür chan mär vieles es Zitli lang bruche..

• Zitieren

Genau, am beste isch sicher ä Beratig im Lade, d Uswahl isch ja sooo riesig und jede het ja selber no gwüssi Asprüch (liecht, chli, kompakt, etc.) eifach nöd hetze und sich guet informiere denn findt mär ganz bestimmt de richtigi Chinderwage.

Chan guet möglich si snet, sitere Wuche merki eifach dasi wieder müeh han mitem Mage... euses Böhnli stramplet ja au wie wild und böxlet mir mite Füessli in Mage, also guet möglich

• Zitieren

hallo zäme! mäld mi au wieder mol!

wow elea, das tönt jo noch traumferie, ussert dere gschicht mitem Baby. zum glück isch alles ok, läck ich cha mer vorstelle dass das de Horror isch wenn so öppis erläbsch...

snet, du hast ja einen richtigen "flow" gerade! so cool, da geht ja ordentlich was! das mit dem geschenkten wagen ist ja super! wir haben unseren ja auch indirekt geschenkt bekommen - meine schwimu hatte uns 1000 franken zu Ostern geschenkt und gemeint, wir sollten uns damit was besonderes leisten, und das war dann genau der betrag für den occasions-Kinderwagen, den wir gekauft haben!

oh Emma, d lilly isch mami worde! schön gohts ihne guet! be gspannt wenn sie sich mäldet! irgendwie goht ziit so schnell verbii - wie letscht johr wo all uf ihres hochziit gwartet hend - zerscht dänksch es goht ned vorwärts, es goht no so lang, und schwups, isch de grossi tag do.
evt. chunnt d Übelkeit au devo, dass de mage eifach viel zwenig platz hed. ich könne das au, zwüschedüre hani au wieder übelkeitsaafäll und au mit de magesüüri hani Problem, obwohl ich jo medis nimme. die organ wärded halt scho krass zämedrückt dass die chliine Zwerge gnueg platz hend, dass das näbewirkige hed isch jo irgendwie logisch, aber scho unaagnähm

mir gohts sowiit guet, ich bi sit 2 wuche 100% chrank gschriebe. de Arzt hed bim undersuech gmeint, es seig ziit zum schone. bi denn letscht wuche e halbe tag im gschäft gsii alles goh übergäh, mine maa hed mi denn sogar abgholt dassi de lang arbeitswäg mit ÖV ned muess mache, und ich bi eifach nur kaputt gsii. es würd ächt nümm goh, ich muess duurend aneligge und mag überhaupt nümme. schlofe isch au keis erfreulichs Thema meh, aber jetzt channi jo de ganz tag pfüüsele wenni müed wirde, das hilft sehr! be halt mit zweine im buuch was de buuchumfang und beschwärde aabeläangt scho rächt voruus. no 5 Woche durehalte wär super, denn wär wuche 36 erreicht und alles sowiit prima. grundsätzlich sind mer au parat, muess no mit de kk abkläre wäge de hushaltshilf und en Hebamme für de heime hani noni gfunde, will de ferieziit isch, aber das chunnt au no.

• Zitieren