| Bräute 2013 |
|
|
1 .. 172 .. 342 343 344 345 346 .. 2052 .. 3757
|
saerli  am 04.07.2012
Re: Bräute 2013
Pro Person? Inkl. Personal? Hmm ich finds chli viel 
Aber wer weiss, wenn mer dRächnig ide Finger händ und alles uf ein Person usrächned, chömed mer sicher um di 150.- bis 170.- pro Person. Das findi scho gnueg. Endi Oktober chanis den säge 
Min Brüeder het en 5-Gänger gha und de Pauschalpriis pro Person inkl. ALLES esch 120.- gsi. Und das vome sehr exklusive Restaurant als Catering. Das esch rächt "günstig" gsi für das wos botte händ. Aber 205.- esch scho viel. Gets de wenigstens öpis feins zässe?  
|
|
|
Valeria01  am 04.07.2012
Re: Bräute 2013
Schoo??
Also mir hend billiger nüüt gfunde... Smenü allei hett scho immer 120 CHF kostet und denn musch mal d'Getränk rechne... das unterschätzt mer immer... und das wo mier hend isch e Pauschale also vo dem her erlebed mer kei bösi Überraschige.. hett din Brüeder all Getränk inkl. gha?
Kopier eu mal eusi offerte ine:
• Menükarten
• Namenskärtchen
• Kerzenleuchter
• Weisse Stuhlhussen
• Tanzfläche
• Aperitif (1 Willkommensgetränk/Gast, Chips und Nüssli)
• 4-Gang Menü
• unlimitierte Getränkepauschale (Hauswein, Bier, Softgetränke, Mineralwasser, Kaffee & Tee)
• Hochzeitstorte sowie Früchte und Käsebüffet
Gerne reservieren wir für Ihr Kleinen einen zusätzlichen Raum als Spielmöglichkeit. Sollten Sie eine
Kinderbetreuung wünschen, geben Sie uns gerne Bescheid.
Selbstverständlich bieten wir auch ein separates Kindermenü oder Büffet an.
2Gänger inkl. Getränke für 30 CHF
Geschenk des Hauses
Gerne laden wir das Brautpaar ein, die Hochzeitsnacht in einer unserer Juniorsuiten zu verbringen, um
einen perfekten Abschluss Ihrer Hochzeit geniessen zu können und am nächsten Morgen mit einem
Champagnerfrühstück den perfekten Start in den Tag zu haben.
Zuletzt bearbeitet am 04.07.12 09:21
|
saerli am 04.07.2012
Re: Bräute 2013
Achsoo, er händ ja no Menükarten, Namenskärtchen usw. dinne. Mer händ nat. kei Deko debi, das mached mer sälber.
Denn esch klar, dass es höcher usfallt bi euch :) Und er chöned jo au no det schlofe. Das esch bi dem Priis au agmässe findi. So cha mer nüt säge.
Mer chöned gar ned det schlofe wo mer he gönd, well das nor en Lokalität esch zum miete. Mer fülled denn es Taxi und gönd hei go pfuuse :)
|
Mona83 am 04.07.2012
Re: Bräute 2013
Hallo zämä
Wow zerst hani au dänkt 205 isch chli viel aber isch ja scho chli alles dinä. mir wüssed leider nöd rächt was uf üs zuächunt, will mer s menue no nöd usgsuächt händ. aber alles wo mer so agluägät händ dänki und hoffi scho das mer ca. 120-150 stutz pro person händ. s hoetel bütet üs au d suite ah, findi no cool.
bi üs gits dän eifach no verlängerig, beamer etc. wo alles däzuächunt. aber di genauä prisä hani alles übercho, muäs äs nur mal no usrächnä. aber da hani ja no ziit.
dänkä d menuekartä und deko machi au sälber. bin zwar nöd so diä bastlerin aber da ich idä grafik schaffä laht sich sicher mal d menuechartä ufem pc gstaltä. :-)
und für d deku hani ja no äs mami und ä kreativi trauzügin. hihi
|
nini am 04.07.2012
Re: Bräute 2013
Hallo ihr süssen!
Mich gits au no! Hans momentan nur chli sträng bi dä Arbät und bin na am Endspurt am Flittis plane...i zwei Wuche simmer scho zSan Francisco...wahnsinnig! Glaubes chum!
@Valeria, ich findes guet das du dim Brüeder äs Mail gschribä häsch! Ich hoffe, das sich das alles chli chan setzä und ihr Ändi Summer chönd zämä redä und alles klärä!!
@reebee, tuet mer leid wäg dinere TZ!! Das verstahn ich gar nid! Ich hoffe, es klärt sich au alles bi üch!!
@me, han gester mini TZ troffe zum käfälä. Bis etz händ mir nonig gross über sHochzig gredet. Etz händ mir abgmacht, das mir mal nach üsne Feriä zämäsitzed und alles besprächäd. Zudem hät si gfärägt, ob mir scho Musig für am Abig händ (will üs a Band ztür cho wär händ mir ja en Bekannte vo üs agfrägät, ob er wür DJ spile und er het sich gfroit und zuegseit). Sie kännt öper wo inere Band spielt wo oft a Hochzige ufträtet und diä wäred au rächt günstig. Etz weiss ich au nid...am Bekannte willi nid unbedingt absägä, aber e Band wäri halt au cool. Min GG hät gmeint, vilicht chönt mä das kombiniere...was meined ihr?
|
Valeria01 am 04.07.2012
Re: Bräute 2013
Hoi Nini
danke für dini Wort... han gester au mit minere TZ chli chöne rede... momentan isch sie mitem Kopf bim Kind und gester hani erfahre dass sie 2 Wuche vor mir hüüratet  aber ich bin überzooge sie findet scho d'Ziit zum mit mier alles plane sie isch keis Organisationsgenie aber sie chan das scho 
Wege band und Kolleg
ich denke das laht sich sicher kombiniere... chashc ja mal luege wie tüür dases eu chumt und denn mal luege
|
Lula am 04.07.2012
Re: Bräute 2013
@valeria: Cooli Sache mit am Gospelchor u dr Offerte vom Resti! Isch de das mit am Hochzyt vo Dire TZ e spontan Entscheid wäg am Kind? Hoffe ihr findet e gueti Lösig.
@Butterfly88: Härzlech Willkomme!! Aber Achtung, sForum macht süchtig... 
@zibesa: Hesch mau bi dr Post nachegfragt? Isch doch abartig! Aber hei, i Gratuliere Dir zu Dim tolle Ergebnis!!
@ma84ma: Was hesch de Du für Tierli? Es git im fau ou eine ir Region Bern-Fribourg, gugg mau hie... http://www.heiraten.ch/forum/board/personenkreise/brauttreff/brauttreff-fribourg-bern-17_80_1.html#8
@bergeri: Was het Dis Tel mit am Resti ergäh?
@nini: Schön mau wieder vo Dir zläsä. Chasch ja Band zum Apero, u dr DJ am Obe... De hesch beides, u wirsch aune grächt.
@all: Merci viu mau für abzstimme, Dir sit super!!
|
Valeria01 am 04.07.2012
Re: Bräute 2013
@ Lula
mini TZ ishc "ungewollt" schwanger worde und bechumt die oder neggst Wuche s'Chind über...
sie hett standesamtlich scho ghüürate und mier denn gseit sie hüüratet aber denn negst summer also das hani shco imme gwüsst :)
@bergeri ja genau hesch no nüüt ghört?
|
nini am 04.07.2012
Re: Bräute 2013
@valeria, ich dänkä mini TZ isch au nid so güebt im organisiere vomä Hochzig, aber ich findä wänn öper mit Herz und Seel däbii isch und sich müeh git dänn chunt das so oder so guet!! Ja ich dänkä mir müend mal luege wiä vill diä Band dänn würkli choschtet und mini TZ und ich gönd sie dänn vermuetlich au mal go lose..bin ja gspanne! ;-)
@Lula, ja das wär natürli au na ä Idee...muen mer das mal na dur dä Chopf gah lah...
Das mit em Abstimme hani glaub verpasse....um was gahts...wür mini Stimm süscht au na gärn abgäh! ;-)
@bergeri, und weisch scho meh?
|
|
Daninici10 nicht registriert am 04.07.2012
Re: Bräute 2013
Hallo liebi 2013 Brütlis
I ghör jetzt definitiv au zu eu. Mir werded im Früehlig hürate.
I hoff i chum no dezue do alles nozlese - ihr sind ja mega flissig
nini: i find au das da chasch kombiniere oder abwechsle. die müend ja au mal pause mache.
mir händ en saxophonist mit sängerin und dj agfrogt. chum die wuche no bscheid über obs klappt.
|
|
|
1 .. 172 .. 342 343 344 345 346 .. 2052 .. 3757
|
Anmelden
