Gester hämmer no de erst chirchlich Hochzyytstag gha (mi Maa wot dä fiire ned de zivil), denn simmer mega fein go brunche am morge und nachhär uf Basel und händ dete binere Brugg s Liebesschloss agmacht und d Schlüssel i Rhy gschmisse. Nachhär het s Wätter kehrt und s esch sooo gruusig worde, denn simmer hei und mit em Labtop is Bett gläge und händ alli eusi Hochzyytsvideos agluegt, ach esch das schön gsi ha gflennt wie e Schlosshund hihi .

Zuletzt bearbeitet am 22.09.14 15:36

• Zitieren

snet, schad chasch so ke kontakt me zo dine gschwöschterti ha...
wohne si denn no bim vater demfall?

eve, no alles gueti zom erste hochzitstag nochträglech! mer hend jo s chirchliche beid am 21. 9 ;) mi maa und i hend eifach gseit mer fiire s zivile. drom hemmer gester nüt grosses gmacht, aber en hochzitsvideo schwelge esch mega schön! chönt scho hühle weni nome dra denke :)

du, loh di vo dem plötzliche wunsch ned lo verunsichere... weisch es cha au si, dass das bez hormonell bedingt esch. me esch jo je nach Zyklus mengisch bez empfindlicher (generell) as a andere täg. ond velecht hesch jez eifach grad bez en emotionali Phase. aber au wenn de wunsch jez so starch blibt. probier öpis positivs drus z mache! prbier de starch wunsch bez i vorfreud "umzwandle". weisch wini meine? denke s wechtigste esch, dass positiv blibsch und di vo dem wunsch ned losch lo abezieh!
i verstoh dini sorge voll, dor das dass mer bi eus im Umfeld einigi kennet wo müeh hend es chend zbecho, hani mi vell zfest met dem befasst und denn lang au denkt "was esch wenn mer die Problem au werdet ha?"... und schloss entli send die ängst jo denn unbegründet gsi. mengisch macht me sech eifach bez zvell sorge umd zuekunft! musch luege, das chunt secher alles guet!

• Zitieren

guete morge zeme

hihi, valey besch denn au is chleid ine gschlüft? ;)

• Zitieren

Hallo zäme

Eve, eg cha di guet verstoh. Wenn me gärn möcht schwanger wärde unds de nid grad klappet, macht me sich eifach söttigi Gedanke. Erscht rächt, wenn de no um eim ume alli schwanger si oder wärde. Mir gohts jo genau glich. Mir "probiere" jetz scho fasch es Johr und es het noni igschlage. E froge mi mängisch au, obs äch überhaupt mou klappet. Mängisch machts mer weniger us und mängisch hani scho ziemlich Müeh. Letscht Sunntig z.B. hätti nume no chönne hüle. Eg ha so stark PMS gha wie scho lang nümme und das het de no der Rescht derzue ge. Es het mi alles agschisse und ha mir ächt afo Sorge mache, ob eg überhaupt cha schwanger wärde. Mittlerwile gohts mer wieder vöu besser und eg freue mi uf die nöchschti Chance wo mer hei. E dänke es esch wichtig, dass me sich nid zfescht druf verstift. Obwohl das eifacher gseit als gmacht esch. Probiers eifach locker zgseh und nimms wies chunt. (Glingt mir au nid immer, aber eg gibe mer Müeh ...). Eifach nid ufgeh und witerhin "probiere".

• Zitieren

eve
has erst jetzt gseh was du gschribe gha hesch betreffend babywunsch...
ich find au ebe ich denke wenn me sich meh und meh uf das fixiert und sich selber chli druck gmacht klappeds ned eso eifach und de chas eim no veel truriger mache..
wie elea gseit hed... gnüss die ziit med dim schatz und gnüsseds jedes mal wenn ehr probiered und suscht zit zeme :) s Baby weiss ganz genau wenn dass es mues cho :))

ich druck dir und de dandi ganz fescht dume dass es gli klapped...


:)


eleaa
hihi hesches noni greinigt :) egalll...

• Zitieren

drucke eu au ganz fescht t dume das es gli mal ischlah wird ... wichtig isch das mer sich selber kein druck macht, will suscht gahts no länger (han ich uf jedefall s gfühl) weiss ja nöd wie offe ihr diesbezüglich sind, aber ich han halt immer im hinterchopf gha dasi mit dä ärztin luege wird falls es nöd klappe sött. sie hät mer au gseit söll nöd länger als 3 mönet warte (ok, bi mier wärs weg dä hormon gsi) isch viellicht öpis anders, aber find wenn dä wunsch soo gross isch, dänn muess mer wie au kei ziit verlüre, wil amigs chans au en grund ha warums nöd grad ischlaht und dänn wär schad hät mers scho vorher chöne behebe ... uf jedefall gnüsse und nöd z viel gedanke mache das klappet ganz bestimmt no

elea: han mis chleid au nonig reinige lah haha ...

wünsch allne en schöne tag, gahn jetzt bitz id läde go schneugge chch

• Zitieren