Haha Elea, aber ich bin ja auch fast 2 Monate weiter als du Ihr redet ja schon von Wandfarbe und wir haben noch nicht mal ein Kinderzimmer

Ich habe dafür meiner Kollegin Druck gemacht und kann die Babybadewanne und das Abpumpgerät diese Woche noch abholen (hoffentlich!)

• Zitieren

jo mer hend au erst babyzüg set em samschtig. vorher hani nor mützli gha

hihi, wenn ehr ned müsstet zöögle wer euches chenderzemmer auä au scho fast fertig oder ;)

du hesch mol gseit es fehle no so pflegesache. hesch det jetzt scho bez meh?

valey, het de s baby-Sache poste-fieber scho packt? ;) sprech besch shco bez züg (em Internet) am aluege oder no gar nonid...?

Zuletzt bearbeitet am 23.09.14 14:20

• Zitieren

ah ja natürlich, d Sophie hani au

jo das hani au erst neulech ghört, dass me am afang gar nonid die füechttücher brucht sonder eifach die gross wätteli met wasser. jä me lehrt Emmer no dezue :)

• Zitieren

Hallo Zäme

Danke vilmol für euchi Aregige wägem schwanger wärde. Ich verstoh mi ehrlichgseit sälber ned eso richtig, will det woni vor es paar Mönet mol gmeint ha ich sigi ev. schwanger hani total Schiss übercho defor. Aber mittlerwiile het das voll kehrt und ich wünschti mir wörkli es Baby mit mim Maa.

Langsam fange au diversi Lüüt a froge und das närvt mi eifach mega. S Umfäld weiss es dass mir quasi "dra sind" und die froge au ned, aber offebar händ Lüüt wo mir ächt ned nöchstöhnd s Gfühl sie müend froge wenns denn ändli es Chind geht bi eus, weiss amigs ned rächt wasi druf söll säge. Bis jetzt wimmle mir die eifach ab und säge amigs jojo das geht's denn scho mol, aber irgendwie triffts mi eifach teilwyys denn mega. Dezue chunt dass mi mi Körper total verars*** momentan, jede Monet bechum ich mini Periode 1 Tag spöter, das heisst jedes mol hani s Gfühl ou schön s het glaub klappt und denn 1 Tag spöter leider nein. Au jetzt wieder, hät eigentli spötistens gester sölle mini Täg übercho, nüt gha, und hüt voilà rote Welle ahoi.

Ich ha nie welle verchrampft oder gstresst a das Thema ane aber irgendwie passierts eifach wenn me so gärn öpis hät, ich weiss ächt ned wie me das cha abstelle. Ich fühl mi irgendwie wie e Versager, s esch ganz es schrägs Gfühl. Mi Maa het gester gfunde weisch was, jetzt mache mirs eifach jede Tag .

Dandi ich hoffe mega dass es bi euch bald ischloht oder dir di FA ev. no e Tipp cha gä bi de Kontrolle im Dezämber.

• Zitieren

So Bemerkige könni au. Das esch ganz normal nachdem dass me ghürote het. Do müesst der eifach drüber stoh. Mir wimmle die Lüt au immer ab und säge jooo, mou luege. Goht die jo eigentlich gar nüt a. Das dörf euch nid witer stresse oder verunsichere. Das mache mängi Lüt eifach. Die dänke sech nüt derbi und meines au nid bös.

Eve, mir gohts mit mine Täg im Fau au chli so. Ha si die letschte paar Mönet au oft e Tag spöter übercho als normal und jedesmou hani mi insgeheim scho gfreut. Eg ha au oft s'Gfühl dasi Azeiche vonere Schwangerschaft ha. Das esch glaubs eifach, wöui mers so fescht wünsche. E weiss au nid wieni das cha abstöue. Eg säge mir eifach immer wieder, das alles ir Ornig esch und dass es be eus haut eifach chli länger goht als bi anderne. Vöu meh chani nid mache. Der Vorschlag vo dim Ma fendi übrigens no witzig, so vo wäge jede Tag... aber das wär jo mega der Stress

• Zitieren

Ach irgendwie beruhigts mi dass es andere au no so goht, aso natürli würdis euch andersch wünsche aber fühl mi so chli normaler .

Ich weiss scho dass es niemert vo dene Lüüt bös meint mit so Bemerkige, und lang hets mi au ächt voll chalt gloh, aber irgendwie beni dä Monet mega emotional, weiss au ned s nimmt mi eifach alles mega mit. Bi im Momänt eifach voll nöch am Wasser baut, letschthin hani e Serie gluegt und det esch eine gstorbe und ich ha voll abgflennt, das passiert mir sust eigentli fast nie nur wäge emene Film, s esch eifach chli asträngend momentan mit mir sälber. Ich weiss ich söts eifach easy nä und gar nüm drüber nochedänke und denn chunts denn vo ganz ellei, aber ebe s esch jo bi allem eso, wenn me nüm söt dra dänke macht me's erst rächt.

Haha jo aso ich glaube mi Maa hets ärnstgmeint mit dem Vorschlag wahrschindli chani denn eifach nach enere Wuche oder so nüm grad laufe haha .

Ou novia_mayo das esch jo mega doof wennd dini Täg nonie becho hesch bis jetzt, do wördi ächt au mol go abkläre wie's d Lilly gschriebe het.

• Zitieren