Guete morge zäme

Himbeer, schön wieder mou öppis vo dir zghöre. NY esch sicher der Hammer gse! Ha ame Föteli im FB gse und es het immer toll usgseh . Hi hi, jetz ghörsch au zum Club vo dene wo am üebe si. Wünsche vöu Glück und drücke der Dume!

Snet, die Wohnig tönt uf jede Fau interessant. Evtl. chöntsch jo es Chatzeleiterli montiere? E kenne öpper wo das au gmacht het (ok, esch nur im 1. Stock). Am Afang hei d'Chatze gar ke Freud gha aber mittlerwile eschs überhaupt keis Problem me.

Mir si geschter in Basel gse go Wunderheiler vom Dr. Eckart von Hirschhausen luege. Das esch sooo witzig und amüsant gse. Chani aso nur empfehle! S'Tolle dra esch, dasi die Tickets bim Ticketcorner gwunne ha. So cool!

• Zitieren

guete morge!

oh valey, dir no herzliche glückwunsch

NY isch de absoluti oberhammer gsi. mir händ ja bi eusne fründe chöne wohne zmitzt in manhattan und händ meeega viel gmacht... super gässe, mega viel gloffe, alles gseh... und praktisch nüt gshoppt will mer eifach kei ziit gha händ aber mir gönd im april namal füre wuche und denn chani das au alles no nahole. irgendwie isch mer de rest wichtiger gsi als shopping.

die nächste ferie werded 3 wuche philippine, freu mi extrem! muess aber no einiges abschlüsse vor de ferie, das git no en stress. und momentan isch au privat so viel los. min maa isch im wk aber ich ha jede abig öpis vor... unglaublich.

ich weiss gar nöd, öbi das verzellt ha, aber ich ha ja es paar probelektione im yoga gmacht und jetz no en grundkurs aghänkt. de isch das weekend au no, die letzte 5 lektione. nach de ferie machi denn wahrschinli es 10ner-abo.

und ja, es isch echli es hin und her gsi die letzte mönet... ich bi nöd sicher gsi wägem starte wäg de ferie und so wiiter, aber wie immer hät mer sich ja zviel gedanke gmacht. das hani denn au festgstellt. jetz händ mer sogar no NY im april bueched und italien nächst juli, da lueged mer denn eifach vorzue wie sich das entwickled. ich finds au interessant eve... de chinderwunsch chunnt würkli irgendwie vo hüt uf morn. und sobald mal denksch "mir chönnteds ja mal drufacho lah" verchrampfsch di schowieder und bisch enttüscht, wenns nöd bim erste mal grad klapped hät. debi isches ein monet vorher no keis thema gsi. ich bi zerst au voller enthusiasmus da ane gange und jetz macht min zyklus genau sones chaos (bi am tag 60 hüt ) aber eigentlich findis no guet, es hät mi jetz chli abebremst und ich nimms jetz halt würkli eifach wies chunnt. es passiert denn scho no gnueg früeh :D

• Zitieren

@Valey: Ich werde dann fleissig berichten. Wohnungen in der Stadt zu finden, die Katzengeeignet sind, ist halt echt schwierig.

@dandi: An so ein Katzentreppchen habe ich auch schon gedacht. Ich muss jetzt mal schauen wie weit oben es ist. Es hat 2 Balkone und der eine scheint an einem Hang zu liegen, ist somit ein wenig näher am Boden. Bis jetzt haben wir unsere Katzen vom 1. Stock einfach durch das Treppenhaus raus- und wieder reingelassen, aber ich weiss halt nicht, wie entspannt das andere Mieter sehen würden.

Klingt nach einem tollen Abend bei dir! Toll, dass du die Tickets gewonnen hast.

@himpi: Wow, bei dir sind wieder so viele Ferien angesagt. Das hört sich einfach toll an! Naja, um ehrlich zu sein, denkt man in der heissen Phase halt schon immer ein wenig daran, dass es jetzt einschlagen könnte... Ich glaube das kann man einfach nicht abstellen. Ich drücke dir auf alle Fälle die Daumen!

• Zitieren

Hach Ferie... eg würd au gärn wieder id Ferie go. Ha zwar erscht chürzlich e Wuche gha aber trotzdem . Mir hei im Moment keini Ferie me planet. Aso mi Ma goht im Oktober für 10 Tag nach Las Vegas aber zäme hei mer nüt planet, da mir jo jetz de mitem Husbau aföi. Uf das freui mi mega! Trotzdem esch es chli deprimierend wenn me keni Ferie in Ussicht het. Mou luege, evtl. göi mer de glich spontan nöime häne, je nachdem wies mitem Hus vorwärts goht.

• Zitieren

Valey, jo er goht mit zwöi Kollege. Das macht er jetz scho zum dritte Mou sit mer zäme si. Finde das no witzig, die söue das nur mache. Eg be ebe nid so begeischteret vo Las Vegas wie er. Und eg findes ame au no schön wieder mou es paar Täg elei zsi. Und s'Beschte dra esch d'Sehnsucht ufenand und de s'Wiedersehe

• Zitieren

ich bi im moment viel elei, min maa isch für 4 wuche im wk und nur samstig mittag bis sunntig abig dihei. aber es gaht nur no 2 wuche und denn händ mer aschlüssend ja eusi lange ferie mitenand, denn isches nöd so schlimm. und ich ha voll de stress im moment und ha eh kei ziit zum mich langwiile ;-)

übrigens händ mer eus entschiede, euse huusbau nochli z verschiebe, demit mer nochli meh chönd spare und nöd sonen stress händ... mir sind also au uf de suechi nachere neue wohnig. übernächst wuche chönd mer aber no eini go aluege. staht zwar erst de rohbau, aber es gseht no guet us. eigentlich wotti zwar nonig grad us de stadt usezügle... aber eusi wohnig isch jetz eifach nöd familietauglich und früehner oder später müessted mer eh zügle. es wär au erst für de nächst früehlig, wer weiss was da i de zwüscheziit no alles passiert :D

• Zitieren