wow, das klingt aber auch super!
hmm wir sind wegen den katzen eben auch auf eine wohnung im EG angewiesen... aber eben, bei uns ist die mietdauer dann eh beschränkt, ich hoffe dass wir in spätestens 5 jahren dann sowieso im eigenen haus wohnen

• Zitieren

Jo das kenni mir händ jo au Chatze und ich wörds nie übers Härz bringe die mol müesse isperre nachdem sie's jetzt kenne wie's dusse esch, ich glaube die wörde Amok laufe.

Aso ich drück dir wiiterhin fest d Dume dass es öpis guets drunter het bi dene Besichtigunge !

Haha jö mi Maa esch härzig, er het sich e neue Töff kauft und ich ha ehm schnäll alles gmacht wäge de Versicherig etc. und er so "du weisch scho dass du jetzt ganz lang öpis guet hesch bi mir. Chani di ned eifach nomol hürote" . Aso mues säge de teilwyys Stress bim vorbereite müessti jetzt nüm unbedingt ha aber ich hät no 1000 Idee für Hochzyytsfest und luege immer no mega gärn Brutchleider etc. ah, das bliebt glaub immer .

• Zitieren

Guete Morge Zäme

Yea Himbi so cool ou das esch jo mega toll, ich wörd au gärn wieder mol anere Hochzyyt debii si, aber bi eus gsehts grad ned so us als wörde sich nächstens 2 traue.

Ich ha im Momänt s Projekt Hollywood Mottoparty am laufe (fiktivi oder ächti berüehmti Persone) und das findi au mega cool, mini Fründin und ich chöme super vorwärts mit plane und ticke glich was Organisatorisches agoht so machts mega Spass . Am Wucheändi luege mir jetzt dass mir Dekosache chöne bstelle, mis Kostüm weisi jetzt mittlerwiile. Ich ha vor als Max vo Two Broke Girls z go, ha mir sone Chällnerinneuniform bstellt und hoffe jetzt eifach sie goht mir, ha sie nonig übercho. Aber ha dänkt wenns nur chlineri Sache sind chöntis ev. au sälber nochli apasse. Eigentli hätti jo gärn welle als Katniss vo de Hunger Games go aber ha es fixes Kostüm im Chopf gha woni gärn gha hät und das cha me leider ned zahle, und zum sälber mache beni ächt zu unbegabt fürcht ich.

• Zitieren

Haha Dandi das mit de Siite vo Fotografe machi amigs au, finde eifach das esch so öpis schöns zum aluege, au d Brutchleidersuechi uf Sixx etc. luegi mega gärn, denn wördi amigs am liebste eifach ines Brutmodegschäft und mol chli Chleider dureprobiere hihi .

Jo ich ha eigentli früener amigs au gfunde so Mottopartys naja, aber denn beni mol anere Hippieparty gsi und das esch sooo cool gsi, wenn sich ebe alli in Schale schmeisse eschs eifach ächt lässig und d Stimmig esch mega toll gsi. Mir händ gfunde bi Hollywood hesch eifach viel Möglichkeite, chasch äntwäder eifach es schöns langs Chleid alegge als Frau und dir irgendwie no e Stola ume Hals rüehre oder eso wennd di ned wörkli wetsch "verchleide" oder chasch ebe wörkli e Person oder e fiktive Filmcharakter nochemache, oder wenn eim alles aschisst esch me halt eifach de Paparazzi wo d Promis de ganz Obe föttelet. Ich bi gspannt wie das usechunt und was sich d Lüüt so ifalle lönd . Mi Papi het jo gfunde aso er verchleidi sich sicher ned, aber mol luege öb er do ev. glich no sini Meinig änderet, wenn me denn de einzig "ungstylt" esch fallts denn jo au uf.

Gäll hei die Zyyt lauft wie gstört, s esch mir amigs richtig unheimlich¨!

Zuletzt bearbeitet am 26.09.14 08:21

• Zitieren

hei so cool wäge de Wohnig Snet, ich drücke euch d Dume dass es öpis esch und dir sie au wördet übercho !

Ou do hätti au Müeh zum TZ sii, finde zwar immer eigentli gohts die rundume jo nüt ah, aber ha scho bi paar Beziehige dänkt ich hät velecht glich öpis sölle säge. Hmm schwierig....

Haha hmmm du ich weiss es nonig, aso ich tue mir sicher mol e Pushup BH zue und mache denn Locke id Hoor und ebe s Make-Up cha me au guet nochemache findi, das wird scho passe. Zur Not stopfi mi BH mit irgendöpis us . Mia Wallace esch au e coole Charakter zum darstelle .

Hui nei aso das find ich ned wehliidig, mich dunkts du bisch sust eher öper wo lang ned hei goht au wenns ned so rosig lauft (aso vo dem wo'd sust ame so gschriebe hesch), aso wenns dir so ned guet esch bringts doch nüt Zyyt abzhocke im Gschäft und di durequäle.

• Zitieren

Hmm 2. Stock chönt scho eher höch sii, dänke muesch au mol aluege, vorallem au froge öb'd überhaupt e chatzeleitere döfsch abringe (döf me nämli au ned überall).

Jo das verstohni voll, so überstürzti Sache sind au ned so mis Ding, aber dänke do sie jo eh scho schwanger esch chasch do sowieso nüm viel säge....

Genau das hani au dänkt wägem Fake Cupcake, stimmt d Ikea het das jo gueti Idee . Ich hät ebe zerst gärn welle das Kostüm chaufe / mache vo Hunger Games aber do fehle mir ächt d Idee wie ich das sälber so ähnlich chönt anebringe. Hät es Chleid gseh bi Bonprix woni theoretisch als Grundlag chönt nä und denn eifach s Oberteili müessti apasse aber ebe wüsst ned wie, s gseht fast chli us wie e Corsage. Drum hani jetzt mol s Max Kostüm bstellt und wenn mir das goht denn hani sicher scho mol öpis wo uf jede Fall möglich wär. Aso wenn öper e gueti Idee hätti no so gärn .

• Zitieren