Wir sind bei uns 2 Parteien und noch die Vermieter. Die Vermieterin will bei uns auch immer ewig plaudern und uns immer die Schuld für alles geben. Schimmel habe sich aufgrund zu wenig lüften unsererseits gebildet (nicht etwa wie später herausgestellt, durch einen Wasserrohrbruch?!). Naja, es ist Zeit mal etwas Neues zu finden.

2016 ist ja auch nicht mehr all zu weit weg. Wir hocken hier ja auch noch im Forum, obwohl wir sogar schon letztes Jahr alle geheiratet haben

• Zitieren

ja, also s wird sich zeige obs dänn würkli 2016 isch oder doch erscht 2017. hanget chli vo vielne faktore ab... :) da mir beidi relativ e grossi familie händ, aber uf kein fall kirchlich hürate wännd, wird das no e organisatorischi meisterleischtig ;) also vermuetli gitts e freii zeremonie mit grillfäscht (näbed dä ziviltrauig) aber ebe, das staht alles mal no ide sterne...
ich bin eifach en neugierige mensch und wo mir eus verlobt händ, hani mi so gfreut, dassi grad mal chli go stöbere bi :) aber ebe, min schatz wött früehstens endi mai 2015 ahfange mit sich gedanke mache.. und die ziit gib ich ihm au. ich han ihm vo ahfang ah gseit, ich heg kein stress und er zum glück au nöd!

• Zitieren

haha ja snet, mir sind irgendwie all chli da verhocked, das stimmt... mir händ au e freii trauuig gha jea, zwar ohni grillfest aber mit flying dinner, au sehr unkompliziert. ui ich organisier mega gern, ich glaub ich chönnt glaub nüm so lang warte und glichzitig scho go stöbere, hihi. zum glück chani jetz grad mit de hochzit vo minere schwö chli wiitermache, susch würd mer wahrschinli öppis fehle

• Zitieren

mir händ trauig im innehof vomene restaurant in züri gmacht, also open air. als redner händ mer grad euse trauzüge chöne verpflichte, er häts echt super gmacht. ich ha eifach im vorfeld chli überleit wie mers wänd ufbaue und ha mer de ablauf überleit und die einzelne element wo mer drin händ welle. das hät super funktioniert und mir händ au sehr viel guets feedback dezue übercho.

• Zitieren

mir händ im vorfeld au es paar redner recherchiert, aber irgendwie isch mer keine vo dene sympathisch gsi. usserdem sinds au nöd günstig... wenn natürli grad öpper häsch wo der chöntsch vorstelle isch das super.

• Zitieren

ihr händ ja gnueg ziit, das isch ja super :-)

jetz hät mer grad no d verwaltig aglüte vo dere wohnig hüt abig... sie händ schinbar bald namal zwei neui hüüser wos baued wo au vo de lag her no besser wäred. falls das hüt doch nüt sött sii würd sie eus au bi dene grad uf d warteliste setze. das isch natürli super... irgendwie hani s gfühl, di wott eus unbedingt als mieter, haha

• Zitieren