wer natürli super wennd morn grad wüsstisch dass es am prolaktin würd legge und me au öpis degäge chan mache...

• Zitieren

guete morge mitenand :)

ui, das tönt nöd guet, eve, aber finds au guet, gahschs go abkläre, dänn chasch dänn au sicher gah, dass süscht alles guet isch! alles gueti für din untersuech.

@ elea, ja so täg gitts halt leider. känn ich ab und zue au, da wöttsch am liebschte d decki über dä chopf zieh und dini rueh. aber au dä tag gaht verbi. kopf hoch und immer "lächeln und arschloch denken" so mach ichs amigs a so täg :D

zu mir, also mis wucheend isch gmüetlich gsi! am fritig händ min schatz und ich chinoise gmacht und mit bitz brot so um die 800 gr fleisch verdruckt :) und e fläsche wi hett natürli nöd dörfe fähle, hihi. d roller-nr. isch am fr au no cho, so dass mir am sa händ chönne dä roller go hole und scho mal chli go fahre. isch also würkli easy gsi, bin zwar nochli unsicher, aber das chunt mit dä routine dänn scho. bin hüt au s erscht mal mitm roller go schaffe. dörf mich eifach nöd nervös mache lah, durd autofahrer... die sölled überhole, wänn ich sie nerve ;) aber isch scho nöd immer eifach, ruhig z bliebe... . aber min arbetswäg isch eigentli voll ideal, han 30er zone, 50er zone, 60er zone und 80er zone, woni fahre muen und X chreisverkehr (wobi dert bini ebe nochli unsicher :) aber das chunt scho guet.
am abig simer dänn ad vorfüehrig vo mim gottemeitli und das isch soooo herzig gsi :) am so hämer dänn no am schatz sis gottemeitli (isch die chli schwöster vo mim gottimeitli) zu eus gnoh, wil mis gottemeitli nomal vorfüehrig gha hätt unds süscht en riese stress worde wär. isch luschtig gsi und mer händ so schomal chönne üebe. min schatz hätt dänn nur gmeint, mer chönted ja mal ahfange üebe, hett das aber meh im scherz gmeint :) ich han dänn gmeint, er mües mich zerscht hürate und dänn chömer ahfange ;) hihi. ja, isch altmodisch, ich weiss, aber ich wünsch mir das halt so und han ihm das au vo afang ah so gseit :) hihi.
er hätt dänn nur gmeint, "ja, sonen stress hani dänn doch nöd" hihi.

• Zitieren

guet, ich find das nöd schlimm, wänni überholt wirde... isch mer ämäl lieber, wie wänns mer am füdli picket... das macht mer meh angst :)
aber ebe, bruch jetzt eifach chli routine. han min grundkurs dänn am 15. und 20. november und hoffe, dass s wätter chli hebt bis dänn und ich nöd -wie damals mini erst offiziell fahrstund - grad bi is und räge (oder wie damals schnee) z kämpfe han... wobi's natürli au vorteil hätt, so chöntis grad richtig lerne... aber ebe, chunt scho guet

• Zitieren

jea dis wochenend tönt mega cool! schön henders so toll zeme gha!!!! :) vorallem dass ehr jez de roller hend! ha au grad weder lost zom roller fahre wenn du so begeisteret schribsch ;)
ja wend d fahrszund grad hesch bi schiss wetter, de esch natürli cool wells grad chasch üebe wis esch bi hudel wetter zfahre! denke Emmer s esch au e Vorteil wenn me de wenter dor lehrt autofahre!


snet i denke amigs, zom glöck escher nonid dreiht ond genget nor ed blose. well anschinend send die trett ed reppe nemli gar ned lässig aber stemmt scho, nome scho laufe esch mega Sport!!!

• Zitieren

send das so tests wo de Hormonspiegel em urin messe oder wie funktioniert den das? wer jo emo es guets zeiche wenn die der fruchtbari täg agend! aber ebe musch luege das wird klappe. i denke Emmer, die babys sueche sech selber amigs de ziitpunkt us wenns ehne grad passt, die luege ned obs eus passt oder ned

aso i chome mer amigs bez lächerlech vor wenni mini 30min stepper vor em TV als Sport bezeichne aber i denke de Emmer, es goht mer de bide Geburt velecht bez renger wenni chli länger schnuf han, wer weiss :)

• Zitieren

Mit dene Test wird glaub es Hormon im Urin gmässe wo irgendwie vermehrt produziert wird wenn de Eisprung isetzt oder eso, und ab denn wenn das positiv azeigt sind d Chance glaub 48 Stund lang bsonders höch dass es chönt klappe.

Jo ich luege jetzt mol s chunt denn scho guet.

D Planig vo de Party lauft tiptop, i 3 Wuche esch sie jo scho und s esch alles parat, mis Kostüm als Max Black goht au und sust müemer nur no Chlinigkeite organisiere, freue mi mega .

• Zitieren