Lily
Mini chline isch scho drü isch chli en underschied wie bi dir.. mir sind beidi no jung (24) und ich han halt mit 22/23 nid scho es 2-fach Mami welle sii.. das Baby jetzt chunt 1 Monet vor mim 25 Geburtstag.

Snet
Also ich wür wahrschindli au nid in BEL spontan Gebähre. Min Sohn isch 4150kg gsi und het au no en grosse Kopf ga und da mich das dasmal wahrschindli wieder erwartet..

Ich wirde übrigens au bis zu de Geburt müsse schaffe. Min Arbeitgeber het scho gseit ich muess und mini Ärztin het gseit sie tuet vor de Geburt nid krankschriebe..

• Zitieren

Himbeer
Ha genau! 10 Stuck choschter 50.-!!!!

• Zitieren

ui manokasa, das isch würkli krass. und me brucht ja um die 5 stuck pro zyklus. ich ha so günstigi bstellt im internet, aber ebe die zeiged mer gar nix ah. vilicht hani au nie en eisprung gha, weiss au nöd. ich wott ab morn au wieder afange temperatur messe, bisher häts mer aber nöd viel bracht will d kurve entweder nöd würkli ussagechräftig gsi isch oder will ich eh i de ferie zb nöd ha welle mässe... mal luege.

• Zitieren

Danke, aber ich has Gfühl t Reaktione druf sind nöd durchweg Positiv.. Mal luege wies isch weni den en richtige Buuch han und mit mim chline umelaufe.. wie t Lüüt den lueged.. aber han jetzt au nid welle warte bisi 30 bin mitem 2te.. den isch min chline ja au scho nüni..

Ja himbeer! Mit dene muemer ganz sparsam umga ;-) ich han glaub öppe 4 brucht i dem Zyklus, het also no 6. Sind halt scho guet. Sie zeiget dir die fruchtbar ziit ah miteme blinkende smiley und den de Eisprung miteme blibende smiley. Aber tüür sinds. Oh tempi mässä.. Viel erfolg debi ;)

• Zitieren

Guete Morge Zäme

Hei Manokasa gratulier dir au vo Härze zu de 2. Schwangerschaft so schön !

Lilly me weiss ebe ned öbs hormonell esch bi mir oder ned das weis erst wenni de Hormonspiegel ha chöne loh teste und das esch erst zwüschen 3. und 5. Tag vom neue Zyklus möglich. Aber jo mol luege, aber danke vilmol füre Tipp falls es wörkli das wär wördi gärn uf dich zruggcho wäge dinere FA .

@Chinderwunsch: Ha mini FA no gfrogt wie das usgseht und sie het gfunde i mim Alter sigs bis zumene Johr def. normal und mir warte jetzt emol ab was bi dene zuesätzliche Untersüech no usechunt.

• Zitieren

Guten Morgen Miteinander

@himpi: Ich würde wahrscheinlich auch mal in erster Instanz die Temperatur messen um nachzuweisen ob ein ES stattgefunden hat oder nicht. Wenn man ein wenig Übung damit hat, kann man auch sagen, wann man seinen ES hat (auch anhand anderer Merkmale)

@manokasa: Ach, lass die anderen Leute doch doof reden oder schauen. Es ist doch absolut eure Entscheidung, wann ihr ein zweites Kind haben möchtet.

@LucyLu: Gratuliere zum Gottiamt. Habe schon ein Foto der Geburtstafel auf fb gesehen, hast du sehr schön gemacht! Wie siehts eigentlich bei dir an der Bastel- bzw. Heimwerkfront aus? Hast du da noch weitergemacht?

@Eve: Also, es ist ja wirklich alles im absolut normalen Bereich bei dir. Eine Freundin musste auch 2 Jahre üben, bis es eingeschlagen hat und sie hat sich auch untersuchen lassen ob etwas hormonell nicht stimmt und es war alles im grünen Bereich.

@me: Also das andere Umzugsunternehmen kalkuliert mit CHF 2'150, inkl. Verpackungsmaterial. Ich glaube wir werden diese Offerte annehmen.

Zusätzlich habe ich erfahren, dass sich mein Cousin verlobt hat und nächstes Jahr im September heiratet. Ich habe bereits eine E-Mail erhalten, dass ich mir dieses Datum vormerken soll Ich bin halt etwas unsicher, ob das dann mit einem 3/4 Jahr alten Baby geht. Die Hochzeit findet nämlich in Kanada statt. Oder ob man in dem jungen Alter das Baby schon eine Woche jemandem "abgeben darf".

• Zitieren