Hallo zäme
Bi gaaanz früsch mit derbi ;-)))) Ha gseh, dasses sone gwundernaselischte git, dört gsehter grad mou sones paar sache über mi, aber da aues no so früsch isch, weissi ou noni vüu meh...
Auso, dassmer wei hürate wüsse mer scho länger. Aber mi Zuekünftig cha sech fasch nid zumne Fescht düreringe, da er nid wett dr ganz Tag im Mittupunkt stah Naja...
Und drum wetter einlech am liebschte in Vegas und am liebschte scho geschter ghürate gha, damits düre isch...
Aber jtz hanine ändlech mou chönne nagle, und cha mou so richtig afo plaane... aber bi no niene im verglich mit es paarne vo euch...
wo fahni am beschte a? ha dänkt mou mitem datum und dr chile? die isch mer sehr wichtig und das schiint scho mou z klappe.
bi froh umes paar tipps! merci scho mou!
lg mime

• Zitieren

Guete Obig Mädels

Geit guet. U dir??

Valeria01:

---

Guete morge mitenand....

bin am Sa anere HZ gsii zum s'Apero probiere... die wo das macht isch e privatperson wo das nebetbii macht und ich muss sege einersiits isches zum aluege mega schön gsii...
und vorallem mega speziell und fein...

han uu viel föteli gmacht aber leider chani die nöd ufelade... isch bi mier irgendwie gsperrt...

lg Valeria

• Zitieren

Hallo Mime, ich heiß dich da i oisere Rundi Au na herzlich Willkomme und Achtung: s'Forum macht süchtig! Gell liebi Fraue...

Zu dinere Frag Wege de Tipss, wie d'Lula scho schriebt chunnts hält druf ah was für euch s'Wichtigst isch. Isch es Datum, dass es genau die Chile isch oder isch euch das egal hauptsächlich die Location muss es sih?! Wenn ihr wüsset wellä Punkt für euch s'Wichtigste isch denn chamer uf das Ufbaue.
Z.b mir isch s'Datum ganz wichtig gsi denn hämer ä Location gsuecht wo a dem Datum na z'ha isch, denn de Fotograph, Musig, DJ etc. Ich wär eifach bi nütem en Kompromiss ihgange will mir wennt am 6.7.13 Hürate. Anderi gits dene isch s'Datum glich hauptsach sie chönnt denn DIE Location ha ode DE Fotograf bueche und denn nehmets halt das Datum wo na frei isch....Ich hoffe chumsch drus was ich meine, Sorry, isch Mega schwierig zum schriebe.

Wichtig sind sicher mal i erste Linie:
-was stellet ihr eui vor?
-Budget!!!
-Datum
-i wellem Umfang findet d'Hochziit statt? (Ahzahl Gäst Apero, Fest etc.)
-Location
-Chile, Pfarrer
-Fotograf
-Musig / DJ / Ulterhalter

So, hoffe ha dir ächli chönne helfe... Sust eifach Frage!

Grüessli

• Zitieren

Hallo LucyLu
Merci vüu mou. hmm, äbe d chile isch mer no wichtig und dr monet.
und über s budget müessemer nomou rede...
LG Mime

• Zitieren

hallo mädels, wie war euer wochenende? den montag gut überstanden :)

ich habe heute nochmal mit meiner TZ gemailt, leider ist keine einsicht da, im gegenteil. es werden alte kamellen aufgewärmt und es hagelt nur vorwürfe von ihrer seite aus. ich habe ihr gesagt, dass wenn wir keine lösung finden, ich wohl oder übel eine andere TZ suchen werde. jetzt herrscht funkstille. ich gebe ihr jetzt mal einen moment, um alles nochmal zu überdenken, aber ewig kann ich auch nicht auf ihre entscheidung warten. naja :( dafür hat sich alles mit meiner mam wieder eingerenkt. sie war nicht sauer und fand das verhalten meiner TZ auch unmöglich.

Zuletzt bearbeitet am 09.07.12 22:57

• Zitieren

@snet
laaaange geschichte ;) kurze fassung: sie hat sich bei der brautkleidanprobe unmöglich verhalten, hat dauernd an mir rumgenörgelt (fahrstil, gewicht) und ich hab ihr dann per mail die meinung gegeigt. das ist jetzt die zweite runde... :(

• Zitieren