Hallo zäme

Es esch wieder sehr vöu gloffe do inne. So cool! Nid emou bi de 2015er Brüt wo ihres Hochzit no vor sich hei, lauft so vöu

Valey: schön dass euchers Hus jetz de gli fertig esch mitem Umbau. De chöit ders nachhär so richtig gniesse. Uii, velich wüsset dir nöchscht Wuche bereits, obs es Meitli oder e Bueb wird. Wenn hesch der Termin bim FA?

Elea: bi dir gohts jo würklech nümme lang. Unglaublich wie schnäu dass die Zit vergange esch. Eg weiss no guet wo mer eus troffe hei im Juli. Dört het me erscht afe chönne es Büchli erahne, und jetz esch de scho gli der Geburtstermin. Dir freuet euch sicher sehr uf euche Chli

Snet: no mou härzlechi Gratulation! Schön dass dir euch mitlerwile heit chönne andersch arrangiere. Stille esch glaubs scho eher e Glücksach. E kenne fasch meh Fraue wo Problem gha hei, als settigi wo normal hei chönne stille. Finges eifach wichtig, dass me sich nid fertig macht und schlussendlich mues es jo nur für eim säuber stimme. Es esch no jedes Chind gross worde, au wenns nid gstillt esch worde. Dir machet das sicher prima!

Manokasa: das chani mer guet vorstöue, dass das viel ztue git. Eg wünsche dir uf jede Fau scho jetze e erfolgriche Wiehnachtsverchauf

Me: Eg be geschter vo mim Ma miteme Adenvtskaländer überrascht worde. Eigentlich het er mir scho früehner eine wöue schänke, aber da er chrank gse esch esch er leider nid derzue cho. Eg ha mega Freud dra!!! Süsch gits vo mir eigentlich nid vöu Neus. Eg be no froh, dass mer das Johr nur zwöi Weihnachtsesse mit eusne Familie hei. Süsch hei mer immer mind. no eis meh gha. Zuedem si mer ame no amene Weihnachtsapéro iglade (churz vor der Weihnacht). A dem Tag beni mit minere Fründin am Wiehnachsmäret in Ulm. Juppi! Eg finde Wiehnachte wunderschön, aber eg has eifach nid gärn, wenn me nur no vo Fescht zu Fescht rennt und durend überässe esch. Jetz si mer am 24.12. bim Onkel vo mim Ma, zäme mit sinere Mueter. Und am 28.12. si mer be eus deheime mit mine Eltere, Schwöschter und Familie. Wie fiiret dir eigentlich so Wiehnachte?

• Zitieren

Emma: es tönt wunderschön wenn du vo dim chline Schätzeli redsch. Findes toll, dass du so ufgosch i dinere neue Rolle als Mami

• Zitieren

Aso geschter esch e feini Seifi drinne gse, mitere ganz härzige Verpackig wo Love druffe stoht und hüt esch es Traumlos dinne gse. So cool!

Ou jo Lilly, das glaubi, dass di freusch wenn de der Luis mou chli grösser esch. Wiehnachte fiire mit glänzende Chinderauge esch eifach öppis vom schönschte wos git!
Am 28.12. esch jo ebe mini Schwöschter mit der Familie be eus. Die chlinschti Tochter wird jetz am Sonntig zwöi. Jöööö, eg freue mi so fescht uf ihres Gsicht und die freudige Auge. Das esch eifach unbezahlbar!

• Zitieren

Jö, das esch aber e schöni Gschicht. Be eus eschs so gse, dass mini Eltere am 24.12. am Obe eusi Terrassetüre ufgmacht hei, damit s'Chrischtchindli ine cha cho und cho Gschänkli bringe und s'Bäumli schmücke. Mir hei i dere Zit immer zu eusne Grosseltere "müesse" go. Mir si ame gar nid gärn gange, wöu mir doch lieber s'Chrischtchindli gse hätte

Jo, mi Ma het mir s'erschte Mou e Kaländer gmacht

• Zitieren

guete morge zeme

dandi, das esch jo de hammer vo dim maa! so lieb soscht kennis emmernor omgekeht, dass d frau för de maa en Adventskalender gmacht het. chapeaux vor dim maa ;)

• Zitieren

Morge zemeee

Wie gohts euch allne soo??

Dandi sooo herzig vo dim maa wegem adventskalender :)

Mer hend eus beidi je eis gmacht das jahr :) am morge machemer emmer gmeinsam es pāckli uf :))


Isch soo krass wie schnell die ziit lauft
I 2 woche scho wiehnachteee

• Zitieren