Ehr Liebe

Danke vilmol für euchi Ateilnahm . Ich bi hüt chli gfasster aber s goht mir momentan vorallem körperlich rächt schlächt, ich ha sit em Sunntig Znacht weheähnlichi Schmärze und immer no Bluetige (wenigstens das ned so stark). Ich bi mittlerwiile ehrlichgseit überzügt devo dass e Abgang stattfindet und hoffe eifach nur no dass es bald verbii esch und die Schmärze ufhöre .

Ich bi so unändlich truurig obwohl ich dänke wenn öpis ned guet gsi esch eschs besser wenn d Natur ehre Lauf nimmt. Aber s macht glich unheimlich weh, fühl mi ganz leer .

• Zitieren

Liebe eve

Es tat mir sehr Leid deine Zeilen zu lesen - dein Verlust ist wirklich sehr traurig. Ich möchte dir für die kommenden Tage viel Kraft wünschen und hoffe ihr erfahrt als Paar viel Unterstützung aus eurem Umfeld und dass die Schmerzen bald aufhören.

Leider passiert so ein Abgang halt doch immer wieder... Mir hat jeweils der Gedanke geholfen, dass ich schwanger wurde und dementsprechend auch überhaupt nichts dagegen spricht, wieder schwanger zu werden. Und was die Blutungen betrifft: dein Körper ist ziemlich clever und bereitet sich sogar auf eine neue Schwangerschaft vor!

Trotz all dieser "rationalen" Fakten weiss ich, dass es einfach weh tut und man sollte die Zeit nehmen um zu trauern und alles rauszulassen. Wenn du einen Austausch darüber suchst, kannst du dich auch sehr gerne bei mir melden.

• Zitieren

liebi eve!
das tuet mer soo unendlich leid ich wünsch eu ganz viel chraft!! feschti umarmig

• Zitieren

Hallo zäme

Danke vilmol dir sind so lieb!

Ha gester no e Arztmarathon hinter mi brocht (FA und Spital). Offebar gehts im Momänt 3 Möglichkeite: 1. s esch e Abgang, 2. ich bi immer no schwanger trotz dem unklare US oder 3. Eileiterschwangerschaft wäg mine starke Schmärze. Glaube eher s erste, aber zum sicher sii dasi nüm schwanger bi händ sie im Spital Bluet gno zum de HCG-Wärt bestimme. Mues jetzt am Donnstig nomol i Spital und denn nähme sie nomol Bluet und vergliche d HCG-Wärt. Wenn d Wärt stiigend sind beni no schwanger (obwohl de US immerno unklar gsi esch, froge mi eifach wo denn das Baby söll si??).

Uf jede Fall muesi luege dasi wäg de 3. Möglichkeit ufmerksam bliebe, sie händ aber ufem US au nüt gseh wäge Eileiterschwangerschaft. Händ eifach gseit wenn d Schmärze no schlimmer wärde oder meh Bluet chunt muesi sofort i Notfall will sone Eileiterschwangerschaft wird läbesgföhrlich wenn mes ned behandlet. Jetzt warti mol ab, sie händ mir zum Glück aber no Schmärzmittel mitgä woni au döft nä weni no schwanger wär und die hälfe zum Glück. Bi eifach nur froh wenn de Alptraum verbii esch Danke vimol für euchi Ateilnahm und die liebe Gedanke!

Zuletzt bearbeitet am 17.12.14 10:39

• Zitieren