| Bräute 2013 |
|
|
1 .. 1782 .. 3561 3562 3563 3564 3565 .. 3661 .. 3757
|
valey  am 06.01.2015
Re: Bräute 2013
Morge zemeeee
Guets Neus allne!! Hoffe ehr hend all schōni festtāg gha und send guet is 2015 grūtscht :)
Elea bi der gohts nūmm sooo lang wie schōn :))
Snet coool bald chōnder endli zūgle... Wie laufts mit em chline?
Sonne hihi jaa du bisch die einzig med meitlis do schono luschtig xD seisch eus wie das goht fūrs nexte mal? Hihihi
Wie gohts suscht eu allne so?
Bi eus send festtāg sooo schnell gfloge... Min buch wachst und wachst fūhl mi immer meh wie en chugele hihihi
|
|
|
elea am 06.01.2015
Re: Bräute 2013
valey schön gohts euch guet! haha i füehl mi wine planet  ha Emmer denkt, de buch cha doch ned NOME wachse. aber schwups, es goht emmerno meh 
wie gohts bi euch em neue huus? send jez all Handwerker entli fertig? hender shco metem chenderzemer chöne avo?
|
valey am 06.01.2015
Re: Bräute 2013
hihi elea wie en planet :))
ja im hus laufts... send s Kinderzimmer langsam am userume hed aber emmernochi Sache dinne
müend jetzt vorwärts mache...
hend scho soo vel herzigi kleidli gschänkt becho :) weis gar ned wo versorge hehe
|
Lilly4  am 06.01.2015
Re: Bräute 2013
hallo liebi frauene !
ich wünsch eu allne natürli au es guets neus ;) hoff ihr sind guet grutscht und händ au schöni feschttäg gha? bi eus isch es schön gmüetlich i dä familie gsi ... und viel gesse natürli a neujahr hämer dä chli s erscht mal am abig mine eltere gäh - es isch meeeeeeegaaaaaaaa komisch gsi (wirdi sicher nöd so schnell wieder mache )
so schön zghöre das es eu allne so guet gaht 
haha elea, wie en planet aber isch wüki so: mer meint es chan gar nöd meh werde, DÄBI ich bin ja soooo froh gsi hät sich dä luis 8 täg vorem termin uf dä weg gmacht gha  ... jetzt chönds jederziit los gah  freu mich ja scho so uf din bricht dänn hihi
sonne, dini chline zwei sind aber frühe dra mit dureschlafe?! SUPER!! machets es scho es ziitli? dä luis hät zwar au immer nöd schlecht gschlafe, isch eifach immer eimal i dä nacht cho (meischtens zwüsched 3 und 4i) und sit ca. 1 1/2 wuche schlafter entlich richtig dure :)) isch aber au scho 5 mönet, also nöd mal so frühe dra ... ok, er gaht aber au scho am 7ni is bett  isch halt scho viel wert chöne z schlafe ...
|
dandi78 am 06.01.2015
Re: Bräute 2013
Hallo zäme
Au eg wünsche euch aune no alles Gueti im neue Johr, viel Glück und gueti Gsundheit!
Eusi Festtäg si dasmou ziemlich relaxt gse und gar nid so verfrässe wie süsch. Nid dass mir wenig gässe hätte, es het trotzdem immer viel geh aber eifach im Mass  . Richtig gmüetlich esches gse. Silvester hei mer be minere Schwiegermueter gfiiret, nur mir drü, und hei es feins Fondue Bourgignon gässe und Spieli gspielt. Au super gse!
Scho krass, i dem Johr wärde mängi Babys scho jährig und diversi anderi chöme ufd Welt. Und mir si aui bereits zwöi Johr verhürotet . Unglaublich! Findes aber umso schöner, dass mir immer no öppe Kontakt hei do im Forum. Esch nid selbstverständlich!
Hi hi, Elea, wiene Planet. Der Burner! Ha soooo müesse lache
Be eus gits eigentlich nüt Neus. Husbau sött immer no im März starte. Demnächscht sötte mer der Kostevoraschlag übercho. Bi jo sehr gspannt. Hoffentlich hauts mi de nid grad. Hi hi 
|
elea am 06.01.2015
Re: Bräute 2013
Valey, ehr hend jo no es paar woche ziit förs zemmer, das chont super ;)
So schön hender scho so vell chleidli. Das esch au alles emmmer so herzig
Ja lily stemmt, theoretisch chas jede tag los go... Be jo gspannt wie gigantisch de buch no werd
Dandi, da wörd jo heisse i 2mt gohts scho los metem Bou. So cool das gli weder öpis lauft!
Fendes au cool dass so vell no regelmässig i eusem 2013ner thread schribe!
Zuletzt bearbeitet am 06.01.15 14:06
|
snet am 06.01.2015
Re: Bräute 2013
Hallöchen Miteinander
@elea: So lange du noch keine Umlaufbahn um dich hast, bist du auch kein Planet He, aber schon krass, die letzten Wochen vor der Geburt... Irgendwie ist immer noch alles so unwirklich, obwohl es nur noch wenige Tage geht und man das Baby ja doch mehr als gut spürt.
Ganz parat sind wir noch nicht, es sind erst die Bücher, DVD's und der Keller gepackt. Aber mehr bringt es gerade noch nicht, da ich nicht noch 2.5 Wochen in Kisten leben will.
@valey: In welcher Woche bist du denn jetzt? Ist sicher total spannend, so ein Haus umzubauen.
@sonne: Das ist aber toll, dass die Kleinen schon durchschlafen. Vor allem, dass sie das synchron machen
@lilly: Und, wie war der erste Tag ohne den kleinen Luis? Wir werden ihn an unserem Zügeltag tagsüber abgeben, ist sonst einfach irgendwie zu kompliziert, vor allem auch noch mit den Katzen.
@dandi: Das klingt ja super mit dem Hausbau! Ich warte ja noch auf die Einladung bei dir zum Bräute 2013 Treff
@me: Bei uns zuhause läuft alles gut. Wir haben einen kleinen Fresssack hier, unglaublich wieviel der Kleine isst Und heute ist er ein kleines Kackbärli, denn das Hosi ist stets voll Er ist schon unglaublich gross, vor 3 Wochen bereits 57cm, bin gespannt wie die Vermessung am Freitag läuft.
Der Kleine schläft in der Nacht ca. 6h am Stück und gestern sogar 8h! Ist also wirklich ein pflegeleichter.
Das einzige was mir momentan fehlt ist der Sport. Ich muss ja immer noch ca. 5 Wochen warten, bis ich zur Rückbildung kann und danach geht es wieder auf das Spielfeld
|
sonne13 am 06.01.2015
Re: Bräute 2013
Hihi, ihr sind luschtig! Ich cha allerdings nur säge wie me ZWEI meitli macht aber scho no krass dass süscht alli büeblis hend oder erwarted!
Ui elea, die heissi phase so schön! Viellicht wird jo morn scho s ks-datum feschtgleid wie gohts der demit? Bisch entdüüscht wenns tatsächlich en ks gid? Oh so schön, das isch sooo en bsundrigi ziit! Irgendwie scho fies hani das nur einisch dörfe erläbe und wäge dicke büüch, ihr hend mine ned gseh
Wägem dureschlofe: für mich sind 6h am stück dure schlofe. Wobii sie jo jetzt 8-9h am stück pfuused. Do chunnsch sälber au uf 6-7h, locker das isch wirklich gold wert! Sie hend mit 11 woche afoh dureschlofe, jetzt sinds 14.5 woche. Das macheds wirklich super!!!!! Hoffe das bliibt nochli so!!! Dass sie en ähnliche rhythmus hend isch aatrainiert, die beide wärded zäme gfüetteret usw... Die beide schlofed allgemein rächt viel, au tagsüber. Mängisch frogi mi ob das no normal isch!
Dandi, das isch jo toll! Sooooo cool! Wie spannend! De bau wo mini eltere inezügled goht au vorwärts, de rohbau esch e monet voruus em ziitplan. Jetzt muess nur no s wätter guet bliibe! Je früehner mini eltere chönd zügle umso früehner chönd mir denn is huus! Freu mi mega druuf!
Sodeli, ich muess hütt s erschte mol id rückbildig und es stinkt mer gewaltig
|
elea am 07.01.2015
Re: Bräute 2013
morge zeme
snet, en Umlaufbahn hani ned, aber i glaube glii beiflossi ebe ond fluet
jo du seisch es! je nöcher de Termin röckt, je unwörklicher wird das ganze! has gfüehl vor 3 mönet esch mer vell bewosster gsi was passiert als jetzt!
jo es esch Emmer schwer zom luege was me scho wet ipacke und was ned! und wi du seisch, us cheschte lebe esch ebe au ned toll....
sonne, jo eventuell wird höt de ks Termin festgleit... i ha gmeschti gfüehl debi. einersits hetti mer wörkli en normali Geburt gwönscht. vorallem nachdem d lily vo erere Geburt verzellt het, hani denkt das wetti au erlebe. bzw i wet mer selber bewiise dassi das au schaffe. en Steissgeburt lehne mi maa und ich prinzipiell ab. mer kenne 2 fäll vo steissgeburte (em Familie und bekannte-chreis) wos komplikatione ge het und die chender jez schweri Defizit hend. und das Risiko wemmer ned igo. met dem wösse, chönti mi wärend de Geburt au niemols entspanne. het vell zvell angst oms chline. min FA het e gmeint de chopf sigi zgross för en Steissgeburt. aso werde mer eus för en KS entscheide falls sech de chlii ned dreiht. aber KS fendi gar ned toll, ganz ehrlech.... :/
sonne, das esch so super dass di beide de glich Rhythmus hend und scho soo guet schlofet! das esch goldwert chani mer vorstelle!!!!
|
Lilly4 am 07.01.2015
Re: Bräute 2013
snet:
es isch MEGA komisch gsi womer dä chli am 31.12. abgäh händ (ich giben zwar amig scho es stündli, zwei mim mami, wenni sache muess erledige oder det woni id rückbildig bin) aber am abig hämeren no nie abgäh gha und vorallem no nie so lang ... han mi ma scho gseit, das machemer nöd so schnell wieder
elea:
wenn muesch hüt dänn id kontrolle? ... tuesch eus dänn brichte
ich wür mich genau glich entscheide betr. ks! lieber keis unnötigs risiko igah und wie du au scho gschriebe häsch, unter dä geburt wärsch dänn sicher nöd entspannt und das würs bestimmt nöd vereifache :/ bim zweite chasch dich dänn ja uf e natürlichi geburt 'freue'
sonne:
viel spass i dä rückbildig!! (ich bin bereits scho fertig) han ganz e tolli lehrerin gha und bin eigentlich no gern gange... vorallem sinds ja nur 10x ;)
wünsch allne es schöns tägli!
|
|
|
1 .. 1782 .. 3561 3562 3563 3564 3565 .. 3661 .. 3757
|
Anmelden
