Mir händs im Dütsche kauft, d'Lieferfrist wäri au 8 Wuche gsi, händ aber Endi Dezember ahglüte und gseit es verzögeret sich da sie mit de Produktion nüm nah chömet… Aber gester hämer beständigung becho das es nächst Frietig glieferet wird.

Mir händ ois vorallem so etnschiede will mer die Bette vo Amerika kennet und det immer super schlafet. Den d'Höchi findi au super zum dri stiege und ufstah und es gseht au na kuschelig und gmüetlich us. Oise jetzig Rost isch 10 jährig und het eh müsse ersetzt werde, ha immer Ruggeweh am Morge...

@ canoa: händ ihr Leder gno? Mir händ Stoff gno und zwar d'Farb Taupe. Mir händ jetzt echo 180x200 und nachher au wieder

@ snet: das mit dem Schwenkarm für den TV habe ich mir gestern auch mal noch überlegt, das wäre natürlich auch noch eine Option.

• Zitieren

Hallo zäme

Eve, schön öppis vo dir zläse. Eg cha sehr guet verstoh, dass du nümme so oft im Forum besch. Mir gohts mängisch au chli so, obwohl eg nid sone Schicksalschlag wie du hinter mir ha. Eg findes toll wie du de probiersch abzlänke. Du machsch das tip top! Eg wünsche dir uf jede Fau nume s'Beschte und hoffe ganz fescht, dass das Johr es bessers wird si!

Canoa und LucyLuy: sooooo luschtig, dass dir beidi es Boxspringbett kauft heit. Eg ha erscht chürzlich vo öpperem ghört, dass er sich au so eis kauft het. Ha das vorher no nie ghört und bis de grad go google. Do hets bi mir klick gmacht. Das si immer die bequeme Bett wome in Amerika i de Hotels het. Mi Ma schwärmt scho lang immer vo somene Bett, aber mir hei bis jetz nid gwüsst, dass me die be eus au cha chaufe. E chönt mir vorstelle, dass mir denne au mou so eis wärde chaufe

• Zitieren

Jo das esch eus au so gange, in NY hemer sones Bett gha ond mi Ma hed set dem nöme ufhört vo dem zrede! Mi Ma esch äbe rächt gross darum hemer öber 2m i de längi welle!

Hmm esch gloub Konstläder! Stoff hani ned umbedingt welle wägem Stoub!
Ond gseht secher au ganz toll us, mer hend euses Bett grad so kouft wies i de Usstellig gseh esch! =)
Neue Fixlinttücher muessi denn no ha, grösseri ond settegi met Elastan denne! =)

in DE werds secher chli gönstiger gseh si...aber be eus esch s Möbuhus grad 5 min vo eus wäg! =)
Das esch super gseh! =)

• Zitieren

Ah toll...esch jo super wenner öbis passends gfonde hend!
Jo klar chost sones Bett chli Gäld, aber mer schloft jo relativ vöu ond darum darf das au öbis choste! =) Fendi! =)

Wo hesch t Fixlintüecher kouft?
Sie hend eus äbe gseid mer selled eifach dere met Elastan choufe und eusi send jetzt halt eifach t Grössi 160-200 und das werd denn öbe nöme passe!

Ah mer choufed denn no grad neui Deckene ond Chössi! =)

Zuletzt bearbeitet am 16.01.15 10:12

• Zitieren

Hmm… das mitem Elastan händs ois jetzt nöd gseit. ich has da bstellt www.angela-bruderer.ch

Ich find au das es öpis dörf choste, wie du seisch schlaft mer ja viel (also guet 6-8 Std. pro Tag) und schliesslich söts ja den au wieder ächli hebe und ebä, es chan ja nöd sih das ich jetzt scho mega mühe han zum Ufstah will mer alles weh macht, wie isch den das ih 30 Jahr? und en gsunde guete Schlaf würkt sich ja den pos. uf alles us.

• Zitieren

hallo zäme

eve, schön z läse das es dier guet gaht !! super chasch dich mitem sport so guet ablänke und abem mai chönder dänn wieder loslegge... wünsch eu nur s aller bescht !!!
aber das mit dä ferie und em chrank si, wie die andere au scho gschriebe händ, söttsch die tage doch bestimmt wieder guetgschriebe becho, nöd?! und dänn no angina :( du armi! aber hauptsach gahts där jetzt wieder guet

verstahn eu natürlich au daser amig nöd so möget da ine si, vorallems wills zum teil wüki sehr baby laschtig isch ...

wow die better sind ja dä hammer !!! mega so eis wür mer also au no zuetue mir händ aber ganz es guetes und werdets wohl nöd so schnell itusche, vorallem isch es au sehr gross, das isch mer vo afang a sehr wichtig gsi, bruch nämli MIN platz bim schlafe

und zum eigeheim no: mir wür das au sehr guet gfalle, vorallem sind ja t chöschte vielviel gringer als wenn mer jahrelang inere tüüre mietwohnig isch nur leider hättet mier die flüssige mittel nöd womer müsst mitbringe viellicht eines tages dänn mal, wer weiss und e schöni ussicht wär mir persönlich au wichtiger als en riese garte wo natürlich au jedemenge arbet brüchti - vorallem laht min grüene dumme SEEEEHR z wünsche übrig mir stirbt alles ab, händ jetzt sogar künschtlichi pflanze zue ta aber gseht mer voll nöd, sind echt super haha

sonne, gaht där dini schwimu uf dä keks? chund sie dänn mit tolle ratschläg? oder wieso?

ui ja elea, s letschte wuchenend z zweite :)))) ich muess au immer a dich dänke - gaht voll nüm lang und dänn sinder z dritte freu mich riesig für eu!!! gnüsset jede moment ganz bewusst <3

verschwind jetzt mal id chuchi :D wünsch allne es schöns tägli und schöns wuchenend dänn

• Zitieren