| Bräute 2013 |
|
|
1 .. 1790 .. 3577 3578 3579 3580 3581 .. 3669 .. 3757
|
himbeer  am 06.02.2015
Re: Bräute 2013
aaaaaaaaahh mir händ sie überchooo! juhuuuu! 
|
|
|
elea am 06.02.2015
Re: Bräute 2013
Yeah himbi! So lässig! Freu mi mega dass ehr d wohnig becho hend! Juhuuu :)
|
himbeer am 06.02.2015
Re: Bräute 2013
jaaa ich freu mi au so sehr! es wird so super! und so stressig, hihi.
wenigstens isch eine vo eusne fründe scho interessiert a eusere wohnig, das isch schomal öpis. jetz tueni am weekend mal luege, plane und denn schritt für schritt afange... usmiste wird es grosses thema sii die nächste paar wuche, ou neeeei
|
sonne13 am 07.02.2015
Re: Bräute 2013
Jupijeyyyyyyyy!!!! Sooo cool! Freu mi för dech himpi!!! Wow, do müend ihr jo wirkli gas gäh! Viel spass bim plane, mischte usw!
|
himbeer am 09.02.2015
Re: Bräute 2013
ja es isch eher sportlich. ich hoff eifach, mir findet rasch en nachmieter, aber ich denk das sött keis problem sii. ich ha jetz schomal d verwaltig telefonisch informiert, sie würded eus au helfe mit de suechi. zerst schicked mer morn mal d kündigung ab und mached mal es paar bilder vo de wohnig. ein interessent hetted mer scho, mal luege was drus wird.
und e ersti offerte für zügle und putze händ mer au scho igholt.
|
snet am 09.02.2015
Re: Bräute 2013
Gratuliere Himpi! Toll, dass ihr eine neue Wohnung gefunden habt. Was war denn nun das ausschlaggebende Kriterium, dass ihr die Wohnung gewechselt habt?
Dann geht es ja wirklich schon bald los mit der Zügelei, das wird sicher toll! Ich habe mit Astra Umzüge gezügelt und gereinigt und war sehr zufrieden. Sie haben auch eine Filiale in ZH... Kostete 180/Stunde mit 3 Umzugsmitarbeiter und Wagen inkl. De./ und Montage.
|
himbeer am 10.02.2015
Re: Bräute 2013
danke für den tipp, snet!
hmmm es passte irgendwie grad. ausschlaggebend war sicher der grosse koch/ess/wohnbereich, das wollten wir unbedingt wieder haben und solche wohnungen gibts auch nicht allzu häufig. wir dachten deshalb, wir packen die gelegenheit grad am schopf ;-)
ich freue mich, und gleichzeitig gurkt es mich auch an, das ganze zeug zu verpacken. aber ich will die chance nutzen und nochmal richtig ausmisten.
|
dandi78 am 16.02.2015
Re: Bräute 2013
Guete Morge zäme
Eg ha keini E-Mails meh übercho, dorum hani dänkt, dass es do im Forum still worde esch. Aber jetz woni ineluege hani ge, dass doch öppis gange esch  . Mues mou luege ob öppis mit de Istellige nümme stimmt... 
Hey Himbi, so cool! E gratuliere zur neue Wohnig. Soooo toll dass es jetz plötzlich so schnäu gange esch. Hammer! Und e chli meh als 5 Wuche wohnet der sogar scho drin
Eve, schön zghöre dass bi dir wieder alles ok esch. Cha sehr guet verstoh, dass du no chli Zit bruchsch. Die muesch der au neh fendi. Aber es esch doch guet zwüsse, dass di Körper ömu wieder sowit wär. De chöit der wieder loslegge, sobald der euch bereit fühlet.
Elea, wie gohts euch so mit em Evan? Wie macht er sich so?
Mir si letscht Wuche drü Täg go skifahre. Es esch super gse. Mir heis sooooo gnosse! Und geschter si mer a Fasnachtsumzug gange. Das esch au cool gse. Und de gits no öppis woni mues loswärde: mini Mens esch sitere Wuche überfällig...  Ei Test het e ganz schwachi zwöiti Linie azeigt und die andere Teschts hei nüt azeigt. Komisch! Mi FA het gmeint, eg söu gäg Ändi Wuche no mou e Tescht mache. Mou luege. Ha irgendwie scho s'Gfühl, dass eg chönt schwanger si, aber eg möcht mer au nid zvöu Hoffnige mache. Esch grad chli e blödi Situation. Be total hibbelig...
|
himbeer am 16.02.2015
Re: Bräute 2013
ui dandi, das sind ja news! wie haltisch das nur us bis endi wuche? bisch demfall scho bi de FA gsi oder häsch eifach aglüte? ich druck uf jede fall beidi duume!
jaaa mir sind jetz scho am ufgleise weg em zügle. chunnt scho guet :-) ja es isch scho mega bald, ich bi scho ganz chribbelig, hahaha
leider bini am weekend chrank gsi und hüt gahts mer au nonig viel besser… ich verbring drum hüt de tag ufem sofa, zur sicherheit. ich hoff ich bi bald wieder ufem damm.
|
dandi78 am 16.02.2015
Re: Bräute 2013
ou nei, das duet mer leid dass chrank bisch. wünsche dir dämfau gueti besserig! was hesch de? grippe? im moment goht jo wieder ziemlich öppis ume. be eus im büro esch letscht wuche öpper chrank gse und hüt esch leider bereits die nöchschti deheime
zügle esch immer e mega organisation aber au super schön. für me ghört ame die ganzi organisation vorhär bereits mit zum zügle. mache so sache extrem gärn. wird sicher guet cho be euch!
jo säg nüt, es esch mega schwierig zum abwarte. ha letscht nach z.b. tröimt, dasi bim fa gse be und er het mini schwangerschaft bestätigt  . ha hüt am morge churz aglütet und de het si mer ebe gseit, dasi mitti/endi woche nomou e tescht söu mache. jetz heists haut eifach abwarte...
ha bis jetz immer sehr e regelmässige zyklus vo 28 tag gha. aso scho nur ei tag spöter esch ame e usnahm gse. jetz sis bereits 7 täg... cha mers eigentlich gar nid andersch erkläre als dasi schwanger be  . aber ebe, schön ruhig blibe... ohmmmm
|
|
|
1 .. 1790 .. 3577 3578 3579 3580 3581 .. 3669 .. 3757
|
Anmelden
