Snet, was machst du denn für eine Diät? Kann ich gut verstehen, dass es frustrierend ist, wenn du dich abmühst und das Resultat trotzdem nicht zufriedenstellend ist. Mein Mann und ich hatten Anfang Jahr für ein paar Wocen die "Schlank im Schlaf" Diät probiert. Hat super funktioniert. Ich habe innerhalb 4 Wochen fast 2 Kilo abgenommen, obwohl ich es nicht sooo genau genommen habe und nebenbei keinen zusätzlichen Sport gemacht habe. Kann ich also nur empfehlen!

Wir hoffen, dass wir im November einziehen können. Wird dann vermutlich noch etwas Baustelle sein rund ums Haus, aber das ist ok. Das mit dem putzen ist so eine Sache. Wir würden sehr gerne eine Putzhilfe einstellen, denn das Haus wird mehr als doppelt so gross sein wie jetzt unsere Wohnung und das möchte ich nicht alles alleine putzen. Wenn wir jemanden finden, der gut und einigermassen im Preis ist, werden wir das sicher machen.

• Zitieren

Hallo zemme

Lucylu, schön weder mol öpis zlese vo der :)

Snet ond sonne be gspannt was ehr seget nach euchem erste arbetstag! Aber cool freuet ehr euch. So fallts eim secher renger as wenn me en reese aschess het...

Ui himbi de zögeltermin röckt nöcher ;) wie laufts met de vorbereitige? Hesch secher vell omd ohre?

Hey dandi das send jo super news dass si jez entli metem ushueb chöne avo endi monet. esch natürli perfekts wetter zom boue so ond hoffentli bliits lang so schön dass si au guet vorwerts chöme ond alles guet klappet!

Ha ide letschte täg ned so ziit gha zom schribe. Mi maa het vor 2woche e OP gha ade Bei ond muss jez legge, aso hani zo 2ne müsse luege dehai ond das esch mega asttengend gsi :)
Hut ab vor der sonne

• Zitieren

Hallo mitenand

@ elea: oh je, denn häsch es grad doppelt so streng miteme "chranke" Maa die Heime. Wie lang isch er den na Chrank gschriebe?

@ snet, oh wie gemein das es immer noch nicht so abwärts geht mit dem Gewicht. Und ich verstehe Deinen Frust sehr gut. Hmmm… manchmal bringt es mehr wenn man nicht so verbissen auf die Ernährung schaut, evtl. wäre es mal ein Versuch wert?

@ Himbeer: uiii de Zügeltermin chunnt au immer nöcher. Sinder scho voll am Packe?

@ dandi: Cool das es mitem Husbau vorwärts gaht. Wär ja würkli mega lässig wenn ihr im November chönnt ihzieh.

@ me: mir gönd id Maledive wie ich mich freu! Eifach nüd mache, relaxe und Sunne tanke. Chans chum erwarte. Und na good news: mir händ endlich d'Schulde vo mim Maa (vo de Usbildig her) abzahlt! juheeeeeeee! Ä riese Last weg und mir sind so happy, isch doch na schnell gange.

@ snet & sonne: wünsch oi en guete 1. Arbetstag nächste Wuche!

Lg, LucyLu

• Zitieren

hallo zämä

han dänkt, mäld mi au wieder mal. :) wie gahts euch so?

@snet wägem abnäh... muesch ufpasse dass nöd in hungerstoffwächsel chunsch! häsch dä Grundumsatz und dä leistigsumsatz zämägrächnet? usserdem sind muskle schwerer wie fett... probiers mal mit messe a dä wichtigste stellene und nöd mitem gwicht! vorallem wänn soviel Sport machsch. Trinksch dänn au gnueg wasser?
sorry, möcht nöd z noch trätte, aber das sind alles Sache, wo mir i däm Moment igfalle sind, wo vilicht nöd so optimal laufet... ich wünsch dir wiiterhin viel erfolg und glück!


bi mir gitts noni viel neus... :) han unterdesse sitem letschte August dä Job 2x gwächslet und jetzt bini bire Firma, wo au chli speziell isch... mal luege, wie das wiiter gaht und süscht tueni dänn halt wieder umeluege :)

liebs grüessli eu allne. :)

• Zitieren

Hallo Miteinander

@LucyLu: ich wünsche dir ganz viel Spass in den Malediven. So gut, dass ihr schön entspannen und die Seele baumeln lassen könnt.

@Jea: Wieso hast du denn die Firma in den letzten Monaten 2x gewechselt?

Habe jetzt gerade gesehen, dass der Grundumsatz bei mir 1'500kcal ist und ich nur immer 1'200kcal zu mir nehme... Vielleicht liegt es ja wirklich daran. Was ist denn der Leistungsumsatz? Als ich in den letzten Tagen nicht so geschaut habe, habe ich gleich ein halbes kg abgenommen. Das Problem ist halt auch, dass ich immer noch Wasser eingelagert habe - das nervt mich langsam.

@Himpi: So gut, dass nun offiziell ein Nachmieter gefunden wurde. Entsorgen tut immer gut! Und vor allem macht es irgendwie auch noch Spass.

• Zitieren

aaaalso snet :)
hungerstoffwechsel ischs schlimmste wo chasch ha und mache... das isch, wänn du unterem Grundumsatz issisch, tuet din körper uf Sparflamme gah, will er nöd das bechunt, wo er brucht und s gfühl hätt, dasser viel zwenig überchunt. denn tueter alles, was du ihm zuefüehrsch i polster alegge für "schweri ziite" dä leistigsumsatz isch das, wo du mit dine tägliche aktivitäte machsch...

also Grundumsatz + leistigsumsatz (inkl. Sport wo du machsch und anderi aktivitäte wie putze, oder au umeliegge, schaffe usw.) = gsamtumsatz

s beschte zum abnäh isch, wänn du überem Grundumsatz bisch, aber weniger wie dä leistigsumsatz issisch/trinksch. so häsch es gsunds Defizit und nimmt au automatisch wieder ab.

http://www.gesundepfunde.com/grundumsatz-leistungsumsatz-gesamtumsatz-berechnen/

gang mal uf dä link, da ischs nochli gnauer und besser erklärt. :) viel glück und spass...
und ufpasse, je nach gwicht, Tätigkeit chan sich das ideal vo däm wo du mindestens ässe söttsch au verändere! also immer mal wieder nacherächne. und ebe mässe und nöd ufd waag stah.... will ebe, muskle sind schwerer wie fett und wasser :)

falls no frage häsch, eifach melde :)

ja, also han ja letscht August min langjährige Job kündet, wils eifach menschlich nüm gange isch und immer zügs versproche worde isch, wo nöd ghalte worde isch. usserdem sind mit zwei verschiedene mass gmässe worde zwüsched Mitarbeiter vom muetterhus und dä Tochterfirma...
dänn hani en neue Job gfunde, woni mitti August ahgfange han, der isch mer soooo langwilig gsi und durch umstrukturierige hani nöd chönne dä Job mache, wo ich eigentli dafür igstellt worde bin! dänn hani halt nach mehrere wuche Internet mal wieder umeglueget und per 1.1. en neue Job ahgfange, woni jetzt im Sekretariat schaffe. grundsätzlich ischs guet, bis uf dä cholerisch Chef und die 40 min. pro tag (!!) meh schaffe, sitem eurosturz... aber gwüssi Sache wirdi im probezit gspröch no ahspräche und dänn mal wiiterluege :) ah und bitz unterforderet bini au... aber das gitts halt :)

uiui, isch ja mega lang worde!
ou himbeer, viel spass bim zügle
und lucylu gaaaanz schöni ferie!! :)

• Zitieren