oh dandi, schrankalarm tönt lässig! uf tlc chunnt amigs au öpis ähnlichs. ich würd also au sofort mal mitmache. aber ich ha sowieso erst kürzlich usgmistet und halte mich jetz nochli zrugg demit ich denn es paar tolli summersache cha chaufe. ich ha erst am weekend no es bruutjungferechleid kauft für d hochzit vo minere schwö, das isch au keis schnäppli gsi, haha. und mir sind im april ja no es paar täg in NY woni sicher au no s einte oder ander wird shoppe denn. ich beherrsch mi also no.

ich ha gester scho mal mini schueh ipackt und es sind also 3 kompletti zügelschichte, das dörfi au niemerem säge... hahaha. und glace hani au gässe, natürlich nur usem grund das de tüüfchüehler endlich leer wird :D

• Zitieren

Guete morge zemme

es esch weniger temparament wo de chlii het, sonder meh es mega bedörfniss nach ufmerksamkeit :) es chont ner bez vor as wet er d nacht nohole ;)
Aber dor da, dass er meistens so guet schloft hani gnueg energie. So sache wie douche gönd eifach gar ned de tag dor. Aber ebe i be trotzdem sehr happy well er am obe so easy ischloft ond ide regel nor einisch chont gege morge ine.

Ui dandi die serie kenni gar ned. Muss mol luege, tönt of all fell cool :D

I be neu total söchtig nach "dexter". Be soscht gar ned de krimi fan aber die serie fendi mega cool!

Sonne i denke so oft a de, dass du alls dopplet hesch. Dopplet füeterle, dopplet wendle wechsle usw. Du besch mini Heldin em fall

Ui himbi demfall besch voll em zügel entspurt? Cool, da heisst aber au dass es gli denn dorre esch ond de chasch di neu wohnig irechte und mache. Das esch doch emmer a coolste dra ;)

Lily, i fende emmer wenn me ned onbedengt sofort zögle muess, de döf me rueg bez of di perfekt wonig warte. Ebe vorallem wenn si denn do meh choschtet as di jezig. S geld muss eims schliesslech wert si.
womer vode alte wohnig i die jetztig zöglet send hemmer of ei chlapf 800.- meh mieti zahlt aber es eschs eus total wert gsi!

Snet, i ha scho oft ghört dass di chliine eim zeiget wenn si ready send för breili. Aso so stell i mers emo vor. Ond so lang de chlii happy esch met sinere melch ond er emmer schön zuenemmt esch doch alles tiptop :)

Emma, ja die lange spaziergäng sends schönste öberhaupt :)
scho wahnsenn was alles i die chliine büchli ine passt :D

• Zitieren

hi h, himbeer, das esch velich gar nid schlecht wenn s'erschte weekend grad elei besch, de chasch irechte und dekoriere wie du möchtisch
do chunt mir grad wieder e lustigi story i sinn wo mir züglet hei: mir hei jo veli sache dopplet gha, wöu mir vorhär beidi elei inere wohnig gwohnt hei. unter anderem au der esstisch mit stüehl. mir hei sini sache nid so guet gfaue wie mini natürlich . wo mir de mit mim esstisch i der neue wohnig acho si, esch bereits si tisch im wohnzimmer gstande. mini schwöschter wo bim zügle gholfe het und eg hei gfunde, dass das gar nid goht und hei churzerhand si tisch mit de stüehl ufe balkon gstöut und mine is wohnzimmer . er het das de zwar nid so cool gfunde, hets aber im friede zlieb lo si. mi esstisch stoht ömu hüt no i der wohnig

• Zitieren

mir sind vor ewige ziite zämezügled und beid vo dihei us zäme i die erst wohnig. da min maa det aber scho verdient hät und ich nöd hät er die meiste möbel kauft. mittlerwiile händ mer aber scho vieles wieder ersetzt, soviel isch nüm übrig vo de erste wohnig. zum glück passed aber all eusi möbel wunderbar i die neu wohnig (also vom platz und au vom design her) und mir wänd au nüt me grosses aschaffe, da mer ja denn ines paar jahr hoffenltich au i euses huus chönd zieh und denn wirds sicher s eint oder ander neus geh. bis denn wird aber gspart ;-)

aaahaha jetz hani min maa no chöne dezue überrede am abig rasch id ikea zgah. mir bruched no es paar zügelschachtle und es stuck stoff woni gseh ha. mir händ ebe sones selbergmachts ruggeteil bim bett und ich würd d glegeheit gern nutze zum das neu bezieh. und sie händ en tolle schwarz-wiss gstreifte stoff hani gseh. gseht sicher super us ;-)

• Zitieren

hallo zäme

ja das mit dä wohnig isch glaubs e mission impossible he nei !!! elea, mir wäret au bereit meh z zahle, sofern wüki alles passt ! hät aber nie dänkt das es so schwer isch :/ und vorallem das min ma und ich beid so extrem heikel sind :( machts natürli nöd eifacher ... aber en funke hoffnig hani no klappet scho mal no!

super snet das es scho 3kg sind! die reschtliche wirsch bestimmt au no los ;)

weg dä breili, also ICH hans bim luis so gmacht dasi die erschte 3 täg nur rüebli gäh han, dänn mal bitz herdöpfel däzue ta :) es zweits gmües usw. ... also schlussentlich sinds immer herdöpfeli und max 3 versch. gmües und wenner dänn bitz grösser isch chamer fleisch däzue tue, ei etc. ... han vo dä müettereberatig so e lischte becho und mich bitz nach däre grichtet ... isch no hilfriich :)
dä luis hät jetzt grad gesse, hüt häts süesskartoffle, zucchetti, fenchel, rüebli und poulet gäh hättem gscmöckt jetzt bin ich dra mit esse
wünsch eu allne en guete und en schöne namittag ! :-*

• Zitieren

huhu mitenand! ich hoff all händ es schöns weekend gha? eusi wohnig hät sich definitiv ines labyrinth us zügelchischte verwandlet... de schlüssel hani au scho abgholt! jetz gilts langsam ernst!

@snet: am donnerstag wird gezügelt. wir kaufen einen neuen kleiderschrank, da unser alter sehr gross ist und in der neuen wohnung schlecht platz findet. wir haben bereits einen ausgesucht, war ein super deal: ein ausstellungsstück, top qualität, 50% reduziert! dann gibts noch ein tagesbett fürs büro/gästezimmer, das ist auch schon bestellt. und dann fehlt uns noch die komplette balkoneinrichtung. aber ich habe gesehen, dass diese woche aktion bei interio ist für gartenstühle, 3 für 4. vielleicht finden wir da grad was, wäre ideal. und was ich mir sicher nicht verkneife, ist das shoppen von kleinigkeiten ;-)

@elea: vo dem avent-dings hät mer grad e fründin letzt wuche verzellt, sie hät das au bstellt. tönt uf jede fall sehr praktisch!

• Zitieren